翠亨邨 (美麗華廣場1期)

营业中

休息中

今日和同事到翠亨邨吃些點心🥟，便要各自辦事，時間不多，只叫了三款點心👇茶具潔白漂亮👇筍尖鮮蝦餃$58，咬下去鮮嫩有汁，從蝦餃皮看到蝦仁若隱若現，飽滿且爽口彈牙👇陳皮金菇牛肉腸$88，皮薄通透，包着滿滿的餡料，入口有撲鼻的芫荽香及新鮮滑牛的滋味👇薑蔥牛柏葉$48，牛柏葉爽彈，質感弄得剛好，並讚賞切得幼身，方便進食和咀嚼最後，要讚的是洗完餐具盛水的白色大碗，外形像花瓣托有美感，夠大又夠深，好用👍

係尖沙咀岩岩收工, join 屋企人gathering 去左Mira 翠亨邨食中菜！夜晚餐廳都幾旺場 好熱鬧🤣🤣我地簡單叫左啲signature菜式同小菜，都十分不錯🙂‍↕️順德魚滑羹係廣東順德既傳統名菜，鯇魚作為主角，師傅需要用時間慢慢生拆魚肉作熬製亦吃得出湯羹內的各種豐富材料，湯底顏色乳白、鮮香順滑！法式焗蟹蓋翠亨邨必點名菜之一師傅將蟹拆肉，再放上洋蔥、雞髀菇，釀入一個蟹蓋之中並以奶油及薑黃粉作調味，口感絕對非常豐富，幸福感滿滿的！桂花蟹肉炒銀絲生拆蟹肉、銀芽、蛋花和粉絲一起放進鑊炒師傅炒得非常乾身，不會把各種食材黏附在一起黑魚子香芒貴妃蝦球（4件）餐廳選用了老虎蝦，外脆內軟，蝦肉新鮮彈牙放上花生粒、香芒、黑魚子，口感份外豐富~用左青瓜作基底，可以中和一下口腔飽膩感~蛋白杏仁茶杏仁味濃郁放入一絲絲的蛋白來煮，口感很順滑且不會太甜，適合不喜歡吃太甜的朋友~

Mira Dining食物向來質素保證順德魚滑羹餡料非常充足, 入面有好多生拆鯇魚肉呈現出奶白色、膠質豐富的羹湯，味道鮮甜滑嫩法式焗蟹蓋相信係翠亨邨既招牌菜蟹肉做基底, 蟹肉肉質也很鮮嫩入面仲有其他材料包括雞髀菇、洋蔥等配菜並以薑黃粉及濃郁奶油為調味, 非常融合!桂花蟹肉炒銀絲口感清爽細膩, 炒得非常乾身配以粒粒蛋花、蟹肉、芽菜、粉絲等一起炒令整碟主菜的層次感更提升更高層次黑魚子香芒貴妃蝦球（4件）超大隻老虎蝦, 蝦肉鮮嫩彈牙, 和黑魚子的鹹香及清甜的芒果巧妙地融合在一起, 帶來不同的味蕾享受蛋白杏仁茶杏仁味道香濃, 甜度適中將蛋白放進杏仁茶一起熬製, 喝下去尤其順滑及暖胃亦為這頓飯畫上完美句號~

美麗華翠亨邨，老實講，以前嚟食真係有驚喜，成日都會有啲「嘩，正喎！」嘅時刻。今次再嚟，整體感覺係——仲有水準，但明顯冇咗以前咁精彩。唔係話唔好食，只係標準跌咗少少，啲味道冇以前咁突出。先講雞同叉燒，兩樣都算係今餐主角。雞皮滑，雞肉嫩，醬油味道啱啱好，食落仲有啲童年回憶。叉燒都做得唔錯，肥瘦適中，蜜汁掛得均勻，食落有肉香又唔會太乾。兩道燒味都值得推介，真係有返翠亨邨應有水準。片皮鴨方面，外皮都脆，不過肉質就偏乾咗啲，冇咁多肉汁。唔算失望，但同以前比，總係差少少火候。蒸魚都係正常發揮，魚肉新鮮滑溜，但整體感覺比較平穩，冇乜驚喜，食完唔會特別記得。翠亨邨依然係舒服嘅地方，服務都有禮，燒味依然有水準，特別係雞同叉燒，值得一試。雖然整體冇以前咁突出，但都係穩陣之選。如果同屋企人或者朋友來聚餐，呢度都唔會令你失望。

