影片
以上资料只供参考，请与餐厅确认详情
睇返记录，原来嚟呢间舖头食嘢，只不过系约一个月前嘅事，当时三𩠌车仔面配热饮系$39，但今次嚟已经加咗$1，去到$40啦！记得上次话佢哋有檬粉同银针粉可供选择，但实情系点？呢日嚟到，话要檬粉，个店员话睇吓先，先帮我写住银针粉，结果嚟到真系银针粉，而唔系檬粉，不过都ok，车仔面配银针粉其实都好少见，所以唔系咩大问题。三𩠌我就拣咗大肠、牛筋，同埋猪皮，呢三样比较浓味嘅食物，再配一杯热奶茶。大肠系正路嘅雪货，腍身得嚟少咗啲烟韧，更无鲜货嘅香味，话时话，依家起出面食猪大肠，都几难食到鲜货。牛筋又系一定系雪货，腍得嚟带啲爽口，而且够入味，唔错。猪皮都叫有啲厚度而且爽口，而唔系薄薄嘅油炸猪皮，𠮶只我买过一次，永远唔会买第二次。奶茶同银针粉就正正常常，无咩特别。总括嚟讲，呢餐算系普普通通，胜在试下银针粉配车仔面会唔会有啲火花出嚟，答案显而易见系无。
继续阅读
普普通通的一个晚餐，有：鱼香茄子煲 $62 >>> 好惹味，鱼香够香枝竹火腩煲 $70 >>> 火腩够肥，枝竹少少硬芽菜炒鲜鱿 $70 >>> 好够姜，驱寒七味风沙猪手 $55 >>> 够香，脆身，有咬感送白饭，跟例汤，青红萝卜汤 >>> 足料，有味，够暖身Coca-Cola no-sugar $8一餐饭，四个人，围返一人一百蚊有找。有饭，有汤，有𩠌，有可乐，有位坐，有水吹，慢慢吹，无人吹，「翠屏茶餐厅」是一间好有人情味的餐厅！
继续阅读
🧑🏻🚒🤵🏻👩🎨🧑🏻🔧👩🏻💻打工仔之选：两𩠌饭🍛卖点1️⃣价钱相宜💲💲卖点2️⃣出餐快🥇🥇卖点3️⃣除左两𩠌饭，餐厅仲有午餐、茶餐、车仔面，选择多👍🏻👍🏻👍🏻量多总体来讲，系返工食晏之抵食选择👍🏻
继续阅读
今日嚟到位于观塘翠屏街市嘅翠屏茶餐厅食个Tea下午茶时间当然就要食个茶餐，除咗平一日嘅茶餐，佢仲有粉面饭，仲可以叫小菜最后我就拣咗鸡髀沙律呀，$36蚊，抵食夹大件鸡髀隔油做得唔错，肉质干身，炸得香口之余而不肥腻
继续阅读
早餐最紧要系快靓正，快手当然系讲上菜时间快啦，靓同正呢，除咗要饱肚之外都要好食嘅。茶餐厅虽然地方细细，坐得比较迫，但系食物质素真系唔错嘅。我拣咗一个猪软骨汤意粉，配火腿奄列，再送埋一个热奶茶，都只系31蚊，呢个价钱嚟讲，完全系无得投诉呀。猪软骨虽然祇有两嚿，但系份量都ok,每旧大约有一只手指公咁大，最重要系d肉够林之鱼软骨仍然系咬得到好有口感，汤意粉稍为淋咗少少，不过个汤底真系好正好香，连我平时出街食粉面唔会饮汤嘅人，都饮咗一大半。奄列嚟讲啲火腿丝都好多，加埋多士，未饮晒杯奶茶已经觉得呢个set好够饱同行友人就选择咗炸猪扒，配雪菜肉丝面，个猪扒一啲都唔厚粉，质感系比较实净嘅，但食落又唔会觉得好油，紧骨嘅位置啲肉质仲好滑添，都好满意啊。样子无乜特别就唔影相啦，不过质素真系比一般连锁嘅，餐厅好，大家有机会都多啲支持下呢啲小店啦
继续阅读