翠林辣蟹舫

营业中

休息中

今晚特登同朋友去左網紅蟹店食蟹，天花板掛住中式燈籠，燈光柔和，古色古香有特色。宜家仲做緊優惠，指定菜式半價，每月會更新優惠菜式，炒蟹都有8折優惠。避風塘炒蟹一定要點嘅菜式，用左新鮮肉蟹，肉質鮮甜彈牙，加上特製炸蒜、香蔥和紅辣椒爆炒，每一口蟹肉都吸收左炒料嘅香氣，沾滿濃郁嘅鹹鮮滋味。黃金流沙蝦球大大隻蝦球沾滿左鹹蛋黃粉炸至金黃色，外皮酥脆，蝦肉柔軟多汁，入口鮮甜，鹹香濃郁。黑椒牛仔粒牛肉粒口感軟嫩帶有微彈，肉味濃郁，帶有黑椒嘅辛辣香氣，薯仔粒入口有黑椒微辣味，口感軟綿綿。京燒蟹肉粉絲透明細緻嘅粉絲吸收左蟹肉鮮味，口感彈牙細滑，仲加左蛋絲一齊炒，份量好足。

翠林辣蟹舫（尖沙咀）一間網紅避風塘辣蟹名店,餐廳位於尖沙咀亞士厘道24號天星大廈1樓,餐廳裝修以中式風格設計,設有貴賓房,環境舒適座位寬敞,餐廳主打中式.粵菜,正好餐廳招牌菜避風塘辣蟹做緊8折,特色小菜半價,午市套餐45元有交易,兼送飲品,真的性價比高,服務員招乎熱誠有禮。避風塘香辣蟹餐廳招牌菜之一,用紅盤上桌,大大隻蟹被炸香蒜覆蓋,微辣,好有鑊氣,新鮮辣蟹肥美多肉,蟹鉗大過隻碗,蟹肉入口鮮甜,越食越野味。水蜜桃咕嚕肉咕嚕肉配料有三色椒,廚師烹調咕嚕肉至金黃色,微酸微甜,肉質鬆脆。黃金沙茄子黃金沙茄子配有三色椒粒作伴碟,配料有炸脆米線,茄子炸倒鬆化,口感有香濃鹹蛋黃味。萵筍蝦滑小炒小炒配料有紅椒,碧綠萵筍,粉紅蝦滑,新鮮蝦滑入口鮮甜,口感滑溜,萵筍食落清新鮮甜。

明星經常到訪嘅辣蟹店講到食海蟹香港就真係好少專門店，今次介紹依間餐廳其實好多明星都到訪過。餐廳大廚經常上電視嘅節目，另外餐廳門口放咗四、五十張大廚與明星嘅合照，等我帶大家睇吓明星嘅味道啦。避風塘炒蟹 $550 （限時八折優惠）冇估到隻蟹竟然咁大隻，仲要廚師已經處理好外殼，可以好輕鬆就食到入邊嘅蟹肉。炸蒜和辣味滲晒入蟹肉入面，但係又唔會蓋過蟹肉本身嘅甜味。黃金流沙蝦球 $96炸到金黃色嘅巨型鮮蝦，食嘅時候可以同旁邊嘅沙律醬一齊食。蝦肉大隻又好彈牙，沙律醬同時可以減低油膩感。避風塘牛肋肉 $144以為淨係海鮮先可以用避風塘去炮製，估唔到原來牛肉都可以。牛肉本身經過酥炸，最後再加入大量嘅炸蒜同埋辣椒調味，可以做到外脆內軟嘅感覺。香辣土豆絲 $49當然唔少得食返個蔬菜，佢哋炒嘅土豆絲會太濕潤，但係帶少少酸味都好開胃。翠林辣蟹舫 (尖沙咀)尖沙咀亞士厘道24-38號天星大廈1樓A號舖

今日約咗朋友係尖沙咀翠林辣蟹坊食避風塘炒蟹呢間人氣網紅店之前好多人介紹,今日一於同朋友一齊嚟食, 而且依家蟹/龍蝦做緊8折,小菜仲做緊半價🤩😋避風塘炒蟹🦀$688再8折味道真是很惹味👍🏻,蒜末煸炒得酥脆.散發出濃烈的香氣,與嫩滑的鮮甜蟹肉完美搭配😍😋涼瓜炒鮮腩$148涼瓜炒鮮腩的味道有點獨特,腩肉的嫩滑口感🤪😋香辣土豆絲🌶️$98非常開胃, 土豆絲脆嫩爽口, 送飯一流😋萵筍蝦滑🦐小炒$158呢個組合健康又美味, 萵筍脆嫩爽口配蝦滑鮮甜翠林辣蟹舫亞士厘道24-38號天星大廈1樓A號舖

