翠林小館 (已結業)

✨中女獨食難肥日誌 ✨翠林小館 將軍澳外賣專線 中女食將軍澳疫症時期😔餐餐自己煮都好悶，而居住在將軍澳的朋友都好有福💛因為有將軍澳外賣專線！餐廳好有質數，服務有禮，外賣大約30分鐘就到，送到來仲熱辣辣！說來慚愧，住在區內多年竟今次先知翠林小館咁高質！好好味呀真係😋二人套餐 $188小食可選一款金沙四季豆金沙超香口，朋友介紹整個金沙系列都好好味，簡直令人驚喜的一道小食！例牌雞選了貴妃雞例牌都幾大碟，入味又香嫩，喜歡💕小菜一款選了土魷蒸肉餅超好送飯，感覺沒有味精，好健康，媽媽的味道，都好食！另包兩杯飲品、例湯及白飯特別一提個例湯超足料無味精！飲落好舒服滋潤！成個套餐令人好開心！一定會再幫襯💛

咁啱去嗰區工作，意外地食到佢既越式撈濛。最初去到，都係嗌飯食，諗住去茶餐廳當然食碟頭飯啦～ 後來見到濛粉都唔少街坊嗌，天氣熱又唔想食飯，就試下，果然好正！豬扒撈濛係特別推介！啲伴菜加花生同啲濛粉好夾，再加醒胃既魚露，真係好啱夏天食。豬扒整得好好食，幾大塊，而且嗰種厚度係剛剛好。個姐姐服務幾好，其實我都只係去左幾個星期五，佢就認得多，仲記得幫我走蔥🥰 小店就係呢樣好，員工親切，食物又會有驚喜😋 聽聞佢外賣都擴展到寶琳，鄧佢高興😊

假期不想煮食，致電翠林外賣專線，又快又好食，今次叫了金沙四季豆、麻醬雞絲粉皮、蒜蓉牛油雞亦、越式生牛肉湯粉、沙薑雞，每一樣都很好吃，尤其是蒜蓉牛油雞亦和四季豆是😋😋😋👍🏼👍🏼👍🏼

對於兩公婆都要返工嘅家庭哩講 煮飯可以話難 亦都可以話輕鬆 佢唔想辛苦自己嘅情況之下 當然選擇出街食 咁都要屋企附近有一間可以食極都唔厭嘅餐廳先得 好好彩我屋企附近就有 椒鹽豬扒$68椒鹽系列都好出色非常乾身 豬扒份量都好多 黃金焗鮮魷$78 相信我 喺翠林小館嘅黃金系列讓你一試愛上 無論係黃金四季豆黃金軟殼蟹 都係好好食蒜蓉蝦乾蒸茄子$68睇落好似未熟咁 但係已經熟透又入味 第二日自已下廚都煮到 簡單得嚟夠健康夠清淡半隻招牌沙薑雞$88沙薑雞 半隻都夠食 雞肉有味夠滑 見到隔離枱食沙薑雞套飯都好多雞以上小菜全部加十蚊就有飯有湯 唔使買餸唔使整唔使洗 真係好抵兼經濟

就嚟搬離呢一條村， 以後好少機會食番呢一間嘅人情味喇， 所以 昵幾日盡量去多啲， 呢間小店真係好用心製作， 只係好簡單嘅酸薑皮蛋 佢都整到兩條金魚出嚟真係好靚 呢一個小食我成日都食， 今次再嗌埋椒鹽白飯魚 呢個唔怕熱氣真係要試 送酒真係一流 蒜蓉蝦乾蒸娃娃菜， 蝦乾嘅味滲入咗落娃娃菜度 鹹甜分明，正 再嚟多個土魷蒸肉餅 我個仔至愛 經常叫 仲有佢不含味精嘅例湯 真係零舍好飲 無奈就黎要搬走喇， 變咗以後就少機會食到咁有人情味嘅家常便飯。

今日朋友介紹話去食一間好好味既小菜，一行7人就去翠林食，因多人叫左好多唔同小菜，叫左一個四人餐，再叫左幾碟小菜。我地叫左皮蛋，牛油雞翼，醉雞，沙薑雞，黃金炸豆角，黃金炸軟殼蟹，雞絲粉皮，蒜蓉蝦干蒸絲瓜，蒜蓉蒸茄子，糖醋茄子，椒鹽鮮魷。先講黃金炸軟殼蟹，個蟹肉好味，個蛋黃炸皮好好味。蒜蓉蒸茄子清清地但好夠味，醉雞酒味濃，個黃金炸豆角好好味配啤酒一流，但比較熱氣。雞絲粉皮都比較大碟，最後我地仲叫左可樂。七個人一供食咗八百幾蚊每人都係120幾蚊，性價比比較高，但個環境就比較一般，因為比較大油煙味。總括來說，小菜係抵同好味。👍🏻

最近經常幫襯佢地，因為食得出係用心煮嘅，雖然款式不多，但勝在美味，特別係今晚呢個麻辣豆卜蒸滑雞，惹味非常;金魚皮蛋賣相得意;今晚例湯係老黃瓜，同屋企自家煲一樣零味精;食落就知每樣食材都係揀選過，以屋邨食店嚟講有咁嘅水準十分難得，希望唔好又被租金吞食

好耐冇落嚟食晚飯 其實呢間舖頭之前都做過好多手， 唯獨呢一間我先會經常黎幫襯， 原因好簡單 就咪係好味好味好好味 同埋充滿人情味 佢呢度嘅家常小炒，蝦醬炒通菜呀 就算係蒸肉餅都十分 出色 同埋佢呢度嘅例湯係絕對冇落味精 我個仔嚟親都飲一碗 真係好值得推介

雞絲粉皮 粉皮晶瑩剔透、很滑加麻醬和青瓜絲一起吃，很好味又開胃的小吃，這家的金沙菜色👍👍👍，不再多提，醉雞和沙薑雞又嫩又滑，越式牛肉湯河 牛湯底甜美，牛肉很冧，土魷蒸肉餅比較差，可以不吃

這家的金沙蝦、金沙鮮魷、金沙四季豆都十分好吃，這次選了金沙四季豆，椒鹽鮮魷炸得鬆脆但味道比較淡，沙薑雞好滑非常好吃😋😋😋，在村內價錢比較貴份量少，但十分好味新鮮👍👍👍