18
6
6
港铁西营盘站 A1 出口, 步行约6分钟 继续阅读
付款方式
Visa Master 现金 银联
其他资料
加一服务费
以上资料只供参考,请与餐厅确认详情
食记 (31)
等级4 2017-07-29
601 浏览
不嬲都偏好小店同埋老铺,有得拣嘅时候都会选小店先,因为唔知几时会冇咗间舖.一开始见到依间群众小炒王,铺面大,装修又唔古老,谂住慢慢食都冇所谓.今日先发现门口有块招牌话已经营业咗好多年,即时兴趣大增.呢度真系几大间舖,午饭嘅高峰期都坐唔满.呢度好多散客,通常围埋圆枱排排坐.叫咗个香草汁野菌斑腩饭,本来叫热柠茶,但系侍应好好人咁提醒我冷热同价,为咗唔辜负佢,当然即刻转做冻柠茶啦.餐牌写明餐汤送完即止,估唔到一点左右就送晒啦,如果想饮就要早啲嚟啦.野菌自然系蘑菇,冬菇粒,呢啲本身都系淡口野,加上香草汁稀咗啲,芡汁唔够浓所以挂唔上杂菇嗰度,所以淡茂茂.洋葱同埋青椒略生,咬落索索声.鱼腩系条状,唔系砌到一嚿嚿咁,虽然炸过,但系可能放喺香草汁一段时间,炸鱼已经淋晒,所以食落嗰层脆皮会韧韧地,几怕呢种口感.至於味道,卖急冻鱼柳嘅味道罗.又唔算系差嘅,而且分量其实好多,绝无欺场.冻柠茶明明讲咗要小冰,但系冰都系多到去膝头哥,搞到杯柠茶淡晒. 继续阅读
(以上食记乃用户个人意见 , 并不代表OpenRice之观点。)
等级2 2017-07-03
303 浏览
今日经朋友介绍走过嚟试下呢间,话d小菜好得… 我点左个虾仁炒蛋,真系好一般… d虾同蛋都淡而无味… 本来$58蚊个lunch都无咩特别要求,不过不失啦。重点系餐枱上没有任何调味料,连最基本嘅盐&胡椒粉都无😰 我问个侍应想要茄汁都话无😰我见阿姐悔悔气气话无茄汁,我就自己出去攞胡椒粉&盐… 因为真系淡,有个位置放了不同的调味料😟… 阿姐见我行出嚟就好悔气问我究竟想要咩… 听到已经火火地,点知连盐都无😓 最後唯有用鼓油 继续阅读
(以上食记乃用户个人意见 , 并不代表OpenRice之观点。)
等级3 2017-04-26
480 浏览
两人晚餐 买单380几蚊 街坊小炒王 抵食吗? 我就宁可加价再食好D 始终觉得一日三餐应重质不重价/量朋友推荐话食材靓料足又抵食,於是来试。730左右晚餐时段进店,诺大地方得3桌客,心中就有些担心,不过呢区晚餐似乎大多如此,也就安心看看食评点菜例汤:18蚊一位,大大碗,料足,汤渣有大块天麻等药材,口味纯正,👍之後三味鎹就一路📉跌跌跌...豉椒炒大蚬:见openrice食评话D大蚬新鲜无沙,便想一试。初时见88蚊一大碟,心念真系物美价优,可惜我习惯将D空壳拣出来,没开动就拣到如图所示,有D系炒菜时落左个肉出来,有大半真系空壳黎...但是调味不错啦,呢味大火快炒要镬气嘅鎹,不会太差鱼香茄子煲:麻麻的,无特别,份量足够2/3人分享蒸鲳鱼:呢个真系令人失望,鱼不够新鲜,初上时鱼尚未熟,再回锅蒸过鱼肉已太硬... 调味也颇随意最後一碗米饭上面有一条不知所谓的白色棉线?!整个点菜过程中一位阿姐不断推销美国桶蚝及某炖汤,算是好sales做到嘢,可惜我不喜如此反覆推销 继续阅读
(以上食记乃用户个人意见 , 并不代表OpenRice之观点。)
等级4 2017-04-03
326 浏览
因为这间群众在妹妹教会附近,地方大一点可容纳bb车摆放,所以先拣这里吃个轻便午餐,我之前都知有这间舖的存在但未帮衬过……我地三个大人点了:一个雪菜肉丝炆鸳鸯米,乾炒牛河及三丝炒意,因为系午餐,配有例汤及茶,我叫咗热奶茶,呢间冇茶走,又吾会有糖比你自己落,要在落单时讲埋要不要糖,我实在系第一次遇到咁嘅茶餐厅安排,本来都不是问题,但这杯奶茶真的差劲,稀稀,奶又冇乜,又吾够热……实在系难食啲炒嘢到,样子望落不错,先食雪菜肉丝米~~雪菜冇味,一点咸味也没有,瘦肉啲powder粉味重,又冇镬气,吾好食,三丝意都好差,意粉硬,只系得美极味,冇镬气,都系吾好食!乾炒牛河好少少但味道镬气都系比出面茶记差好远!我已经要求不高了,试过一次,下次咪搞! 继续阅读
(以上食记乃用户个人意见 , 并不代表OpenRice之观点。)
等级4 2017-03-04
407 浏览
感谢三弟同三嫂又带我地试新野, 还早一个星期预定白汁猪肺汤同炸子鸡今天就来试白汁猪肺汤, 炸子鸡,再加枝竹羊腩煲, 龙趸两食,粉丝虾米煲同红酒煮桶蚝白汁猪肺汤及汤渣:要一早预定, 杏汁味浓, 无内赃味, 猪肺、猪肉、鸡脚焾身炸子鸡:好正传统做法, 炸子鸡配虾片, 炸子鸡皮脆肉嫰, 不过部份刚刚熟,骨头见到鲜红色的,虾片大块脆口枝竹羊腩煲:羊腩焾,无羊味, 枝竹软焾吸收哂所有味, 在火炉上热烘烘的好正配埋腐乳酱同辣椒豉油,味道一流龙趸两食:1.豉汁蒸龙趸骨;2. 炒龙趸球1.豉汁蒸龙趸骨:豉味浓,不是只是骨头,每件都做到骨连少少肉,有点咬口2. 炒龙趸球:炒得刚熟,鱼皮弹牙脆,肉滑,不过用菜心垫底有点口感不衬粉丝虾米煲:劲多粉丝,虾米, 芽菜, 什菜份量一般红酒煮桶蚝:蚝大只, 淡淡红酒味 继续阅读
(以上食记乃用户个人意见 , 并不代表OpenRice之观点。)