影片
食家推介
招牌菜
好食嘅小炒真系越来越少，一系就可以几碟𩠌炒到同一个味，一系又唔够镬气，加上身体咁多靓女朋友，边有人钟意食小炒，今次系有个朋友仔住呢头，即兴食个饭，先有机会试下佢个饭堂咋！好得意㖞！虽然佢门口系一间好老派嘅铺头，谂住佢入面都会有嘀那渣，A？地方系旧，但好干净，每张枱重铺咗枱布，好有时光倒流，返返去以前嘀旧餐厅嘅感觉。小炒边少得椒盐九肚鱼呀！炸浆好薄，鱼肉大大条好滑，又锁住晒啲肉汁，唔干！送啤酒一流呀！金黄虾又点少得呀！虾肉又大又弹牙，虾壳炸得脆卜卜！加上咸蛋黄咸香惹味！胆固醇？咩嚟㗎？呢个炸猪脚仔，我朋友至爱，够哂麻甩！哈哈！全部都系送啤酒嘅𩠌！价钱大众～镬气一流！正啦！如果唔系咁远！我都成日黎呀！
继续阅读
400 浏览
区议会选举后，市区开始平静下来。适逢周末，先用年票去海洋公园，之后顺道去湾仔食晚饭。上次经过「群众小厨」已经想帮衬，今日终于执行目标。位于湾仔口的一条横街，除了上班日子的午饭时段，晚上都以街坊生意为主。所以，装修只是典型街坊小菜馆，唔需要富丽堂皇；最紧要出品质素好味道及抵食。餐牌菜式选择算多，以大众化口味菜式为主，适合附近街坊的家常晚饭。椒盐鲜鱿（$118）外层的鸡蛋浆及干粉均匀地铺满每块鲜鱿表面，炸得颜色金黄、够干身；只是干粉份量稍嫌太多，虽然香口，但咬落去就有点硬身了，味道亦偏咸。鱿鱼唔够肉厚，所以未够爽口弹牙，但有鲜味。整体来说，算是一碟好食的椒盐鲜鱿，但有改进空间。葱油炸子鸡(半只)（$178）鸡皮香脆，鸡肉入味、质感嫰滑，不过，味道同样偏咸。鸡味一般，但自家调制的香葱豉油就非常好味，弥补不足之处。两味菜式味道皆偏浓偏咸，典型街坊小菜馆质素，估计其他小菜也是相同情况。讲烹调技巧及菜式质素，当然未至于出类拔萃；但浓郁惹味，迎合大部份香港人对普通晚饭的要求。只是以小店的装修、服务态度及出品质素来说，价钱似乎贵了一点，莫非地区因素？
继续阅读
今日食午饭，由于同好多同事一齐食，所以就决定行到黎呢一间群众小厨，有大枱可以坐多啲人。我叫咗肉丝炒面，我之前就食过星洲炒米，觉得好有镬气，炒到又唔会好湿，炒得干身又好味，就谂住今次肉丝炒面嘅都唔差。先讲个面底，虽然肉丝炒面嘅面应该系脆，但系呢个面底就真系麻麻地，淋之余亦都唔会话系好热讲到上面嘅肉丝，呢一个汁过分多油，再加埋啲面就真系油林林，味道方面，咸味又唔系好够，所以整体来讲，入口就好似食咗好多油咁。而我叫多咗一杯热奶茶，热奶茶基本上系冇乜茶味好淡口唯有下次试吓其他炒粉面睇吓会唔会好食啲啦！
继续阅读
今天看完超级月亮后来到觅食星期二的晚上幸好不用等位打开了菜牌 食物选择小得很坐下来也懒得走了点了咕噜肉及琵琶豆腐咕噜肉:炸得过了火好像是在吃烤肉干一样琵琶豆腐:粉多得过份。完全吃不到豆腐,鱼肉亦到吃唔出有,吃到的只是炸粉及空气。整顿饭十分失望十年前帮衬过一次十年后完全走晒样价钱贵了 但食物质素大不如前下次 应该不会再来。
继续阅读
枝竹班腩饭，冇味！睇下幅相，一粒蒜头一条葱一块姜都冇。最讨厌啲食肆以为自己个名响咗唔忧做！之前叫萝卜牛腩饭因为本人唔多喜欢食筋，同佢讲可唔可以走筋；如果你答我「尽量啦」都可以接受。佢一句话「唔得㖞，原本都冇乜筋啦」。买到返去一半腩，一半筋。no next time。之前都系好耐先帮衬一次希望会有改善。但系每次俾多次希望自己俾多次机会佢换来嘅都系再一次失望。有次朋友想食羊腩煲贪方便帮衬佢，二百几三百蚊成煲皮&骨；我有所微言，伙计话「皮先最好食」。咁你有冇理下喜欢食肉嘅顾客？起码羊骨羊皮羊肉比例成正比好不好？
继续阅读