影片
相关文章
喺金钟返工食饭都唔平！难得听朋友介绍嚟到呢度，双𩠌饭只系四十六蚊，加6蚊仲可以饮埋个汤，咁抵食当然要试下佢！😆双𩠌饭 ($46) 2️⃣🍚✨炒油麦菜 - 油麦菜都嫩身，食落都爽嘅，炒得刚好；间唔中仲会食到小小豆豉鲮鱼嘅肉碎，相信佢加咗小小去一齐炒，食落都几香嘅~🥬🥰✨榄角蒸排骨 - 排骨都有啲肉食下，唔会好似有啲餐厅咁全部得旧骨，味道酸中有咸，捞饭一流！肉质都算软腍，但又唔会似用松肉粉乸到唔知食紧咩肉咁，几好~🐷👍🏻.呢度食物味道都唔错，系份量有啲小，食完过一阵就开始肚饿…可能下次要多饭先够食！😎
继续阅读
餐牌食物十年如一， 毫无改变。 食物质素一日差过一日， 难食到呕。 其实我唔用心去做服务性行业， 倒不如唔好阻住个舖位，留畀有心机做食肆的人开店， 咪阻住 金钟上班的人午餐用膳。
继续阅读
上次食完森川 真次决定食美乐都几多款拣 有选择困难症的我都企喺谂左一阵食乜好 由于要拣有菜有肉 所以今日拣左节瓜粉丝同叉烧 再加钱要个冬瓜汤 好多冬瓜 几清相信真系无味精夏天饮好啱呀 又唔洗饮啲有糖嘅嘢住家feel 又平 四十几蚊 再加几蚊有个汤真心呢个价系金钟难求 好过大家乐啦每日都有好多唔同款 有菜 有肉 任君选择 有时好怕啲餐厅得肉无菜拣所以好好呀 我拣的粉丝节瓜一啲都唔油唔系等左好耐 会再买呀 食完都唔颈渴叉烧好味我清晒啲饭哈哈哈
继续阅读
💛💛💛美乐小食💛💛💛黄到黄之锋系社交平台到出过post介绍只做外卖，最好自备餐具啦🥺。两𩠌饭 $46我拣左烟鸭胸+咸蛋+粉丝绍菜有成四五块烟鸭胸，每块都好完整好大块，食落去少少咸好鬼香，用黎捞饭一流💗。完整半只咸蛋，无蒸过龙，所以食落去个咸蛋黄好绵，直情有啲油流出黎😍。绍菜粉丝好食，虽然系两𩠌饭，但个小菜都系好新鲜嘅。粉丝仲有啲咬口，绝对唔会话浸咗好耐之后淋晒😌。两个𩠌都唔错啵，好食又抵食！多口问咗句有冇啲饭盒可以摆到听日嘅，老板娘推介腊味饭，仲专登俾咗个可以摆落微波炉叮嘅兜我，我隔日叮左嚟食😽。糯米饭里面有花生同栗子，食落又唔错。如果大家都想食嘅话，下次可以问问老板娘，价钱几多就真系唔记得，我听到腊味饭就狗冲左🥰。
继续阅读
金钟呢头食黎食去都系得大型连锁快餐🥱前排揾同事介绍下仲有咩小店外卖推荐🥡真系冇介绍错 呢间小店嘅2𩠌饭又好食又健康🤗-#梅菜蒸肉饼拼烟鸭胸+咸蛋 $46餐厅标榜健康 食得出真系少油少酱汁肉饼嘅梅菜冇砂 唔怕整亲个口鸭胸仲要大大件 加埋只咸蛋好抵食😋-#云耳红枣蒸鸡拼红烧猪肉 (卤蛋 +$6) $46云耳蒸鸡嫩滑 而且鸡件斩得细件得黎又冇碎骨红烧猪肉煮得好入味 邪恶嘅肥猪肉更加系我嘅至爱 加多少少钱就有只好靓嘅卤蛋🥚-#莲藕排骨汤 +$6呢个汤真系超推荐 加$6就有仲要好高质平日打工仔夜放工冇汤水饮就可以系呢度食午餐嘅时候顺便买埋真系有妈妈嘅味道 绝对唔系味精汤而且劲足料 捞极都有汤渣唔止有拉到丝嘅莲藕 仲有好多章鱼粒添🐙真系又抵又好食！🤩-📍美乐小食金钟夏悫道18号海富中心103-104号舖
继续阅读