翠園餐廳 (已結業)

神戶牛柳扒餐-不太硬！淋度剛剛好！黑椒汁超美味！咖喱牛腩飯-汁好味、薯仔超有口感、牛腩超淋！正！各位值得一試！價格合理公道！！!！！！!Goodddddddddd!

一值無為意呢間茶餐廳，最近黎食下，竟然喜出望外。叫個牛腩麵，d牛腩好足料同好味。沙嗲牛肉麵加火腿奄列膠仔，麵比較硬，浸耐d ok。火腿奄列d蛋熟既程度剛好，內裡juicy。今日試左個下午茶，炸雞脾西多士紅豆冰，嘩，好邪惡既組合，紅豆冰既紅豆硬硬地，夠煉奶。炸脾都厚肉。西多新鮮加牛油蜜糖超好享受。係一個好令人滿足既組合。呢度價錢合理，味道不錯，推介一下。

居然去錯考試場地，急忙大埔非的去竹園，但早餐都未食，唔食野邊有力考試呀！見到茶餐廳就求其盅入去，是但醫飽肚算喇。牛腩魚蛋麵走蔥，又會咁好食既？唔怪得樓上啲餐廳靜蠅蠅啦。湯底濃郁香甜牛肉味，連飲幾啖停唔到口，爽彈鹼水麵爽到索索聲，掛住香甜湯汁衝入口中直達喉嚨，好好味呢！牛腩軟棉入味完全無渣，高質！魚蛋滑溜又爽彈，辣椒油都唔錯。總評級為中上出品，非常滿意。最尾問收銀姐姐體育館係邊，佢好激動又驚訝話對面馬路咪係囉，一望就見到啦！我第一次黎，知係邊就唔洗問您啦，我仲要比的士司機點左入商場囉，先走左黎翠園食野乍。

屋企樓下開左間新既茶餐廳一直都無過,今日終於一家四口落去一試!叫左3個小炒,一個煲仔飯及一個焗肉醬意粉!薑汁炒芥蘭~呢個炒得好好,食落完全唔苦仲好香口,唔知係咪同薑汁有關!椒鹽腰果茄子~無咩特別味道OK,但勝左唔會好油!洋蔥豬排~好味,但無特別豉汁排骨煲仔飯~夠香,飯唔會乾,食到底仲有飯蕉,排骨業得好入味!芝士焗肉醬意粉~初頭一黎到仲誤會比錯野我地,點知原來唔係,佢地呢度既焗肉醬意粉係用煲仔焗既,好特別!一打開已經有濃濃的芝士氣味,加上新鮮熱辣,一定係即叫即焗,意粉亦夠林!真係好正