主要想食片皮鴨，網上見到翠亨村評價唔錯，仲有米芝蓮推介，諗住係信心保證，點知食物水平都係一般般北京片皮鴨油脂均勻，肉質嫩滑不柴。侍應姐姐現場片鴨，薄餅柔韌，搭配甜麵醬、青瓜和蔥段，最特別係配有哈密瓜，入口層次豐富。整體水準不俗，唯醬料稍甜，同埋鴨味再濃郁些更佳。 冰鎮菠蘿咕嚕肉創新版咕嚕肉以冰鎮形式上桌，外層糖醋脆殼冷凍後更顯酥脆，內裡豬肉仍保持軟嫩。酸甜汁平衡得宜，搭配新鮮菠蘿的果香，冰火口感獨特，但係菠蘿同咕嚕肉分開上，感覺不太習慣第一刀叉燒蜜汁焦香滲透肌理，肉質鬆化多汁，感覺偏甜略帶油脂甘香，一般麻醬淮山淮山（山藥）切條，口感偏淋，裹上濃郁芝麻醬，香醇帶微甜，撒上白芝麻增添口感。頭抽煎鱈魚鱈魚煎至金黃，帶點焦香，頭抽（特製生抽）鹹鮮甘醇，滲入魚肉卻不掩其原味，搭配蔥段提香。招牌炒米粉米粉乾身不油，鑊氣十足，配料如芽菜、叉燒絲、蛋絲增添口感。醬油調味均勻，，屬傳統港式風味。整體而言，翠亨邨的菜式在傳統與創新間平衡，部分料理稍作改良，適合追求經典與新意的食客。

月中有客戶邀請出席週年晚宴，在尖沙咀美麗華商場，如果唔係有人邀請真係唔知這裏咁多餐廳，搵咗好耐先搵到，最後先知原來有𨋢直達，一望餐單似乎相當唔錯。鴻運乳豬全體，當然係乳豬件，皮脆肉嫩，就是比較肥。鮑汁扣五頭鮑魚，炆得入味。xo醬翡翠玉帶子，帶子食得出鮮味。杏香百花丸，杏仁片脆，海鮮肉丸有鮮味彈牙。上湯蝦球伊麵，蝦球爽彈。海鹽蒸海斑就普普通通，有啲過熟。南乳吊燒雞皮脆入味，就唔太熱。和風櫻花蝦炒飯，櫻花蝦咸香，飯炒得乾身好味。高級食府係有啲堅持，除咗燒雞唔太熱，其他所有食物都係熱辣辣，上枱仲係出煙。

我們在哪裏是吃晚餐 ， 一入到去太陽還未完全落山 ， 在餐廳內還是看到夕陽的餘暉。 這間餐廳的服務十分周到， 員工十分足夠， 做事效率非常快， 沒有出現漏單狀況。 另外， 冰鎮菠蘿咕嚕肉具有特色。 以冰製成的碗， 把咕嚕肉放在裏面， 使咕嚕肉保持酥脆，十分好吃。 其他各類的食品質素也很不錯， 材料十分新鮮。 我們叫了壽桃包和薑汁紅棗糕。 壽桃包的份量十分適合， 雖然入面沒有蛋黃， 但蓮蓉不算太甜， 不會吃下去很漏的感覺。 薑汁紅棗糕薑味適中，也適合兒童吃。

餸菜好味，招呼周到，有AE咭7折後價錢合理。可惜上菜慢，除了燒味炒菜外，往往要食完一碟再等10分鐘才有第二道菜，就算和職員反映幾次都不行，他們寧願叫我取消。這在其他同級餐廳少見，希望能改善。

與相識超過30載的好友新春聚餐，再加上慶祝一位退休前輩的75大壽，自然要揀一間環境舒適、食物有水準的餐廳，曾經到尖沙咀翠亨邨飲中午茶，對其點心非常滿意，在 openrice 搜索才知道原來是米芝蓮餐廳，所以便決定試試晚飯之水準。。。果然沒有令人失望，由上第一道菜開始便專注在食物上，連《相機先食》也忘記了🤪😂1）蜜汁第一刀义燒非常有驚喜！無論色澤、味道及肉質均有水準，碟邊之蠔油豆亦不能錯過。2）翠亨靚一鷄即是起骨之沙姜鷄，附有沙姜汁及姜蓉可沾點食用，份量偏少，不過味道不錯。3）珊瑚脆海蜇前菜，辣味適中海蜇爽口彈牙，果然開胃！4）杏汁燉白肺湯4人份量但可分5碗，杏汁香濃，湯渣亦非常美味足料，除瘦肉及豬肺外，連大粒乾瑶柱亦可夾到。5）羊肚菌紅燒豆腐豆腐非常滑份量亦算多，跟肉類菜式同樣吸引。6）鮮菠蘿冰鎮咕嚕肉咕嚕肉放在冰制之容器，與鮮菠蘿分開放在碟上，視覺效果吸引，咕嚕肉保持脆口份量亦足。7）發財蠔豉柱甫既應節及老人家在新年期間喜愛的食物，揀選這菜式純粹貪其意頭十足，不過味道亦算合格，有4粒大大粒瑤柱及蠔豉。8）青湯煮萵荀絲賣相平凡但入口有驚喜，萵荀絲爽口清甜，雖然已經飽感十足，但仍忍不住全

