影片
去九龙城揾朋友食饭，谂落好耐冇据过扒，所以上openrice揾下附近有冇，揾揾下揾到呢间好似几好，朋友话认得路，咁就过左黎试啦！一人叫左一份铁板餐，我叫左西冷牛扒，朋友叫左杂扒餐。一上黎系罗宋汤，都足料既，辣辣地，味道唔算浓郁，正正常常咁啦！暖暖地仲几松软，唔似系嘉顿，仲系可以接受。到左出呢个已经觉得唔对路，加钱要既柑桔梳打，完全冇柑桔味啰！然后呢个出事啦，叫左7成，但有半块完全唔红，心谂大获，拿拿声食左仲红红地个部分，一切一咬，救命，韧到喊出黎，从未试过咁韧既7成西冷啰！仲要好多根，真系好失望。虽然朋友个份杂扒OOKK，但我个份真系超级差超级唔好食！我谂点都冇下次架啦。
继续阅读
星期四，是太太的上课日，所以往后的几个星期都会出现于九龙东区。因为要等到九点半，我大可约下知己，轻轻吃、轻轻喝。不过，首个星期，我并没有意识到可以约人，而我过海后首个目的地是平日鲜有机会去的九龙城。我巡视了一个圈，本想食泰国菜但心觉得有食友相伴会更开心，而一个人的晚餐，我最后选择了去食，豉油西餐。巴塞的那一名球员未成名之前，这个名字不会引起那么大的回响，现在因为《美斯》这两个字，我一把《美斯餐厅》放上 FB 上，已经不断有朋友回覆《Messi?》，在这儿，我向大家说你们错了，这一家餐厅是 Maxi not Messi。不是 Lionel Messi，这只是 Lion Rock Maxi，是一家旧式的豉油西餐厅，没有足球明星，没有阿根廷菜，来者，食铁板，食牛扒。食最传统的香港式西餐，饮罗宋汤是必要的事。美斯的罗宋汤做得很好，茄味，牛味都很浓郁，其用料亦非常之充足，罗宋汤加面包，令我感觉是美味的开始。我的铁板双并餐，是牛脷加鸵鸟扒，而我要了很传统的烧汁，而这里，很传统地在你面前落汁，Saar 一声，很有感觉。很厚切的牛脷，口感很爽，而鸵鸟扒，味道很香，肉味亦浓，不过，若不是说明了这是鸵鸟肉，根本很难去区分，这鸵鸟扒，肉腍也许是松肉粉的关系，但没有梳打味，而且又没有令到肉质梅烂，who care，以汁伴扒，香港精神，绝对是合格中的合格。不想饮咖啡，我特意地叫了一杯奶茶，够浓亦够滑，不错。九龙城美斯，传统的香港式扒房，是一家值得一试的餐厅。
继续阅读
是日与家人逛街后去了九龙城食晚饭，最后今晚决定去食西餐锯下扒，入到餐厅后，侍应好有效率地带我们坐卡位，更是好迅速地送上暖水及menu。 最后我个人选择了自选的铁板餐，可以选择两款食材，更包餐汤及餐饮。点餐不久，餐汤已经好快送上，我今晚选择了罗宋汤，个汤都几够酸辣，用料都好足，杂菜都够腍也有好香的牛肉味。而餐包是个软包都好新鲜松软，带点微热。 个铁板都好够热，铁枝上枱前已经听到「吱吱声」，其后我都好怕落汁后会弹到自己，所以要求店员不用帮我落汁，将汁on side 就可以。洋葱汁都好够味够浓，猪扒虽是一片但份量真是好大块，煎得都好香好惹味。炸带子有两粒，炸得都好够脆，带子就一般货色，不过薯条的份量真是少了一点。加了5元点了一碟意粉，可是不是好够热。 最后餐饮点了杯冻柠檬茶，茶都好够色味道香浓，调较都不会太甜。最后给我的结论是食物水准不俗，都算抵食。都是这句薯条太少未能满足我这个大细路。服务真是好有效率反应快，好take care 客人，又时常巡下客人枱面情况都有收下碟。地方带点暗都是好有情调，而且有电视看，有卡位，虽然地方不是好大，都好舒适的地方。
继续阅读
今晚特登同男朋友搭车落去九龙城食佢！好耐之前误打误撞入左去呢间食．．环境好阴暗,但系好有情调首先我嗌左个肉眼排～男朋友就嗌左个西冷，点知唔好彩就卖唒，最后嗌左肉眼XD.上主菜之前佢黎左个汤同餐包，饮左啖汤～真系咁多年都无变过。味道非常之浓郁，绝无偷工减料!!咁之后再食包啦，哇！热辣辣,真系热到辣手架，正！首先唔好理佢新唔新鲜，至少起码佢会考虑到客人会钟意食热辣辣既餐包～其他大部份餐厅都系求其比个冻冰冰既餐包你．．．．呢度加分！之后饮完汤无耐就上菜～一黎到我男朋友呆唒．因为真系好厚好大块！但唯一要弹下既真系野饮，我叫左杯柠檬茶小甜（+＄２），我男朋友就要左杯果汁芒果汁（+＄４），杯０Ｔ我叫小甜．．但我饮落去直情系无甜味，得茶味．ＮＯＧＯＯＤ！而杯芒果汁都系个Ｄ浓缩液开稀，好大阵个Ｄ人造味，麻麻地！但整体黎讲我真系比笑脸！因为其他野都好好！连服务态度都系～临尾我地埋单佢都会讲：多谢唒２位，下次再黎啦！个感觉比我系好好，绝对有下次！感想；我同我呢位大大食既男朋友都捧住个肚走人，１个餐只系＄８０-＄８２．２个加埋都只系＄１６２蚊，真系超值！我好希望呢间餐厅唔好关门大吉，因为呢Ｄ老字号真系卖少见少．．祝长做长有！大家快Ｄ去试下啦
继续阅读
好耐之前到九龙城食饭, 留意到美斯餐厅, 但一直未有机会尝试. 今天终于有机会光顾.是晚约7:45pm到达, 店内只有2台客人, 十分冷清. 店员带友人和我到一卡位坐下. 看过餐牌后, 发觉价钱真系好便宜, 是日晚餐只是$5x, 如果晚餐款式唔啱, 其它餐都系$60-80.友人和我要了铁板纽西兰肉眼牛扒($68)和铁板美斯什扒($68), 餐汤都点了忌廉汤, 餐茶都要了冻柠茶(冻饮+$2).忌廉汤 -- 好浓郁的忌廉汤, 好好味, 是我近来喝过最好的.铁板纽西兰肉眼牛扒 -- 当侍应送上时, 友人和我不约而同地说了一声 " 哗! 好大份", 有成2块牛扒呀. 虽然唔系用上好靓的肉, 但最少唔系梳打粉牛扒, 味道都ok.铁板美斯什扒 -- 有牛舌, 肠仔, 烟肉, 牛扒和猪扒, 虽然无肉眼扒咁今我们惊喜,但份量都十足, 味道同样ok, 不过都系个肉眼扒低食d. 不过小朋友应该会喜欢呢个什扒餐.冻柠茶 -- 全晚唯一唔满意的是冻柠茶, 柠檬好似放在入雪柜好耐, d柠檬味被雪柜吸晒, 最后全杯只有点茶味.整体2个铁板餐都系低食又大份, 味道都ok, 不过食完后, 都发觉个铁板剩番好多油系度, 所以要扣番d分. 如果肯俾多少少钱($10 左右), 咁就第尾牛扒味道会好d. 不过呢d老牌餐厅, 愈来愈少了, 希望大家都支持下啦.
继续阅读