美心MX (已結業)

今日買左個芝士肉醬意粉，五寶燒味飯加左個菜同中湯。除左個五寶食反其他都Ok.個芝士肉醬意粉仲好好味。但個五寶飯成盒都係碎骨，咬都我爸爸隻牙都崩左。希望貴集團真係要正視正師傅D刀功。

轉左新公司，佢地provide 埋早餐我地食，所以都無乜買早餐嘅需要，但係其實有時質素麻麻，而且又成十點先到，食得嚟我都唔使做野～所以今日就係美心買左個早餐返去慢慢嘆～其實一直覺得美心個份量好適合我，因為大快活要雙蛋雙腸份量太多，所以我就買左呢個餐～我仲麻麻煩煩咁要佢地加啲洋蔥汁俾我～估唔到一打開真係有好多條洋蔥係度～平時見嗰啲汁真係麻麻，一條都唔會見到，呢度竟然咁足料～！驚喜！蛋同腸都好食～火腿通份份量適中，而且我鍾意呢種通粉佢無坑紋，無咁索水，仲係非常彈口，有口感～當然有啲人會比較鍾意淋嘅通粉。個湯亦都唔會太咸，令到人食完會口渴嘅感覺。多士好乾身，即使外賣都無倒汗水個包無淋到～整體嚟講我覺得個早餐真係ABOVE average ～

平時好小去美心快餐店食飯、今次來到叫咗個中式餐。個餐有蒸魚柳、燙、蠔油生菜、飯同茶。睇嚟好豐富但質素一般：魚太嫩又無魚味、一D都唔似係魚、D湯又凍、只係得菜同杯茶ok。整體來講係唔係太好食。

一心諗住買個叉油雞飯比阿女食, 落單已講明要肥叉, 單亦有打清楚, 點知返到屋企先發現唔只唔係肥叉, 根本係柴皮到食唔到, 各位朋友如果買外賣要小心呀!唔知點解UPLOAD唔到相, 唉...

同友人到美心打邊爐, 2個人SHARE一個小爐湯底要左北海島南瓜湯底配牛肩肉, 再另加水餃龍蝦丸及豚肉個湯底來時係奶白色再另提供一小盒南瓜蓉自行加入湯鍋內一陣就變成南瓜湯底, 味道都唔錯幾清甜.配料方面: 美心供應既食材都算唔錯, 牛肩肉夠鮮紅肥瘦度適中, 本身亦好重牛肉味道唔錯.另外水餃雖然皮有點厚, 但餡料都算新鮮又豐富.豚肉就覺得麻麻地, 偏肥又無咩味道.整體上以快餐形式既火鍋食材都算新鮮味道都唔錯, 價錢夠大眾化都算食得過.

Sat night, 去完探外婆，得我同阿媽食晚飯，於是就依我意思去美心打邊爐。由於阿媽on diet，唔能夠食太多，所以我地只係叫個一個火鍋，加了龍蝦丸拼餃子。要咗至愛嘅蕃茄湯。蕃茄湯大大煲，都唔洗加湯都夠飲，有新鮮蕃茄，微酸，無味精。火鍋料有牛肩肉數片、生菜、龍蝦丸、鮮菇、獅子狗、烏冬、蔬菜。牛肩肉數片，偏瘦，好呀，我鍾意，好過肥牛勁多膏。牛肩肉都算幾滑，唔會太鞋。龍蝦丸都唔錯，幾彈；餃子就係灣仔碼頭嘅，一貫灣仔碼頭嘅豬騷味。蔬菜不錯，有南瓜、金菇、娃娃菜、皇帝菜，全部都新鮮，亦洗得夠乾淨。烏冬唔算靚貨，無吉野家嗰d咁彈，不過都唔錯，打邊爐始終要有d麵食之類作結才滿足。

論環境好似幾舒服, 落地玻璃望街景, 又有幾涼嘅冷氣......不過一有過境巴士到達附近, 大鑊 全部拖男帶女還有一車車行李喼衝入MX, 行入鋪找位等位都算, 企晒喺門口(亦都是水牌)附近吹水, 去收銀機買飛又打尖論食物...就買咗「大廚小菜系列」嘅2餸餐, 要咗麻婆豆腐及另加$2才可以要的紅酒焗雞賣相ok, 飯就好似少咗好多, 我認為一飯碗都無 而且飯有生米, 未煲熟麻婆豆腐...豆腐都未煮到入味紅酒焗雞...雞件較嚡外, 其實紅酒味豐富, 這是意想不到咁好味食完就俾各位睇下份量的分別:裝麻婆豆腐嘅碗加$2的紅酒焗雞的份量就只有那又小又淺的「梯碟」份量 不如大大方方咁擺出嚟, 為何要裝假狗?

