美心皇宮 (信德中心)

营业中

休息中

無水準的美心套餐，除咗龍蝦伊面和荷葉飯比較正常ok. 花膠扒無味又硬，片皮鴨D包皮用春卷皮🙄吾好食。八人用六人枱，D餸上得非常快，枱又唔夠位放。只能放旁邊小枱，乜嘢都凍曬啦！一句講晒吾好食😣，完全唔係美心水準

好耐冇來過呢度，對呢度印象有啲模糊。原來最近新裝修完，的確係靚左。野食方面，下午茶點心來來去去都係那幾樣，冇乜持別，最爆炸性的竟然是三十幾蚊碗的燒鵝瀨粉，啲鵝份量竟然多過美心Mx，抵食，不過賣相都係貌不驚人，所以我都係冇影相。反而要講下啲甜品頗為OK，個姜汁湯丸啲皮又薄又彈，如果湯丸大粒啲，芝麻餡多啲，個湯薑味濃啲就仲正；個蕃薯崧子糕好好好好好食，夠煙韌，軟腍度適中，表面應該掃左桂花糖先蒸（個人猜測，錯左唔好話我），甜得來帶香味，必吃。服務呢，典型美心，待客基本禮貌係有（同事間溝通時則不論性別都用好多助語詞），但唔好期望熱情殷勤，老字號係咁架啦。

睇完戲，回家途中，先到上環食晚飯，很久沒有來這裡，原來裝修過，環境比以前好很多，即點了蟹肉扒豆苗，煎蓮藕餅，豆腐煲，餸菜來了，豆苗很爽滑，很多蟹肉，藕餅很入味，最要讚的是客家釀豆腐煲，煲內有煎魚，蜆，肉丸，釀豆腐，好甜好味，最後叫了一個薑汁雙皮奶，這個就一般，無乜薑汁。

雖然星期一,但因為第二日放假都約左朋友去釣魚,咁岩個friend有個有張美心coupon,所以放左工就求其搵左間美心用左佢,都300蚊,唔好哂我地因為4個人,坐底又唔知食乜,見到個4人餐就嗌左嗰個本身係乳豬🐷拼盤,點知部長話冇乳豬轉燒肉好唔好,咁都冇乳豬都冇計地接受嫁喇,但我想講乳豬價值同燒肉爭咁遠,應該係個餐嘅價錢做返d adjustment囉,仲有燒鵝全部都係皮同骨都,冇肉食嘅,燒肉又鹹,食到我一肚氣個湯又係轉左嫁,又係部長行埋黎話唔知冇咩材料,轉魚骨湯好唔好,都冇話好唔好喇,咪又係有咩食咩,其實當時8點都未到,廚房竟然好多嘢都冇哂🙄不過d湯渣幾好食嘅,尤其係個豆腐,都幾入味西蘭花梗得制,好難咬咕嚕肉還可以接受的條魚都ok但個餐5碟餸,碟碟都一般,又貴,冇coupon真係唔會食👎🏻

今天和婆婆一起飲茶飲得很開心喎，美心的金錢肚真的很好味，金錢肚嘅沙茶醬真係好正，火候又夠。粉果嘅皮又唔好厚喎，粉果啲料又係多，真係好好味喎，叉燒包又幾好味喎，好似新鮮咁斬出嚟，蒸得又好喎。

自從會自己煮飯之後，其實都比較少去酒樓食晚飯，因為覺得自己係屋企煮啲家常小菜，性價比高，又冇味精，仲健康啲！所以有時候對中菜要求其實又真係會高啲。最近同屋企人去食美心皇宮，冇咩期望，叫左五樣野，都係啲功夫比較多既餸 (感覺上覺得抵啲，哈哈)！蟹肉薏米燴金瓜 - 好食！南瓜的軟度剛剛好！可以偷師，自己係屋企研究下，可以用其他食材取代蟹肉同薏米，哈哈。生煎蓮藕餅 - 好 standard ，不過平時係屋企懶，所以出街食呢個餸最好。四季荷葉飯 - 足料！豉汁蒸鱔 - 自己買要買一大條，一餐食唔曬，所以都係出街食啦！菜膽雞 - 全晚最一般的餸！傳統中菜，不過不失。

