美心西餅 (觀塘站)

武汉肺炎搞到大家屈响香港， 冇得出去玩， 大家都一片愁云惨雾，适逢姜涛诞， 一于买个蛋糕happy吓~讲起就嬲嬲猪，我一心谂住拎d饼卡同美心coupon买个靓d嘅蛋糕，佢唔俾我一齐用㖞， 有冇搞错呀，都系美心，点解要分得那么细。。。。 算数， 照买 咁我订蛋糕，佢好高智能咁用部平板电脑嚟order, 点知真系虚有其表，部嘢系低能嘅，超慢，超难用，慢到我完全order唔到，全程要个姐姐搞，都唔知俾个客嚟order做乜？！ 好彩个姐姐冇发老脾，好有耐性，可能佢知部嘢咩料，佢已经习惯咗最后到写生日牌，我真系一个字都写唔到，完全要姐姐代劳，本来好开心谂住同姜b庆生，订完蛋糕搞到我焫焫焫焫焫焫著到拎蛋糕， 好彩实物都好靓，要嚟开party影相都几好，不过两层蛋糕真系得个样，影相就靓， 切同食都麻麻地。 切就要分两个切，佢中间有个难食朱古力支架，开头唔知，真系唔识整，。佢又冇讲点切，搞到下层切到烂晒，好核突，成件事错晒啰。。。。 error 404.....栗子又净系得甜味，都唔好食嘅， 好彩有姜b搭够，如果唔系真系要投诉佢。。。 大拿拿成3旧水个蛋糕，真系唔抵食又唔好食。。。 呢次教训我唔好睇样，内涵真系好紧要。 好彩姜b有外表又有内涵啫…查看更多

本身入去谂住用咗张饼卡去，就咁岩见到今年出左新月饼，就系拔丝莲蓉蛋黄月饼。佢嘅拔丝喺指常温状态下，入边嘅蛋黄都可以做到拉丝嘅效果，佢早鸟价系$128 ，一盒四个迷你月饼。咁我贪得意，咪买盒试吓啰。返到去我就冇加热或者再焗热佢，就咁常温食。味道就真系一般啦，冇特别，佢个蛋黄系真系做到拉丝嘅，但系蛋黄个味唔太浓，同埋蛋黄量都唔系好多，满足唔到我呢啲钟意食蛋黄嘅人。纯粹贪新鲜试吓，都觉得有少少伏。不过好在系做紧早鸟价买黎试。如果用正价好似要二百几蚊，如果用咗正价买黎试就真系好伏啦。…查看更多

七月份有多顿生日饭，是日选了美心的鲜果蛋白脆脆。蛋糕以一层簿簿的忌廉以接合生果，蛋白蛋糕香软清甜，配合简简单单的水果，不错吃。惟独朱古力脆脆略硬，松脆一点的话更加分。如果一大伙人以晚餐为焦点，蛋糕纯作点缀的话，算是简单又稳阵的选择。…查看更多

今次有机会食到呢个栗子果挞 一直都好钟意食栗子 食落去软绵绵 好似入口即溶嘅感觉个栗子味都好甜 除咗栗子佢个cream都好正 果挞底咬落去系曲奇 又脆又香又甜超好食😆😆…查看更多

7人行生日饭局～天气太热嘅关系唔太敢买忌廉慕士之类嘅怕溶同变质～简个大众喜爱嘅唔需要太花巧嘅芝士蛋糕净买1磅都够食～食完饭一人一小块刚好～由于大部份人都唔太钟意食甜嘢～上次买2磅一人一大旧仲要食唔晒攞返屋企上面嘅蓝莓偏甜～中间有一层白色fondant固定蓝莓唔会碌落嚟～芝士蛋糕唔会太干～Cream cheese味浓~饼底偏干加上压唔实一切碎晒～有D难攞起～芝士蛋糕食落唔会太甜所以唔会好“漏”～一件刚好1磅价格嘅蛋糕算划算…查看更多