翠亨邨 (美麗華廣場1期)

营业中

休息中

和好友聚會，愈來愈喜歡相約一起吃中菜！喜歡較安靜的用餐環境，可以邊聊天邊品嚐美食，來翠亨村就最適合了。寒冷的天氣，來一煲時令清湯羊腩煲！羊肉鮮嫩，湯頭醇厚，清香四溢。羊肉肥瘦勻稱，肉質相當軟腍。鮮滕椒啫啫老虎班煲老虎斑魚肉嫩滑，搭配鮮藤椒的香麻，讓人很開胃，讓人回味無窮。咸骨大芥菜煲咸骨咸香味十足，芥菜脆爽回甘，咸鮮交融。腊味煲仔飯（4-6位用）香氣撲鼻，腊味份量非常多！我最愛是潤腸。米粒分明且吸盡臘味精華。底層飯焦香脆可口，份量十足。川貝石斛燉花膠花膠搭配川貝石斛有滋陰潤燥的功效，湯頭很鮮甜，很好喝！蒜蓉蒸龍蝦糯米飯龍蝦肉質彈牙，融入蒜香糯米飯中，口感層次豐富，色香味俱全。

爸爸鍾意食叉燒，聽朋友講翠亨村嘅叉燒都唔錯，性價比比較高，所以book咗今晚嚟試吓我哋一家大細一行8人，六點左右嚟到，佢啱啱開門，揀咗一張窗口位俾我哋，小朋友好開心。呢度裝修唔錯，又光猛、樓底都唔算低本身諗住試吓佢個老虎斑，不過今日咁啱冇貨，今日叫咗：招牌叉燒 - 半肥瘦，好好食，亦都唔算鹹乳豬例牌 - 乳豬皮非常之香脆，值得推介四季豆炒龍躉球 - 不過不失，龍躉球亦都好滑西蘭花炒琵琶豆腐 - 豆腐炸得好鬆脆，好有特色蔥油脆皮雞 - 店員推介之一，真心唔錯清湯羊腩煲 - 腐乳羊腩煲就食得多，但係清湯羊腩煲就第一次，幾特別，亦都好入味小朋友最愛嘅蛋花炒飯，仲特登幫我哋分開咗兩碟上最後仲送咗糖水俾我哋。今晚大家都食得好開心，性價比高服務質素好，一定會再幫襯

啱啱去咗邊間餐廳食飯，跟大家嚟個即時食評! 首先夠晒震撼——清蒸大閘蟹🦀, 蟹肉肥美得嚟滋味十足，蟹膏更加係香濃得嚟揾笠足料! 嗱，撈咗蘸料一味，真係咁惹味，蟹仔肉彈牙得滯，味道鮮甜，真係贏晒！同桌有個蟹肉文思豆腐羹，好幼滑，舌尖上嘅溫柔! 跟住蟹肉玉簪蝦球，蝦球掂到漏，一啖嗌得出新鮮，攪埋蟹粉搞添鹹蛋黃味，係嘉年華會呀!勁食到停唔到口嘅飯後甜品——薑茶湯圓，啖啖都係暖笠笠嘅幸福感，芝麻流心撞埋薑茶嘅暖意，搞到成個秋天都溫哂！ 整體來講，今次食飯嘅體驗真係正！服務得體，環境企理，食物質素高，食過仍然掛住，啱哂同三五知己，一齊分享嘅好去處！下次上黎，一定要再嚟打個卡，食埋其他香口嘅菜式啦！👍🎉🥢

終於度有秋意嘅11月 當然要食大閘蟹啦翠亨村呢個大閘蟹宴 唔錯值得介紹👍🏻跟返佢嘅上菜次序逐個介紹返先1️⃣乳鴿 熱辣辣香口 味道不錯🤭2️⃣蟹粉豆腐羹 蟹粉香濃配上嫩滑嘅豆腐口感層次感豐富😍3️⃣我哋嘅主角．大閘蟹反而大閘蟹冇乜特別之處 不過不失4️⃣炒石斑塊 彈牙入味 超唔錯🫶🏻5️⃣蟹粉豆苗 蟹粉都多但係豆苗就唔算特別好食6️⃣帶子炒飯 原粒帶子好大粒 炒飯香口😁7️⃣薑汁湯圓 大大粒 薑味好濃餐廳配有25年老花雕任飲配上大閘蟹 超級正❣️同埋仲有rosey wine 不過就覺得一般比較淡 冇乜特別之處🥹

