影片
营业时间
今日营业
09:00 - 20:30
星期一至日
09:00 - 20:30
以上资料只供参考，请与餐厅确认详情
优惠
93折
美心西饼 HKD$20 电子礼劵（即买即用）
$18.5
$20
从来爱都是要及时，虽然大部份爸爸都是比较内敛，但都会以行动表示对子女的关爱，所以父亲节到来，就让我们同样以行动表达对爸爸的爱意！适逢端午节做节，一家人齐聚一起，小姪女就请我代买父亲节蛋糕，送给她辛劳工作的爸爸。左拣右拣都系美心的父亲节蛋糕最我心水，做型可爱又各具特色，分别有「#经典百利甜酒朱古力蛋糕」、「#盏鬼爸爸」及「#长胜将军」3款做型的蛋糕，适合不同性格及喜好的爸爸。🌟我就拣咗「盏鬼爸爸」(原价: $158)好配合我姪女爸爸（即我细佬🤣）的搞鬼性格🤣「盏鬼爸爸」其实就是美心西饼皇牌魔鬼蛋糕，内层是松软的朱古力雪芳蛋糕，面层是香浓幼滑的朱古力忌廉，每一啖都是浓浓的朱古力味，不会太甜，而朱古力味又香又浓郁，非常满足，内里还有朱古力脆珠及朱古力碎碎，食落更有口感。P.s. 用App会员购买有92折优惠
继续阅读
一年容易又中秋啦，仲有两个星期左右就喺中秋节，依家啲月饼广告宣传真喺好厉害，早几个月就有。最近，试咗两款月款，不约而同都喺嚟自「美心」，一盒就朋友送嘅，知小弟喜欢试新嘢，就醒盒新品我试；另一盒就老婆公司送嘅，年年都喺送同一款，印象都俾咗有4、5年。美心拔丝莲蓉月饼先介绍呢一款月饼先，因为都几得意，包装盒比较型格，黑底加上金线勾画出莲花图案，再加啲彩线如水流般，睇落唔似月饼，有啲似高级嘅朱古力装潢，用上纸盒制作，相对环保少少，易循环再做。打开包装盒，内有月饼嘅特色同建议食法，原来，唔建议就咁切开，反而，一掰、一拉，可以营造出拉丝嘅效果。依家啲月饼都喺以迷你装为主导，一盒共有8个，唔使一次食得太多，而且，独立包装已喺必然，耐放啲，又卫生啲。「拔丝莲蓉」4个字都算多笔划，不过，月饼面上嘅呢4个字都做得清晰可见，而且，外皮都烘得金黄。建议食法嘅首要，就喺烘番热佢，张简介纸无写，我哋估估吓就以多士焗炉750℃火烘佢5min，等啲馅心受够热。热烘烘嘅月饼，一掰、一拉，真喺做出丝丝相连嘅效果，可能焗完未摊得够耐，馅心未软透，拉丝效果未够强劲，不过，软滑嘅馅心已非常好食，可以讲喺有浓浓嘅蛋黄香，又有清甜嘅白莲蓉味，最得意喺外皮仲嗒到有啲花生粒碎碎，真喺既有香气、又富层次。美心低糖蛋黄白莲蓉月饼相对盒「拔丝」，卖相就比较「月饼」样，一身橙红色铁盒，亭台楼阁配荷花，带中国色彩之余，透过鲜艳嘅色彩配搭，虽然喺黄昏景致，但带嚟一份活力感。 唔只盒面印住「低糖」，更喺盒角大大只字标示含糖量低于5%。一盒共有6个，均以独立包装处理，衞生方便。顺带一提，近呢一、两年嘅月饼，已少咗奉送啲胶刀、胶叉，对环保方面又再进步。 月饼面印压住「美心低糖」，同样喺笔划多，但字纹压得非常清晰，一样烘焗得金黄均匀。个低糖莲蓉月水准依然，皮薄而平均，白莲蓉好软滑，最正喺个咸蛋黄流晒油，的确，食落真喺少甜好多，尤其对比起件拔丝莲蓉月饼，甜度明显低好多，搭杯热茶，喺下午茶嘅好拍档。 今次品尝嘅两款月饼，都可谓各有特别色，多谢老友，亦多谢老婆公司，等小弟预早应吓节。
继续阅读
今日无端端有啲朋友话上嚟我屋企打麻雀，咁ok啦。然后佢哋嚟咗，见佢哋拎住一盒美心蛋糕我就面色一沉，呢个蛋糕盒上面写著let's celebrate，咁嘅环境，美心集团佢哋想celebrate啲乜嘢呢？ 又有乜嘢值得去celebrate呢？不过slogan还slogan，食物还食物，我而家就先讲讲啲西饼嘅状况。讲真𠮶句，真系冇乜西饼，好似美心西饼嘅西饼咁颓，蛋糕嘅质地又干 又硬，味道上面系完全冇诚意，朱古力蛋糕冇朱古力味，奶油忌廉又唔好味，芋香味嘅忌廉蛋糕完全冇芋头味。 一个字 : 颓。
继续阅读
一知道美心西饼面包🥯买二送一 即刻走去买定做早餐先肉松面包糯米糍（$9.5）大大个面包 表层布满肉松碎 面包香滑软熟 打开之后有一大旧麻薯 口感烟靱 两者夹住黎食 咸香咸香味 一流呀芝士粒牛乳包（$9）表面呈饼形并报满芝士粒粒 芝士粉亦沾满左面包表面 食洛口芝士味浓郁 继而牛奶味有后劲 软熟既面包 一试爱上最后 法兰克福肠仔包（$8）外表呈现楼纹状 肠仔咸香 唔会过咸 加上面包既甜味 可以中和肠仔既咸味 算不俗
继续阅读
在V Walk商场食完饭，再走了两转，见到美心西饼，就走进去看看有甚么好吃的西饼，西饼面包款式都很多，看了很久，都是黄金脆脆迷你蛋卷及香蕉牛油蛋糕比较吸引，就买了这两款蛋糕回家试，因为我都很久未有尝过蛋糕，黄金脆脆迷你蛋卷，颜色比较吸引，全条金黄色，看见非常可爱，食落松软可口，忌廉适中。而至于香蕉牛油蛋糕，外边有层松脆果仁，食落松软，果仁松脆香口，而且香蕉牛油味浓郁。非常适合年青人的口味，而我就比较喜欢黄金脆脆迷你卷蛋。
继续阅读