美心MX (已結業)

今日去咗美心食呢個炸雞髀紅豆冰嘅茶餐。首先講下隻雞髀，佢炸得唔錯幾香口同埋嗰啲肉質係幾滑嘅。杯嘢飲，嗰啲紅豆煮得唔夠淋啊，好硬啊。另外杯紅豆冰嗰啲糖水落得唔夠，所以唔夠甜。啲椰汁又冇咩香味。

香港人好習慣食燒味飯，無論是中午或晚飯，都食唔厭，我今日嘅午餐就係肥叉丶燒鴨飯，今次D叉燒小小肥，如果可以再肥啲就更惹味，不過啲燒鴨皮就燶咗啲，肉質都可以，奶茶保持一貫的水準，香丶濃丶滑，冇得彈，平平哋又一餐

星期六放假不用上班，訓醒下午茶去咗美心叫咗下午茶餐：公司三文治 + 檸水$35新鮮製作的公司三文治味道幾好。三文治每一樣材料都好食！麵包烘得夠熱微脆，裡面的材料也挺多的，食著食著小心材料都跌出來啊。饀料有蕃茄，生菜，炒蛋， 火腿，蕃茄同生菜相當新鮮，口感豐富薯片好脆。不過得㡬片....熱檸水亦唔錯，檸檬酸度足夠。飲完夠開胃...喜歡這裡設備，凍熱水可以無限自取位闊坐得又舒服，下次放假會再來encore!！！

另一半去左書展博殺，所以自己諗住求其食d野，見到Lee 個新扒餐，唔算平，諗住新野無死嘅，貴少少都算。結果無諗過會有咁大驚喜盛豚扒吉列 $57塊豬扒不得了， size大過我手掌。外皮炸得超酥脆但又唔會過油。扒肉厚身，味道很好，肉汁帶甜，肉很彈牙，有口感。配埋燒汁，酸酸地，點左幾開胃。因為是套餐配了以下食物-麻醬菜絲沙律 ，麻醬不多，菜不太爽脆，普普通通-麵豉湯，入面只有海帶和蔥，比較咸-白飯伴鏗魚飯素，勁少飯素，失望。飯已經凍了，偏硬。荔枝梳打 +$3 （轉配優惠）開頭未攪拌就飲，梳打水係無味。攪好後，味道幾好，荔枝糖既味道。杯中配有3色啫喱條，好彈牙，飲落有口感。不錯。

這陣子經常看到美心MX在賣廣告，標題是大師級叉燒，這次特別去會一會這個大師吧！先去到點餐台叫一份肥叉飯（$37）沒想到肥叉已賣完，幸好普通半肥瘦的還未賣完。大師級叉燒飯一來到，叉燒量還可以。看一看橫切面，跟點餐台姐姐說的不一樣，沒有半肥瘦，只有看起來很瘦的叉燒。先咬一口再說，一咬下去有點驚為天人，沒想到大師級叉燒雖然沒有像有些燒臘店的叉燒硬得過份，大師級叉燒的軟硬度只屬正常普通街邊燒臘店的水平。還好叉燒上的蜜汁可以補救一下這個飯。這間美心的飯煮得不會像之前吃過的美心加多水去煮飯令到飯粒有點糊，這間的飯做得不錯粒粒分明。如果下次有選擇我會去普通的燒臘店買20多元的叉燒飯就好！

朝早唸住近近地食番個早餐 叫左個魚柳餐 個魚柳烤得太耐咁 唔太嫩口 而且好少好細件 個包同腸就正正常常無咩特別 成個餐最好味 我覺得係無入鏡嘅果杯奶茶... 個餐28.5 cp值真的不太高

臨近過年打工仔OT時間無停手，唯有在午餐時間縮短快快手手回辨公室工作，所以去了間連鎖快餐店，選了一個雙拚飯咕嚕骨+西蘭花炒魚柳，我去的時侯未夠一點，所以基本上不用排隊落單，拎飯既時間等左大約1-2分鐘左右，出奇地快。店內人流都幾爆，基本上張張都有人，我(心諗)今次實無死，難吃都有個譜。鮮橙汁唔係果汁先生黎，一時間記唔起個隻牌子曾經飲過，橙汁肉少似橙汁汽水＋橙似既鮮橙汁。鳳梨咕嚕骨難食到食了一兩粒就放棄，骨與汁完全唔夾唔入味，咕嚕肉咬落好多粉，咕嚕汁應該係"林"上面就出貨，不像酒樓那些會兜兩兜(炒一炒)所以咕嚕汁不能鎖在肉身內。西蘭花不夠爽身，"林"到以為食緊豆苗，魚柳似雪左好耐無晒魚既鮮味亦沒魚味，不看餐牌的話絕對吃不出這塊是魚整體黎講$35+9鮮橙汁 葵涌黎講算係偏貴，加上廿蚊餐我都唔會再吃

