影片
招牌菜
在九龙公园游完水，当然，去叹个下午茶啦！这间*美新茶餐厅，虽然细细间，但全部都是卡位，坐落都几舒服，我叫了炒贵刁，热柠茶，都只是$43,河粉用了新鲜的洋葱，芽菜，叉烧即叫即炒，配上咖哩酱，热辣辣的，香气扑鼻。份量都不少，这个价钱，绝对超值。
继续阅读
叫咗干炒猪扒公仔面下午茶， 特饮加十蚊上加龙凤柠乐， 咁个阿姐话十蚊冇得加龙凤柠乐冇问题， 咁我就转 鸳鸯红豆冰， 明明系加十蚊， 又乱写加12蚊， 员工本身沟通都会有问题， 试过一次就够唔会再去下一次
继续阅读
同友人一齐去食左两个午餐，一个肉饼饭一个蒜蓉汁鸡扒炸带子饭两个都系一条菜都冇，肉饼就松泡泡，可以接受但都不满意 （$40）🤐🤐🤐🤐🤐个蒜蓉汁鸡扒炸带子饭一上菜已经知赖野，两粒炸带子同个鸡扒浸左系橙红色既奇怪茄汁上面🤢🤢🤢🤢明明餐牌冇写茄汁..成碟野真系得带子，鸡扒，饭同啲汁，两碟都系完全冇任何个菜名以外既材料/配菜🤮🤮🤮🤮仲要卖46蚊！以后都唔会帮衬！佢地最好早执早著！🤬🤬🤬🤬🤬🤬🤬🤬🤬🤬🤬🤬
继续阅读
今日返工放lunch 赶时间，见呢间入面坐唔满人，应该整外卖会快啲，所以就去同同事叫左外卖谂住快啲返去做野。一入去个收银就好大声咁问要咩呀，咁咪照讲啰，点知佢就好鬼串咁话讲咁快边个听呀！心谂：未准备好又系度问系咩玩法！之后佢计完问返先讲原来外卖每份贵两蚊，出面既menu 完全冇讲过，真心嬲！以为咁就完？等左10分钟终于拎盒野出黎，点知得我同事个饭，少左我个个，然后个收银闹完个店员，个店员慢条斯理咁行返去厨房，完全冇谂过同我讲返发生咩事，讲句sorry 都好😡最后等左总共半个钟 终于有野食🤦🏽♂️呢啲服务态度真系难以接受。讲返啲野食啦，其实块猪煎得唔错，可惜本身块猪既质素麻麻，令到食落去都几难咬🤦🏽♂️然后啲饭煮到一旧旧，硬硬地咁，就算个汁唔错都搞到成个饭麻麻地，所以真系可一不可再！
继续阅读
做食肆，服务有时同生意未必成正比。例如佐敦的「澳洲牛奶公司」(澳牛)，服务有几好真系唔使我多讲，仍然门庭如市，就系为咗佢件蛋治、茶餐、炖奶。 在佐敦做完 gym，本来想去「澳牛」食个茶餐，见到大排长龙，即刻转移阵地，反正也不是非吃它不可。沿途行有间「美新茶餐厅」，随意入去试吓新野。 不谈食物，先讲服务，个人评语系服务非常不济。门口个阿姐好悪，我坐低十分钟，无人理，之后要特登行埋去个阿姐度落单，仲要好似我阻住佢咁。 求其一餐快饭，如果食物唔太差，正正常常就由佢，可惜事与愿违。 常餐「猪扒煎蛋通粉」$39，包茶柠啡一杯： 猪扒干如柴，汤劲多味精，通粉淋晒，唯一正常系那只冇可能失手的煎蛋。 放弃通粉，要多个稳稳阵阵的「公司三文治」$49 价钱一啲都唔平，明白，我系知道才叫的。都系果句，正正常常的话都 okay。见个卖相隔住个 Mon 都知道干，面包烘得太干，火腿、薄切午餐肉也不好吃，似劣质货，炒蛋薄如蝉翼，仲要求其落 pat 沙律酱，贴钱买难受。 当然，埋单时服务态度贯彻始终，不会好到那里，位阿姐好有火。同埋系咪厨房师傅输咗马？？？好明显呢间同「澳牛」出品有极大距离，早知排番「澳牛」。
继续阅读