影片
见食评唔错，装修企理，好似好用心经营，所以专登搭车去试。要咗一个沙爹牛面餐同猪膶通餐。沙爹牛面，炒蛋同奶茶都好好。但猪膶出晒事。首先落错单，嚟咗猪膶公仔面。因为唔想浪费食物，都唔介意。但个猪膶唔系普通难食咁简单。冇腌过，而且超级老，系老过阿妈煲猪膶水的猪膶。虽然因为唔想浪费食物都食晒，但完全浪费咗我人生的一餐，而且因为有期待就更失望。唔知系我唔好彩遇着赶落场所以失手，定系属于正常发挥。或者我会再去，但一定唔会再叫猪膶。（睇脚啦，其实有得拣我唔会再去啰）
继续阅读
依家以屯马线由美孚入元朗，其实快过我过海揾食，不过，总喺有个错觉好似好远，入亲嚟元朗呢边食嘢都系因为行山，今次同个老死真喺有啲热血，30几度高温挑战「鸡公岭」，我哋行得快，全程都要3.5小时，但就几辛苦吓。最后，搭番巴士出元朗食晏，就晌巴士站附近嘅「羽山冰室」酱肚。虽然叫冰室，装修有啲似西餐格局，店舖好细，一眼睇晒，大概廿个位多啲，装修方面就无话一个咩风格，始终喺小店，为咗做多少少生意，所以，枱櫈都排得好逼，基本上都喺同隔离枱搭住坐埋一齐，我哋算好好彩咁啱被安排近窗死角嘅二人枱，其实另一边都喺黐埋隔离张四人枱。餐具同糖包、胡椒粉就咁摆咗喺枱面，无餐纸提供，如果要水嘅话，可以向侍应要求，否则，佢哋就唔会特别主动比杯水你。食物选择方面，你又唔好睇佢铺仔细细，选择又非常之多。正正有啲外卖单张攞，索性扫描贴出嚟，等大家有个参考，我哋就睇啱个特浓蕃茄薯仔汤系列同鱼汤泡饭系列。特浓蕃茄薯仔汤鲜牛肉通粉 $55个牛肉通粉好好快就送到嚟，份量都几大碟，色泽鲜红睇落几对办，老友就话果然特浓，不过佢个人本身食嘢就偏健康，所以，话多汤有少少偏酸，但整体感觉都OK嘅，尤其晌大热天食落醒神啲嘛；薯仔同牛肉都好够份量，牛肉又几腍，啲通粉亦都煮得啱啱好。3.6牛乳炒蛋配蒜蓉牛油多士我个炒饭都食咗一半，都仲未见佢个炒蛋多士，明显喺漏单，追一追结果炒蛋、多士都要分开上，哈哈！个炒蛋都几嫩滑，里面仲加咗火腿，不过，火腿就有少少过咸，老友就话唔加好过，多士呢咁你睇样都系无乜花巧，蒜香味一般般咁啦。姜丝芫荽皮蛋鲜牛肉鱼汤泡饭 $58同样，我都喺想食啲湿湿哋嘅嘢食，所以拣咗食泡饭，几款口味当中，呢个我觉得喺会比较清爽啲。初时以为一大碗过，佢又几好㖞，汤还汤，饭还饭，变相份量多咗。先试啲鲜鱼汤，坚喺鲜甜浓郁，绝无欺场，搭埋姜丝、芫茜，另一番风味；牛肉亦都好嫩滑，食泡饭最紧要啲饭粒分明，唔好有烂饭都夹硬加落去；除咗皮蛋，仲有嫩滑嘅豆腐同爽脆嘅木耳，所以，成个饭真喺好食，超推介，睇我全部帮佢清晒就知啦！冻奶茶 +$3今次真系唔饮冻奶茶唔得，外面成30几度，新界仲要热多两三度，趁快饮两啖解解体渴，确喺冰冻好爽，个奶茶都冲得几香浓，不过，始终加冰，饮到尾段喺实会走样咗少少。虽然，呢度地方逼啲，招呼亦都喺一般般，好似初时嚟到唔知要攞飞，店员又无出声，只喺望吓我哋咁，另外，又有漏单嘅情况，还好嘅喺食物都做得唔错，尤其个泡饭，用料十足！
继续阅读
元朗一向都系新界西既美食集中地，周不时都会走黎走去揾好野食。今次唔算热闹既地点，揾到一间惊喜度十足既冰室。今次先叫左一个咖哩猪扒捞丁，食落咖哩几香，辣而不油，而猪扒亦都有先调味，煎完更加香口！食落口感相当唔错！之后当然要叫一个焗饭，今次叫左个白汁海鲜焗饭。除左料多之外，白汁味道亦调教得不错，一啖海鲜一啖饭，不知不觉就食晒了。总括而言，又发现到一间元朗既高质餐厅，焗饭的确质素不错，环境装潢亦相当有心思
继续阅读
一早约好家人来饭聚庆生，问了店家，可以点party food menu，只要提前通知店家预备食材就可以。可是当天正值八号风球高挂，幸好天文台有预告几点改发三号，而店家也人性化处理，回覆转三号就会开舖做晚巿。机会留比有准备的人，我们一行七大两小，预先选好餐单，到店就通知店家可上菜。首先来了蜜糖鸡翼及南乳鸡翼。前者个蜜糖系有拉丝感觉后者卖相黑七七，咬落去鸡翼入味，唔错唔错。然后是椒盐猪扒（炒饭底），哇。。。好有镬气的一兜，有啲啲咁多辣，好惹味。跟住系鱼汤浸时蔬（menu系浸菜苗，由于挂了一整个白天八号风球，有咩菜都照食啦）好食，同行者有人当菜汤咁饮。然后卡邦尼意粉，比较失色，味道系够既，可能同枱参与者都开始饱了，手脚放慢好多好多。庆生，少不了蛋糕，可是打风关系，买唔到。最后脑筋急转弯，点了个一口多士山，插著自备的生日旗，yeah…..搞掂。就系咁，食左餐正正式式风雨不改的晚餐。一定一定会择日再光顾。
继续阅读
虽然知道系小店 但环境实在污糟抹枱抹唔干净 地下又有用完纸巾 牙签 各样垃圾店员冇野做时唔做清洁 反而喺度打牙铰食物方面 叫左一个常餐 润牛米粉同埋一个下午茶 猪扒包 配西多士1）先讲润牛米，汤底系够味，米线唔系普通茶记质数。但系，最重要嘅猪润同牛肉极度失败。牛肉靭度好似食香口胶咁、猪润鞋到车軚咁，仲要苦嘅添！炒蛋多士就正常水平。2）猪扒包，包皮极硬，猪扒劲鞋，难食。西多士，唔知点解个西多士可以系空心。叫左两个餐，两个都极度失望。
继续阅读