秋天吃蟹季節又到，與蟹有緣的人又是時候出動尋吃了，黃油蟹奄仔蟹重皮蟹大閘蟹，你又與那蟹最有食緣呢。正所謂九月圓臍十月尖，十月尖臍膏更濃。年紀漸長的我，縱使好蟹非常但也要為了健康，不能吃蟹膏太多，但每年總要吃一次償償心願，解解心頭的慾望。今天晚上，約了也是好蟹的朋友，二人目標一致，跑到來尖沙咀美麗華廣場一期之翠亨邨，品嚐這店一年一度的十月尖臍大閘蟹宴。這套餐有足四兩的公大閘蟹共兩隻，也有小菜和燒乳鴿，有魚有肉也有菜，也算是阿Q精神自我安慰的平衡飲食。朋友回應說，久一違之，實屬無傷大雅吧。吃蟹怎能沒半滴花雕，套餐裡加少少金錢，就有兩種佳釀包括一杯二十五年的咸亨陳年花雕享用了。先來的是生拆蟹粉文絲豆腐羹，滿滿的蟹粉，鋪在豆腐羹上，一絲一絲的豆腐真佩服廚師有這麼高的刀工技巧，羹裡伴上鮮蟹肉令整個豆腐羹更具口感。大閘蟹上桌果然十月是吃公，酒樓沒有魚目混珠送上蟹乸，甘香爆膏的公蟹熱辣辣上桌令人大快朵頤。今年第一次去吃，感覺人生之美味，盡在這一堆蟹膏開始。盛贊的是酒樓奉上的蟹，見客人吃完了第一只，才奉上第二只，保持著蟹的熱辣辣口感給每位客人。昨年也來過這酒樓吃蟹宴，相比之下，發現了今次他們用來盛載美

點心味道，好一般…翠亨邨招牌炒米粉，我覺得唔好食，味道好淡米粉比較硬…$168唯一欣賞係蛋撻仔，同埋炸子雞….有book位，仍然排隊45分鐘，本人認為唔值得等咁耐同埋女廁， 壞咗兩格， 冇維修，每個食客去洗手間，排隊要10幾分鐘，非常唔方便， 而且衛生情況惡劣…..本人感到，有靚茶，都唔敢繼續飲，因為怕去一個， 唔衛生嘅洗手間，仲要係，大排長龍而影響愉快嘅心情

之前經過尖沙咀美麗華廣場工作，突然之間肚子很餓！想找間茶樓飲下茶，食下點心！就比我選擇了這間中式酒樓，也叫了幾碟點心！點心都幾好食，餐廳侍應服務也唔差！推薦推薦！點心方面，最值得介紹芝麻卷😅😅其實好多酒樓都無得買！

之前食商務飯嘅時候，經朋友推介，選擇喺呢度食。對腸粉有要求，呢度滿足了食客要求，皮薄餡靚。今次同回港朋友聚餐，適逢係端午節。錦鹵雲吞、腸粉今次再點，保持高質。點心味道不錯，糉都好好味。加埋甜品，非常滿足。😋😋

今日與家人來這𥚃午餐慶祝父親節。開始時由於人多，booking有點亂。我哋book咗12pm 但枱竟然給了遲來的另－客人，很生氣向女經理Rachel 投訴，Rachel的即時處理令我們由激氣到滿意。食物本是不錯，但加上優質客服，所以特別好吃，贊👍

