美心MX (已搬遷) 新店位置

果日我同媽咪去咗屯門行街，直至 4:45p.m 左右，我哋就去咗美心食下午茶。我哋就 Order 咗個「公司三文治」套餐食，口感香脆，材料新鮮。另外，我仲 +$6 換咗碗「火腿湯米粉」同埋 +$8 換咗杯「杏仁蘆薈」，味道唔會太甜，Good！過咗一陣，爹哋收工黎搵我哋，我哋就預早買咗份餐俾佢食。爹哋話個鐵板唔係太熱，但味道都 ok

媽媽邊食邊等遲到既我…炸熱狗+薯條+粟米+碗仔翅+低糖綠茶去到既時候佢已經食完碗仔翅lu,但係佢話碗仔翅好稀~冇料~唔好味~炸熱狗: 唔錯~點埋茄汁食更好~薯條: 今次既份量比上次多~而且新鮮炸起~好好味~粟米: 夠甜, 但我覺得搽得太多牛油喇~雖然香~但油淋淋….低糖綠茶: 微甜, 略嫌太多冰,溝淡左綠茶味~但夠冰凍~幾解渴~我地第一次黎呢間mx~多數都係去大d個間分店…今次座o係牆邊二人枱~都幾好座~呢間既服務較好~薯條比得多d~碗仔翅差d~價錢一樣~美心d QC要做得好d喇…

今日又和同事去了美心食午餐,今次比起上次有進步,今次和同事都是食三寶飯,今次好好多.飯是熱.同事話佢個碟汁唔係太夠,今次好好食好多.今日去時候,超多人.近日美心多了人幫親,真的好抵食.以現在經濟,20元真的好平

近日美心mx,推出了20元特價午餐,我和同事都會耐唔耐就去幫親過,3寶飯的飯不太熱,有時食落口,飯有一點硬,20元不能要求太高,味道只是一般,豆漿比較好飲,豆漿不是間間都有

以為叫那個六拼特盛，再加烏冬，兩個人share會夠食........ 但比大家樂一個普通火鍋還少，所有生料也只有2片，唔夠食鄰座4個人，叫左兩個火鍋share，結果也要叫多個飯一個六拼特盛也要$58，再加$6烏冬，特飲要加$7.5，共$71.5一個美心火鍋實在好唔抵食那個牛奶南瓜湯底是不錯，但掩蓋了食物的味道

晨早去美心食早餐門口放有一個黑板寫住"早晨特餐"內有四款早餐選擇價錢比較廉價一點Set B $18.5火腿通粉@一般貨色雙腸煎蛋@腸仔咸左啲, 煎蛋好香好滑牛油麵包@新鮮軟棉熱奶茶@又香又滑

同老公試了新出的冰冰, 他叫芝麻雪糕涼粉冰, 我就叫了雪糕紅豆冰, 各$17, 今年又加了價. 兩個冰冰都ok啦, 最好食就是那個芝麻雪糕, 好香芝麻味. 材料比較少, 如可再配些雜果就更好了.

今日要返0930...諗住返到學校先食早餐點知行行下個肚唔爭氣...肚餓於是黎左呢間美心MX食埋早餐先出發!原本係叫麥皮+茄蛋治點知貼住「製作中」牌仔..於是轉食第一次o既麥皮+火腿蘑菇奄列由於係奄列..製作需時等左5分鐘先有野食。奄列size細得可憐一啖可以食哂落肚麥皮只載得半碗縮哂水....食完個早餐完全唔飽$18....唉...早知去太興食腿蛋治好過...無限o既後悔!以後唔會再食呢個餐..

行到攰攰，兩人身上也沒有現金，唯有到美心食下午茶吧(汗)。因剛才吃了一杯雪果，又在冷氣商場內不停徘徊，身子感到越來越冷，坐下後二話不說就要了叉燒瀨同熱華田$17.50叉燒比較硬，但甜甜地，旁邊還有一條菜心，不錯；單看湯底十分之油，點知飲落唔油膩，最好重雞湯味，可能口渴又或者人冷，差唔多飲左半碗湯。最後熱飲和朋友交換了，飲完整杯熱好立克，身體暖返d喇...