今次揀左翠亨邨與舊同事新春團拜，原因係想食懷舊點心 。我哋叫左錦鹵雲吞（好食）、芝麻卷（唔記得影相，芝麻味濃，唔太甜）、椒鹽鮮魷，招牌炒米粉等 。整體黎講，味道唔錯；服務員態度好好

同屋企人去食團年飯，點佐個薈禧家宴六位/十二位用。 可能食客太多，晚飯趕唔切上菜。食品大部分上枱都係唔熱， 只係暖暖地。可一不可再👋1）鴻運乳豬全體不過不失，不過乳豬就肥咗少少。2）黑魚子香芒蝦球成餐飯，最出色呢道菜。醬汁開胃，好睇又好食。不過唔夠熱。3）翠綠炒帶子普通野，正正常常。不過蜜糖豆有好多絲。4）花膠海底椰燉螺頭湯花膠未燉‘林’， 湯唔夠熱。5）清蒸雙老虎班條魚唔知點解係最尾一道上既菜，而且唔新鮮。6）刺參瑤柱扒時蔬餐牌無圖無真相。刺參瑤柱扒，本黎幻想係有條刺參切下，原黎係一堆菜，上面有d 刺參絲。7）脆皮醬燒雞呢隻雞係令人太失望。個皮係脆既，不過肉質好林，無雞味。呢隻雞原價要$540 一隻，真係唔expect 差成咁8）生炒臘味糯米飯唔夠熱。成餐飯，比較滿意既就係2 個甜點。溫度夠。 •薑茶湯圓・合時美點

一入到餐廳嘅環境好舒服， 坐得好好。整體食物好好食， 尤其是冰鎮咕嚕肉鮮菠蘿， 第一次見有咁新奇嘅擺盤方式， 個咕嚕肉外脆內軟。叉燒非常滑漏， 可以要求瘦啲或肥啲，非常好！翠塘豆腐好香， 值得一試！

路經美麗華商場，到翠亨邨酒家吃午餐。這裏是米芝蓮推介的食府。由於只有兩個人，所以點了不多的食物。點了一個紅燒乳鴿、叉燒包和鯪魚球豆腐唐生菜。乳鴿體型比較少應該是妙齡乳鴿，炸得皮脆，味道非常不錯，雖然體積比較少但價錢不算貴。叉燒包是傳統的味道，可以吃到蠔油叉燒的鮮味，我覺得包點是比較甜了一些。大家知道豆腐和唐生菜都是沒有什麼味道，只是靠那個湯汁，他們這個魚湯底熬得非常濃，而且很有鮮味，所以豆腐和蔬菜吃起來也不覺得無味。鯪魚球數量不少，雖然味道一般但也是很不錯，兩個人埋單也只是$400多點，算在不貴了。但很奇怪這樣高級的食府洗手間的硬件和衛生比較差，希望他們可以改善！

I like Tsui Hang Village Michelin restaurant with orange themed environment, the seats are comsy and i like the jade green sofa, very relaxing sitting here and enjoy the dinner with fam haaaFried Oysters in clay pot is coming with sands(2pieces sosad), sosad, even the taste is so good and well cooked with really crispy layer haa, and i like the soft and chewy texture haaa, soso yummy, you can taste the lovely seasoning, this dish is coming with 6 large oyster pieces haa, it’s easy for sharing ya

十月尾見到Mira eShop的11.11狂賞節有翠亨邨 雙十一特惠 套餐買一送一優惠，便打算結婚紀念日去吃飯慶祝，窩夫與蝦子餅當年是在尖沙咀翠亨邨擺酒結婚的，特別有意思。特惠套餐兩位用原價1,595元，雙11優惠價798元，已包加一服務費和茶茗。事隔多重遊舊地，天花的「荷葉」還在。一打開法式焗蟹蓋 的蓋子便香氣四溢，焗蟹蓋的饀料厚厚的，蟹肉份量很足，加入洋蔥等配料，味道和口感更有層次。原個木瓜燉花膠鮑魚(原價每位198元)的燉湯清甜，平時較常用木瓜燉糖水，用來燉湯也不錯。燉湯裡有一件花膠和一隻鮑魚，鮑魚稍嫌不夠腍。脆皮王子鴿也是香氣撲鼻，王子鴿皮脆肉嫩，調味剛好，不會太鹹。濃湯浸時蔬用上蝦子餅愛吃的豆苗，成本比其他蔬菜高，很有誠意。豆苗軟硬適中，吸收了濃湯，卻又不會蓋過豆苗本身的菜味。鮮魚湯帶子蝦球手工麵的帶子大隻厚身，蝦球也不小，爽口彈牙，魚湯一點也不腥，配幼身的手工麵一流。芝麻煎堆仔新鮮炸起熱辣辣，特別好吃，裡面有蓮蓉饀，不是空心的。