最近同朋友去咗間網紅蟹店，呢度唔單止出名有新鮮海鮮，指定小菜仲推出咗半價優惠，而且每月仲會更新優惠菜式，今次我哋就叫咗幾款特色小菜，真係好抵食！ღ香水檸檬脆雞 $84 （半價價錢）外皮香脆，肉質鮮嫩，搭配檸檬嘅清香，食到停唔到口ღ水蜜桃咕嚕肉 $64 （半價價錢）色彩繽紛，水蜜桃嘅香氣加埋咕嚕肉嘅酸酸甜甜，酸甜適中好滋味ღ鮮冬菇紅燒豆腐煲 $49 （半價價錢）豆腐滑嫩，冬菇鮮美，湯汁濃郁，送飯一流ღ脆皮小棠菜 $84 （半價價錢）呢款菜式既特別又精緻，炸得香脆唔會油膩，入口松化又酥脆，菜粒爽口ღ避風塘炒蟹 $550.4 （8折優惠）話明係蟹店，避風塘炒蟹當然係必點嘅招牌菜，蟹肉鮮嫩，配上香料的獨特風味，讓人回味無窮ღ食神炒飯 $188炒飯堆砌出魚嘅造型，好吸睛，而且飯粒分明，搭配埋唔同嘅新鮮海鮮，口感豐富

想食炒蟹就一定會諗起翠林辣蟹舫!! 今次就帶埋朋友一齊黎食蟹呢~~餐廳而家做緊好多優惠~~~炒蟹炒龍蝦8折~ 其他小菜仲有5折添丫, 好抵食呀黃金流沙蟹 $688 (8折) --> $550.4大大盤一上枱非常吸睛!! 外觀金黃耀眼, 好似黃金咁閃閃發光隻蟹超級大又新鮮隻, 絕對對得住個價錢~~蟹肉結實飽滿, 搭配鹹蛋黃濃郁香味, 入口時酥脆可口, 內裡鮮嫩多汁蟹蓋爆膏丫!!!好大隻蟹鉗呀!!!芙蓉炒蝦仁 $168 (5折) --> $84蝦仁鮮嫩彈牙, 蛋白嫩滑細膩, 口感輕盈韮菜花炒小魚 $168 --> $84韮菜花翠綠鮮嫩, 搭配金黃酥脆小魚乾入口時韮菜花既脆嫩同小魚乾的酥脆形成強烈的對比, 味道鹹鮮適中, 口感豐富香辣土豆絲 $98 (5折)--> $49土豆絲炒過後保持脆嫩, 辣而不燥, 帶有一絲酸甜~ 令人胃口大開!!!

講起避風塘炒蟹就不得不提呢間香港明星都好鐘意去食既米芝蓮嘅蟹店，一入門口已經見到勁多明星相就知佢出名啦，佢哋而家仲做緊激底優惠，多款特色小菜半價，最出名嘅避風塘炒蟹和龍蝦仲有八折！喺市區都可以食到咁新鮮嘅海鮮餐真係好正！🦀避風塘炒蟹上枱已經好驚喜好靚，勁大隻蟹鋪滿金黃色焦香嘅蒜蓉，鮮甜肥美嘅蟹肉配上脆卜卜帶點香辣味嘅炸蒜，勁鮮甜勁惹味，配埋食神炒飯一齊食，香口到爆👨🏼‍🍳食神炒飯來自周星馳經典電影食神炒飯，加入咗勁多料去炒再將炒飯呈現做鯉魚嘅形狀，在鯉魚旗的位置鋪滿蟹籽，可以話係色香味俱全，而且製作方法繁複，喺香港已經好難搵到地方有得食！🥢脆皮小棠菜係佢哋好出名嘅名菜，香脆嘅豆皮包住加入咗小棠菜嘅蝦滑，外脆內軟，再配埋佢哋特製嘅醬汁，酸酸甜甜好開胃⭐️拍薑米酒雞炒雞既過程加入米酒和姜碎去爆香，減低薑本身辣味，食完個雞仲可以飲埋佢個湯，係有去濕健脾嘅功效，雞肉嫩滑多汁

