美心香港地 (已結業)

前几日收工就约埋三五知己去食饭，突然想食扒，就近近地去左呢到食，原本都唔太肚饿既，去到门口等紧位时嗅到d味就开始肚饿啦，系门口等紧既时候见到呢3杯饮品就要试下佢先得，我当然要饮我最爱的朱古力味啦。…查看更多

以食物质素来讲，美心出品通常不太会令人失望，尤其在四围选择得返银龙，大家乐，的时候，识拣一定系美心，至少我系咁谂。今日因为赶时间，只想食个快饭，就拣左最方便的美心。拎食物既时候见到有份汉堡餐已出左，等紧客人拎，八卦精上身的我觉得佢卖相靓仔所以偷偷影左张相。晤知好晤好食架，可能下次会试下。我就点左份MX去骨海南鸡，配汤，配沙律，我专门加左8蚊转鸡脾架。皮滑肉㜛，皮下脂肪较少，皮与肉只要筷子轻轻一掀,就可以轻易分开，每一块鸡都好完美一刀到底，绝不会拖泥带水，非常好！三味调料，我最爱甜酱油，同鸡好夹，不会似蒜蓉太盐，也都好过酸辣。所以希望下次酱油可以添多d,费事起身再去拎嘛，快餐店冇侍应帮手架，起身拎野返晤到个位啦！顺便一提，食物质素不俗，可惜清洁姐姐太恶。…查看更多