美心西餅 (已結業)

正月初三‧晴新正頭，沒有什麼地方還開門，這裡一開，就已經人頭湧湧，來買兩件餅歸家吃。栗子撻上面灑滿糖霜，就似是雪山。吃起來栗子蓉雖然不是百份百真材實料，但香甜軟滑，是很好吃的。朱古力撻底香脆好吃，16元一件，值得一吃。忌廉蛋糕已經完全給比了下去。

係廣告見到情人節眉心做promotion, $88迷你天使蛋糕, 好耐之前親戚買過俾我地食, 之後愛上咗SEVVA嘅CRUNCH CAKE見啲人話SEVVA CRUNCH CAKE同天使蛋糕差唔多, 咁一於買個迷你版同我最愛嘅屋企人食吓喇!店員姐姐話冇現貨,最快都要早兩日訂.2月14號6點幾係CERES度買完心心蛋糕仔之後就去美心到拎個蛋糕LU...啲店員好有善, 笑容滿分, 仲同我地傾得好開心嘩!拎到出黎, 好細個好可愛呀我同媽咪都忍唔住嘩咗出黎, 店員姐姐見到我地咁都係咁笑美心連個袋都設計個新嘅, 真係幾靚, 哈哈番到屋企, 食完飯九點幾嘅時侯, 蛋糕出場喇!一家人圍住個蛋糕, 每一切一下, 真係好開心食喇食喇!! 啲CREAM雖然冇SEVVA咁滑, 但係都好OK窩...SPONGE CAKE 中間有簿簿嘅焦糖LAYER, 好味呀連埋嘅脆脆細過平時嘅, 我覺得啱啱好, CRUNCH比SEVVA甜整體黎講相當唔錯, 其實真係同SEVVA差唔多, 我自己都食咗半個呀!$88 同SEVVA比, 真係抵呀! 但係SEVVA食到佢個景, 所以各有各好喇質素講真拍得住SEVVA今日又有藉口食蛋

肉鬆旋風包~ 11元,我覺得唔值呢個價錢,不過見係新產品所以想試1試~個賣相係討好食客的~原來只係得4塊,仲要切得唔平均,最薄果塊真係薄得好緊要,...原來中間d肉鬆真係得好少.........而且麻麻地好味..講真句 雖然係個旋轉造型幾特別唔抵食唔抵食~所以下次1定唔會再食~ 菠蘿包 3.5元~果陣趕時間,所以隨意在美心買菠蘿包,不過論質素,真係一般麵包店仲好味過美心,個皮又唔夠脆,而且係軟身..甜左d tim呀...個麵包口感麻麻地........

話說美心西餅又出新產品 - 斑蘭蛋糕.先講外型,可以話同天使蛋糕魔鬼蛋糕如出一轍,都係一個大環狀; 不過缺少一層cream,只有一個綠色的環.一打開個盒,勁香斑蘭味; 切落去個蛋糕軟腍腍得令我有少少驚訝...要讚係個蛋糕質地鬆軟得就似個sponge cake,難得又唔會太乾,完全就係我鍾意的蛋糕質感!不過問題係,一放入口陣斑蘭香就消失得無影無蹤,真係變成一個純正sponge cake,只有蛋香味... 雖則有蛋香係好,但我應該係食緊個斑蘭蛋糕喎...睇番美心最近的蛋糕出品,無論天使魔鬼抑或斑蘭,走的都係簡約路線,著眼點都係放係個蛋糕的texture以及面層的cream,唔會有花巧賣相.

美心西餅最出名係排包, 牛油香味重, 麵包普遍也合格, 但卻不能吃到新鮮出爐的, 其他如芝士棒也是不錯的零食, 老公去行山多買了一個雲呢嗱"說謊"蛋糕, 我吃了一小口, 香味幾濃, 但唔夠軟熟!

個人而言, 生日蛋糕通常只會去酒店 cake shop 或心目中的水準 patisserie (e.g. Ceres, Antique, Mimosa, 過去仲有 Sweet Secrets) 訂 / 買, 貪佢好睇又好食... 今日都係因為細佬生日, 阿媽買了個黑森林返0黎, 先0係一年之內第二次食到周街都有的美心出品.因為母親節 promotion 關係, 蛋糕賣相比平時靚得多, 不過作為一個男仔的生日蛋糕, 又真係呆滯0左少少 d XD 俾面分了少少試試, 竟然有驚喜 -- 蛋糕幾 moist, 朱古力味濃郁, cream 份量適中, 加埋 d berry fruit 0者喱, 又幾好食.$130 大個 (大約 1.5 磅), 幾抵. 美心 d 蛋糕似乎愈0黎愈好食, 睇0黎要搵日0黎買幾件西餅重新試試先得了.