再訪翠林辣蟹舫 太懷念佢個避風塘炒蟹啦🦀依然保持水準 蟹好大隻 蟹肉紮實新鮮👍🏻避風塘炒蟹加左勁多炸蒜 超級惹味 送飯一流😍黃金流沙蝦球🍤依個都係佢地嘅招牌菜之一☺️蝦球超級大隻 外層加左鹹蛋黃去炸 而且炸到好酥脆每一啖咬落去都感受到蝦肉勁彈牙 同埋充滿鹹香嘅鹹蛋黃味真係超級吸引水蜜桃咕嚕肉咕嚕肉炸得外層酥脆 入面keep住juicy有肉汁，每一粒嘅咕嚕肉都沾滿哂酸甜醬，真係好好味😋 而且配搭埋水蜜桃🍑一齊食，感覺更加fresh💕香辣土豆絲依個餸菜可以當埋做主食👍🏻 薯仔切絲，加埋酸菜同辣椒一齊炒，所以特別惹味👍🏻佢地依加做緊蟹🦀/龍蝦🦞 8折優惠、小菜就半價 真係勁抵呀😍

今日約咗朋友係尖沙咀翠林辣蟹坊食避風塘炒蟹呢間人氣網紅店之前好多人介紹,今日一於同朋友一齊嚟食, 而且依家蟹/龍蝦做緊8折,小菜仲做緊半價🤩😋避風塘炒蟹🦀$688再8折味道真是很惹味👍🏻,蒜末煸炒得酥脆.散發出濃烈的香氣,與嫩滑的鮮甜蟹肉完美搭配😍😋涼瓜炒鮮腩$148再半價涼瓜炒鮮腩的味道有點獨特,腩肉的嫩滑口感🤪😋香辣土豆絲🌶️$98再半價非常開胃, 土豆絲脆嫩爽口, 送飯一流😋萵筍蝦滑🦐小炒$158再半價呢個組合健康又美味, 萵筍脆嫩爽口配蝦滑鮮甜翠林辣蟹舫亞士厘道24-38號天星大廈1樓A號舖

呢間人氣網紅辣蟹店，响2023大衆點評上咗必食榜，加埋朋友嘅推介，當然要去試下喇😋。雖然係响一樓，但都有專𨋢到達，入到門口已經見到好多明星嘅合照，果然係網紅店✨️。朋友推薦我哋一定要叫半價特色炒蟹小菜餐牌，非常抵食，而且仲有好多招牌菜，包括有炒辣蟹添😝。🥢避風塘炒蟹 $688 半價後$344除咗避風塘炒蟹嘅煮法之外，仲有黃金流沙、椒麻香辣、鵝肝醬及黑白胡椒，肉蟹每隻大約一斤二兩；大大盤一上枱非常震撼，打卡度高，仲聞到好香嘅避風塘香味，大大隻又紮實嘅蟹鉗，鮮甜爽口又多汁，連蟹腳肉都非常充實，蟹味十足，至於蟹身肉亦相當柔軟嫩滑，配合炒得勁惹味嘅避風塘配料，正👍。朋友介紹得知翠林部份菜式有半價優惠，連蟹都有做半價後$344／隻即晚訂位睇下係咪咁優惠先……避風塘炒蟹$344用一個好特式架上炒蟹，好有儀式感，蟹都夠大隻，食落較重味道，蟹夠新鮮，但肉質未算太實，但都不錯，低食黃金流沙蝦球用一個細碗裝住隻黃金蝦球，再配沙律醬，咬落有啖啖蝦，美中不足比較油膩水蜜桃咕嚕肉$64咕嚕肉夠火喉，食落唔太甜，外脆內軟，食左好多塊水蜜桃。🫖茶位$10 🥜花生$18佢哋嘅半價特色炒蟹小菜餐牌，真係好食又抵食，而且每

在假期之際，選擇了尖沙咀的一家餐廳來犒賞自己，這裡的招牌菜避風塘炒蟹正好有八折優惠，還有26款特式小菜半價，令人心動不已。避風塘炒蟹的蟹肉鮮甜可口，伴隨著強烈的鑊氣，特別是那香脆的炸蒜，更是為整道菜增添了豐富的層次感。接下來的避風塘牛肋肉，外脆內嫩，牛肉的香味濃郁，讓人回味無窮。而香辣土豆絲，則以其酸辣的口感，恰到好處地激發了味蕾，非常開胃。最後，黃金流沙蝦球的蝦肉鮮嫩，流沙中的鹹蛋黃香氣獨特，讓人驚喜連連。整體而言，這次的用餐體驗讓我大滿意，每道菜都展示了餐廳的用心，絕對值得推薦！

呢日同朋友一齊嚟咗呢間食蟹🦀專門店食晚餐🤣$688「避風塘炒蟹」：依家做緊八折所以價錢係 $550🤩；炒蟹大大隻好多肉，好新鮮肉質非常鮮甜，要咗微辣，避風塘炒香口好食，仲感覺炒得唔係好肥，呢個好正🤩$49「香辣土豆絲」：呢個係優惠半價價錢原價係 $98🤩；薯仔切成幼絲，應該加咗紅椒絲、青椒絲、紅椒乾、蒜頭等，炒得爽脆簡單好食😋$48「黃金流沙蝦球一隻」：要咗2隻，用非常鬆化嘅黃金脆漿即係好似係鹹蛋黃脆漿包住，又係香口好食🤩$188「香辣萵荀炒湖南臘肉」：依家做緊優惠5折所以價錢係 $94🤩；萵荀非常爽口，臘肉大約75%瘦肉25%脂肪有鹹香🤣

