影片
神户牛柳扒餐-不太硬！淋度刚刚好！黑椒汁超美味！咖喱牛腩饭-汁好味、薯仔超有口感、牛腩超淋！正！各位值得一试！价格合理公道！！!！！！!Goodddddddddd!
继续阅读
一值无为意呢间茶餐厅，最近黎食下，竟然喜出望外。叫个牛腩面，d牛腩好足料同好味。沙嗲牛肉面加火腿奄列胶仔，面比较硬，浸耐d ok。火腿奄列d蛋熟既程度刚好，内里juicy。今日试左个下午茶，炸鸡脾西多士红豆冰，哗，好邪恶既组合，红豆冰既红豆硬硬地，够炼奶。炸脾都厚肉。西多新鲜加牛油蜜糖超好享受。系一个好令人满足既组合。呢度价钱合理，味道不错，推介一下。
继续阅读
居然去错考试场地，急忙大埔非的去竹园，但早餐都未食，唔食野边有力考试呀！见到茶餐厅就求其盅入去，是但医饱肚算喇。牛腩鱼蛋面走葱，又会咁好食既？唔怪得楼上啲餐厅静蝇蝇啦。汤底浓郁香甜牛肉味，连饮几啖停唔到口，爽弹碱水面爽到索索声，挂住香甜汤汁冲入口中直达喉咙，好好味呢！牛腩软棉入味完全无渣，高质！鱼蛋滑溜又爽弹，辣椒油都唔错。总评级为中上出品，非常满意。最尾问收银姐姐体育馆系边，佢好激动又惊讶话对面马路咪系啰，一望就见到啦！我第一次黎，知系边就唔洗问您啦，我仲要比的士司机点左入商场啰，先走左黎翠园食野乍。
继续阅读
屋企楼下开左间新既茶餐厅一直都无过,今日终于一家四口落去一试!叫左3个小炒,一个煲仔饭及一个焗肉酱意粉!姜汁炒芥兰~呢个炒得好好,食落完全唔苦仲好香口,唔知系咪同姜汁有关!椒盐腰果茄子~无咩特别味道OK,但胜左唔会好油!洋葱猪排~好味,但无特别豉汁排骨煲仔饭~够香,饭唔会干,食到底仲有饭蕉,排骨业得好入味!芝士焗肉酱意粉~初头一黎到仲误会比错野我地,点知原来唔系,佢地呢度既焗肉酱意粉系用煲仔焗既,好特别!一打开已经有浓浓的芝士气味,加上新鲜热辣,一定系即叫即焗,意粉亦够林!真系好正
继续阅读