今晚和honey 屋企人吃晚餐。這家餐廳面積不少，座位排得比較密集，而且相當熱鬧。翠亨邨靚一雞半隻$260這道菜其實就是白切雞，配上薑茸或沙薑醬。雞肉幾柔軟，雞皮下沒有太多脂肪，味道方面是標準水平，沒有驚喜。豉汁帶子蒸豆腐$268這蒸豆腐幾嫩滑，帶子軟嫩，加上濃味豉汁，十分惹味，老少咸宜。醬燒牛肋排$368這醬燒牛肋排煮得好腍，少少燒汁風味，味道帶甜，牛肋排半肥瘦的肉質，啖啖肉。瑤柱扒時蔬$288菜心灼得嫩綠，口感軟身，沒有渣，加上鮮甜的瑤柱口感軟滑，味道不錯。例湯$208這例湯沒太大印象，湯夠熱，不油膩，足火喉，感覺是家庭風味。或許是父親節的關係，餐廳十分熱鬧忙碌，但他們效率幾高，出菜快及準確，大家捧腹而回。

家姊做完化療一星期無胃口，有機會就讓佢食好嘢，要找些少人去，盡量避開細菌，上星期去咗宏，見到翠享村，今個星期就要來，環境乾淨整潔程度，跟美心集團可比，但點心種類多過一般翠園（除沙田），價錢及質素也 不遑多讓。 雞絲粉皮， 粉皮爽滑麻醬鮮淮山，可， 海港較粗有味蠔仔粥， 蠔仔量小，味也可， 潮庭鮮味的， 最好百樂牛肉腸，最好有馬蹄， 牛肉嫩，粉皮滑， 埋單先知$88最抵杏汁燉木瓜88， 杏汁又滑木瓜夠腍。芝麻卷夠芝麻味，但做唔到菲林效果。羊肚菌燒賣 餡全部係蝦蠔餅， 夠鮮味 但唔係脆脆嗰隻， 蛋多木薯粉少。 這裏勝在唔人多 擠迫， 尖沙咀中心區酒樓好少見， 總之食到家姐好開心。

lunch time時段想飲個茶食吓點心於是就去咗呢一間請勿靠近閘門走廊，價錢又真係略高，不過出品質素有保證，無論食材同埋服務都穩定地高。蝦餃係每次都必點嘅，入面隻蝦新鮮，肉質爽口彈牙，蝦餃皮晶瑩又夠薄。春卷皮夠薄，唔會油淋淋，入面嘅餡都幾新鮮，d蘿蔔絲好清新。XO醬炒腸粉選用嘅XO醬質素都算高，食到好香瑤柱味，個腸粉炒得好乾身，又唔會好多油。呢個燒腩仔拼叉燒份量啱啱好，兩個人唔會太多，叉燒半肥瘦好靚，燒腩仔塊皮又香又脆。

母親節就快到，想搵間高級一點的酒樓訂枱甚困難🥲，只好選擇提早慶祝。🤫無意中於網站廣告見到這間酒樓做緊網店優惠，也剛好有位就預定了這間餐廳。😃餐廳位於尖沙咀美麗華商場內，地點適中並不難找。裝修平實不會過於奢華，明亮乾淨，枱椅餐具卻花了心思佈置。侍應專業有禮，服務正常。主打粵菜，也有不少其他特色菜色。主餐牌於官方網站有刊載，故放幾個網上沒有的套餐餐牌。(請參考附圖)📓味道方面因各人口味不同，請參閱附圖。

因為入咗翠亨村會籍嘅關係，我哋平日夜晚黑多數會過嚟食晚飯，今晚訂咗隻片皮鴨，鴨連皮既盒已經一早嚟咗，放係枱旁另一張方枱上，等等下覺得唔對路，而且我哋都人齊，由等人片皮，直至到開始將隻鴨片開差唔多上得，都等咗最少20分鐘，於是上嘅時候片皮鴨已經凍晒，連同片皮鴨嘅白色皮都已經凍晒，我唔知道係因為唔夠人手啊定係佢哋搞錯咗，總之今日嘅晚餐就有啲失望，其餘嘅菜式都係一般啦，正正常常冇乜驚喜，不過最後即係片皮鴨真係大打折扣，原本好好味嘅一餐飯，因為職員冇嚟到切片皮鴨上菜而令到呢一餐晚飯最失色。

訂左星期六晚7點。叫片皮鴨冇、蒜泥白肉冇、梅菜扣肉冇、流心蛋冇。。。吾明點解招牌菜可以星期六早埸冇，其他簡單小菜都冇。結果食左隻雞，味道一般。鯪魚球，超咸。豬柳，有D硬。雙面黃同炒飯一般。。。吾會再去，失望。