今晚黎到呢間好出名食避風塘炒辣蟹網紅蟹店探店, 原來都有好多名人食過, 門口貼滿合照呀! 嘩, 連大眾點評必吃榜2023都榜上有名~ 餐廳其實係I Square 出口或者九龍公園係最近的, 行幾分鐘就到, 勁方便! 餐廳裝潢富有中國特色, 吊燈很配搭, 卡位舒適, 可以望到窗外~店員服務很好, 有介紹幾款不同蟹的煮法, 我依然選了很惹味的避風塘炒辣蟹小辣, 還可以揀辣度, 讚! 店員還介紹某些菜式而家做緊半價好抵食, 我都點了兩款~*避風塘炒辣蟹 真的好岩打卡, 擺盤好型, 好香炸蒜味香噴噴, 因為我唔食得好辣, 就揀左小辣, 食落小小辣, 岩哂我口味, 肉蟹好大隻, 肉質結實鮮甜惹味, 蟹蓋有膏, 蟹鉗係我大愛, 好大隻啖啖肉, 推介! 真係視覺和味覺雙重享受~*黃金流沙蝦球$48 又要嘩一聲, 好大隻, 哈哈! 炸粉不會厚, 炸至外層脆脆的, 食落好香鹹蛋黃味, 滿足感爆燈*水蜜桃咕嚕肉香酥脆咕嚕肉肉質外脆內軟多汁，醬汁酸甜醒胃, 配上青椒、紅椒、洋葱及水蜜桃一齊食，好有口感, 很美味*韭菜花炒小魚小魚經油炸後, 變得焦香, 和韭菜花一起炒, 清淡怡人, 越食越想食, 餸飯一流

惹味避風塘炒蟹，滿滿的炸蒜好惹味，蟹大隻新鮮🦀️ 厚身，肉質鮮甜有彈性，連蟹腳都有肉感，蟹鉗己處理妥當，很輕易便剝得開，肉質柔嫩又多汁，好捧啊！另一款招牌菜，黃金流沙蝦球，鋪滿了咸蛋黃，炸粉薄薄的炸得香脆，蝦🍤肉鮮味爽彈，很有咀嚼感，送酒就啱晒啦🫢。避風塘牛肋肉，牛肋肉炸得香酥脆口，鋪上了辣椒同埋蒜，入口微辣，真正的外脆內軟，好惹味。 香辣土豆絲，炒得夠晒火喉，爽口清脆，香辣口味令人食得開胃。 今晚食物滿足晒我哋嘅胃口🫣

好友快將生日，剛巧電視飲食節目介紹此食肆推出很多優惠小菜，便相約大伙一起為好友慶生。話梅涼瓜酸甜開胃，不一會兒便被清碟。黃金豆腐質素正常，縱使如此，香脆的小食仍是前菜的好選擇。閨蜜愛喝湯，隨便一問發覺是日燉湯是燉豬肺湯，便點了一份四位用的燉湯。湯頭是有「師傅」的味道，但總體而言湯的味道也是不錯的，而且豬肺也處理得到位，沒有不好的豬臊味。大夥是衝著蟹而來，當然必點，肉蟹有多種烹調方法，最終選了避風塘炒蟹。肉蟹堆滿了炸得焦脆的蒜粒與麵包糠，蒜香味滲透整只蟹，肉蟹的熟度剛好，保留了蟹的肉汁和鮮甜的味道。咕嚕肉炸得外酥內嫩，咕嚕肉的選材有點肥，但正好令菜式更富脂香，水蜜桃和三色椒炒製成的醬汁甜酸可口，濃稠恰好的醬汁完美包裹咕嚕肉和配菜。鱔魚肉質鮮美，以美極及乾蔥焗熟很合適，美極的醬味及乾蔥的香氣與鱔魚相互融合，使得整道菜十分味美。豆腐富含優質蛋白質，是很好的肉類代替品，炸過的嫩豆腐內裡依然軟滑，吸收了醬汁的冬菇同樣鮮味濃郁，喜歡豆腐菜式的不妨一試。鵝腸雖不是新鮮貨色，但煮功很好，因為鵝腸味道寡淡所以用醬油烹調十分合適，鵝腸被滿滿的醬汁包裹，口感與味道挺好。蔬菜選了炒土豆絲及薑汁炒芥蘭，芥蘭苗