同事帶咗飯，得我自己一個人食，就可以揀d平時同事唔會pick ge choice。去咗美心快餐，午市都好多款，有湯飯、燒味、焗飯、兩餸飯、喇沙等方要了鮮檸香煎雞扒飯，$30, 加多個羅宋湯。前幾次黎食試過湯飯又試過中湯，所以今次試西湯。鮮檸香煎雞扒飯，有7-8塊雞塊，仲有幾條通菜。雞塊真係食到有檸檬味，外皮煎得好香脆，唯隻雞較肥，唔可以食咁多皮，膽固醇爆燈！雞肉都嫩滑，快餐廳黎講，絕對收貨。羅宋湯好多料，味道略嫌唔夠濃，同埋都幾多油。都係中湯好味d，夠火喉無味精，最重要係夠熱，超滾，好易辣親條脷。

今晚我惠顧太子"美心MX", 當時我想買一份"雞鮑翅湯飯，但因為他們的餐牌反光我看唔清楚我就問 收銀員（餐飲大使-符艷小姐 員工編號1211295)，請問這款湯飯係咪有切雞架，她回應: 我唔知道，我無食過，答唔到你喎！當時她的態度，頭令令身"fing fing"，態度囂張回答我的，我當然發火啦....問佢：你唔知，我點買呀。仲問佢這是你的工作態度嗎？此時另一位同事來到她身旁，問她發生乜事？她再用囂張的態度及口敏，同她的同事講：這位小姐問果個湯飯有無切雞喎，我點知呀，我都無食過。這位同事叫她問問廚房部，這位好同事幫我看看餐牌，跟我說係有架..此時那個態度惡劣的餐飲大使都同我講, 係有切雞架(樣衰衰的樣子), 跟住我就話: 你的同事答左我啦..我再次問佢: 你的工作態度係咪有問題, 她說: 我已經幫你問左啦(衰樣), 我說: 你一開始就應該要幫我咁樣做, 並唔係答我"無食過,唔知答唔到你喎!" 跟住佢繼續頭令令,還說你繼續噴啦小姐, 我話要投訴佢, 問她: 你叫乜名, 她唔答, 只係指住她自己身上的名牌, 我大聲兼拍台再次問她:你叫乜名, 跟住佢就掉個名牌在抬上, 我當然唔會妥協啦, 就

第一次去美心食hot pot....聽其他人講美心ge火鍋好ok..而且女朋友想食火鍋所以就去試試女朋友就食日本牛乳金栗火鍋果鍋底唔錯,都幾甜可能我鍾意飲牛乳其他野食都算是新鮮.可惜果餐無野飲加上佢用火酒膏,控制唔到個火搞到d水好快無哂,要成日加水..同埋換火酒膏果下好煩d姐姐都好快幫忙,好勤力=]俾左張意見卡讚賞果位姐姐.

拜年前先食一頓Big Breakfast, 可是結果早餐很小耶~~ (〒︿〒)　歐陸腸拼雞扒, 蘿蔔糕 跟奶茶 $22 份量來說......雞扒只得半個手掌般大, 歐陸腸小得像雞尾腸, 不過那堆煙肉薯仔山也不算少。 味道方面那堆煙肉薯仔山有想像不到的美味, 薯仔很甜而且很有煙肉味; 雞扒雖然小但煎得滑滑嫩嫩 GOOD歐陸腸拼炸魚柳, 蘿蔔糕 跟阿華田 $22 份量都是那麼少, 煙肉薯仔山依然美味, 炸魚柳滑到不得了, 有如九肚魚般滑 GOOD奶茶, 落黑白奶 不過我嫌奶茶不夠滑阿華田

一個晚上，獨個兒在附近蹓躂，經過這間美心MX，見有迷你盆菜套餐，又很久沒有吃過，便入內幫襯，叫來一個「鹽香雞迷你盆菜套餐」作為這晚的晚餐。其實吃真正的盆菜確是甚有風味的，可惜假如人數不多的話，根本就難以嘗到，快餐店的迷你盆菜正好可以滿足自己一個人也能吃盆菜的心願。過去也曾試過到過不同的快餐店吃盆菜，感覺尚佳，可惜這一次卻是希望愈大，失望愈大。快餐店的環境、服務其實間間都差不多，分別不大，最重要的分別無非是食物而已。一向以來，個人都覺得美心的食物質素要比另外兩間大字頭的連鎖快餐店要好一點點，可是這次的「鹽香雞迷你盆菜套餐」委實令人感到失望。作為主菜的「鹽香雞」，既不鹽（沒甚味道），也不香。其他的配料，最多的只是蘿白和豆卜，而且質素也甚為一般，味淡而寡，其他的配菜好像冬菇、枝竹、魚蛋和西蘭花等也無甚味道，可見這盆菜的醬汁是如何的失敗，連最索汁的蘿白、豆卜、枝竹、冬菇等材料也未能入味。比較有味道的要算是那兩件豬手，可是也只是稍為好些而已，味道仍是偏淡，而且骨大而肉少，不需幾口，便可把那一點點的肉吃掉。這個套餐除了質素欠佳的迷你盆菜外，只包一碗白飯和一杯茶包浸泡，沒有多少茶味的清茶，也要收$4

去完始創SHOPPING.諗住番屋企先食飯!行行吓,見到間美心MX開張.今餐都係唔煮啦.入到去見到水牌.腊味飯$33.5+$5熱奶茶.買完攞飛排隊.等5分鐘,個飯到咗見到有腊腸.潤腸.腊肉.腊鴨.齊晒四樣.蒸得都幾軟身.香口但D飯太軟啦!同埋D餸就少D.杯奶茶就不過不失啦!可以再好D !又搞掂一餐!