影片
相关文章
一早唔知食咩好，就行左入美心，叫感个粥同炒面餐。其实喺美心食早餐，一啲都唔平。但系呢个价钱，呢个速度，呢个口味算系咁。今日个粥，浓咗啲，冇之前咁稀。炒面同之前一样油，但份量比我上次多左4分1度。呢间美心冲嘢饮，时好时坏，今次呢个奶茶就有啲涩啦。唔知几时先可以稳定到个水准呢？讲真冲嘢饮来来去去都系果啲。值得一赞，系姐姐见到我拎住一喼影相器材，即时问需唔需要帮手拎餐埋位，仲时帮手揾位，实在难得。今时今日，仲有呢啲服务态度，太好了
继续阅读
年三十提早收炉，去美心求其买个饭。点知好多都售罄或者制作中。因为懒得等，就买左唯一一个唔洗等既海南鸡饭。原本都无咩野期待，果然个冬瓜汤真系好麻麻，个汤好似水加盐咁，入面仲要只得1粒冬瓜。饮完个汤，就食埋个饭啦，d鸡下面全部都系菜，有d柠檬汁，酸酸地。菜就好普通，但系估唔到d鸡几好味。全部鸡无骨得黎大大旧，而且肉质好嫩滑，有8旧，真系啖啖肉，配埋最钟意既甜酱同姜蓉。食鸡食到好满足，为黎紧鸡年打响头炮。
继续阅读
9点左右落到去食，已经乜都无甘制。好彩一心去打边炉的，仲有得选。叫左个杂锦锅，牛肉，猪肉或者鸡肉任选其一。本身想要鸡，但无。唯有叫牛，另外再叫多左份牛。讲真，已经9点都系饿到云𠮶种。唔知点解，等左15分钟先拎到出嚟。之后等个汤滚到食得又要15分钟。无名火起嘅感觉就嚟。途中叫左姐姐换个大d嘅火，答案就系个火系甘架喇。味道呢，系几好嘅，d丸入得下口。但汤底虽然系味精，但唔算好重，食完都无好口干。但份牛肉加左22蚊，得三块。乜依家d牛肉真系贵到甘咩？唔使甘贵丫？快餐店？酱汁就得豉油同芝麻酱。辣椒，葱都无。比起大家乐仲差好多㖞。
继续阅读
美心有得食糯米鸡，咁早餐又谂唔到食乜好，最尾就叫左呢个好大件嘅糯米鸡，望落都觉得好济。糯米鸡饭唔算好干，都算蒸得几好，入面有一只鸡翼，但系超级瘦冇乜肉，所以其实唔系话好丰富。另外亦都有啲冬菇粒，整得几香。同埋有好多唔同嘅碎肉粒，食得唔想太闷，但如果有更加多配料就更加正啦，因为佢有好多糯米鸡汁，不过配料方面就唔算太多，连我钟意食嘅腊肠都冇。所以普普通通啦！
继续阅读
返完学到3点3 紧系食返个靓tea呢间餐厅虽然只系美心旗下但系升级左做mx装潢劲靓有高级餐厅感觉叫左呢个＄31既tea实在太正份量好够又多味道仲唔错个饱既鸡扒劲脆又够厚下次在机会黎一定再食
继续阅读