同樣的西芹炒魚塊我在大家樂吃過，真系差好遠。食得快餐都冇乜要求， 但呢餐飯真系食唔落，咩廚房咁既出品都可以賣街咩 ？第一，生粉獻足有半碟，根本系炆唔系炒，仲有塊未溶既獻系度。第二，西芹長條形已經難咬，仲要煮到淋而多渣。魚塊更加不用說，軟淋淋的只有兩中兩小，夾埋只有三舊，出面求其一碟班腩飯比佢多一倍。食材唔新鮮不在講，同樣價錢在大家樂吃同一樣菜式，以上問題通通都無。

呢度附近冇咩選擇,d茶記又唔好食,唯有又幫襯下美心.一年前都食過呢間既雜扒餐.但今次來食真係仲差過以前,以前來講都唔係話特別好.首先食物溫度只係微暖已經係失敗,正常夠熱,一落汁會炸炸聲.但連聲都冇就好明顯唔夠熱.d豬扒牛扒腸仔雞膇真係冇咩特別,薯條唔熱同淋晒,所有野都係全靠個汁去補救.加幾蚊轉左個鮮橙特飲.味度極度普通,冇咩橙汁味.比起同類型快餐店,真係完全比下去.

最近喺美心MX食滿$40送咗一張抽獎券，再上fb讚佢嘅page，咁就送咗個打冷鹵水鵝餐，心想...MR.個廣告講到鬼咁吸引，睇到人人流哂囗水咁，以為今次免費食正嘢啦！點知？？ 真係出事啦！不過，好慶幸冇哂錢去買呢個餐囉!! 個餐係外賣返嚟，包括一碗胡椒豬肚湯，一杯中國茶及一碗白飯，當然梗係有碟所謂打冷鹵水鵝啦！ 打冷鹵水鵝 ：得幾片有皮、冇肉連骨、超霉嘅所謂鵝塊舖面，下面墊哂豆腐，勁多好咸嘅汁！幾乎可以話.. 揾唔到有一舊肉嘅鵝塊可以放落口！！！ 完全食唔到鵝肉, 最後倒哂落垃圾桶囉！佢應該改名叫打冷鹵水豆腐餐就啱！ 胡椒豬肚湯：得一舊豬肚，幾小片咸菜，半碗湯，仲要辣死人！！！ 飲唔到，要倒！ 估唔倒咁大間美心快餐，質數每況愈下！ 應該以後都唔會再幫襯啦！

不嬲對快餐嘅燒臘、鹵水等食物冇乜好感，特別係美心快餐，因以前多次食過都大失所望！可能係食下午茶，質量會比較差嘛！ 最近去葵涌揾朋友，之後朋友有約走咗。見到電視上狂賣鹵水鵝廣告，一個人經過美心，搞到又心思思去試，點知又係衰咗！早知唔鬼上佢當啦！ 鹵水鵝餐：鹵水豆腐+少少肉但霉又多骨嘅部份(只得五、六小舊)，超多汁浸住，汁又冇濃濃嘅鹵水味，只見到主要係豆腐，但都係冇乜味。咸菜豬肚湯，冇料，得咸+辣味！另包一杯飲品同白飯!個餐難食不特止，仲係冇辨法食落去， 淨飲咗杯嘢，然後放棄，之後過咗隔離食碗越式湯河！ 我發誓以後唔會再幫襯佢嘅鹵水或燒臘食品！

1點幾先黎美心食lunch叫了一個焗豬扒飯,堂食,但要用紙盒裝住個飯一邊食...個紙盒就一邊變形......講番個飯,茄味個汁足夠,剛剛好,配料有紅蘿蔔,西芹,磨菇等,各樣尚算足夠飯都係加蛋炒過的,ok但主角...豬扒就...很硬呀.....入口感覺頂住喉嚨,食得好辛苦....焗豬扒飯...主角是豬扒...但卻很差...不喊也不行了...

母親節的晚餐,來了美心mx原因是媽媽想据扒.我叫了咖哩牛筋腩飯$27.5(不包餐飲),總算有咖哩味,不太淡...不過不辣的,辣一點會較好,牛腩很韌,又好細粒好碎的,牛筋卻很唸很大塊,還有數塊薯仔媽媽叫了雜扒餐配紅粉冰冰$46,雜扒有牛扒雞翼司華力腸.牛扒很簿,和餐牌的相差很遠...果然相片只供參考-_-不過牛扒煎得算不錯,很香,又不太韌,配上香蒜汁(?)都幾味好司華力腸很細條而已,又不太香...皮也不脆...麻麻還有一隻雞翼,這個我沒有食.另外配有薯條及洋蔥汁薯條少少熱...但不脆,沒茄汁點洋蔥汁感覺怪怪的= =爸爸叫了六寶飯$25(不包餐飲),他說叉燒最好味