位於上環信德中心的 <美心皇宮>，在一星期前重開！重新華麗登場！今日中午老闆請客，我們一枱十人，點了12位商務套餐！每碟都大大碟夠得體，份量超豐富！駿業宏開宴 12位 $2,688當中，最吸引又驚喜莫過於香蒜糯米蒸加拿大龍蝦！香蒜糯米蒸加拿大龍蝦龍蝦斬件碎上容易進食！略為晶瑩的糯米吸收龍蝦的精華及蒜香，實在美味不已！脆奶拼荔茸帶子由於，我們不知道老闆點了什麼餐，直至走，見到門口個大餐牌才知！起初，有人以為炸豆腐，原來是脆奶，外層香脆，內裡軟滑甜美！荔茸帶子驟眼看是荔芋酥，一咬開，內有乾坤！夾住一粒原粒帶子，份量都不少！ 卻是軟腍腍，口感不討好！原籠馬拉糕熱辣辣香噴噴，入口鬆軟又幾甜！因為不方便影相，我偷偷地影相，所以影得幾張！請見諒！

友人由澳門中午返港，相約於信德中心地庫的美心皇宮午餐。我們一共有四人，點了七個點心和一麵食。其中點了三個粵韓新食推廣的點心包括泡菜國餃子，餡料有蝦肉豬肉及泡菜，故是帶點辣的餃子；鱈魚子脆脆卷，春卷包有鳕魚子、蝦和紫菜，點些芥末酱油吃，另一風味；幸福紅豆粿，紅豆粿用桑葉包著，吃起來味帶香，略覺甜了些。鲍汁炆鳯爪，鳳爪炆得很淋，花生芡汁調校得宜；沙茶醬鴛鴦肚，爽口味適中；椒鹽鱿鱼鬚，細細條魷魚鬚，有咬口。最欣赏是雞球大包，現在只有少數酒樓供應，饀夠份量，除雞球外還有鵪鶉蛋、冬菇、蝦、义燒，香䓤。一定要趁熱吃。薑䓤鮮鮑魚炆烏冬，鮑魚有差不多兩節手指大小，烏冬炆煮得不錯，友人説加些鳳爪的鮑汁更好味。這餐吃得滿意，對美心皇宮的感覺是能保持一定水準。

老闆請飲茶，去返我哋平時飲開茶嗰間。同老闆食飯唔駛急但要快。見到有新套餐餐牌，唔想用腦諗就嗌黎試下。蝦多士車仔點心，多士唔係太脆口，蝦都係一般彈牙。白灼菜心菜心老到入唔到口，又黃又韌。瑤柱肉鬆泡飯如果這個是泡飯，我諗我係屋企都應該煮得到㗎。 個湯都唔夠熱囉。蜆蚧炸鯪魚球即炸夠熱，啲油多咗少少。侍應的服務態度都如往常咁，冇乜改變，普普通通啦!衞生方面真係要注意，杯碟碗匙羹仍然係有油膩或有漬的，真係接受唔到囉！

大年初二，一家人開開心心開年點心樣樣都正常，又冇特別加價。用The GULU 預先攞位，去到等咗陣就ok👍百花釀魚肚，我們一共點了3籠，冇油、夠味，蝦膠彈牙蝦子柚皮沒有苦澀味。炸物新鮮熱辣辣👍

新正頭與家人一大清早到上環文武廟拜神，離開時經過一家西餐廳，老伴本提意試一試風味，小的則礙於老爹之傳統口味與及怕那洋風小店在獨市之下劏羊牯，遂表示希望吃中餐。車子沿路兜轉，以為要找一家營業的茶餐廳，結果老伴卻主張到上環信德中心的美心皇宮去。對於美心集團，小的只覺每下愈況，價錢暗暗地加，份量漸漸地減，質素卻不斷下滑，然而小的已否決了老伴一次，而他不知何解地老愛美心，唯有尊重他。 來到美心皇宮仍未到九時，碩大的餐廳人跡罕至，店內職員之數目比食客還要多，姐姐豪氣地叫咱們隨便找個位子坐，還說中間檯椅更大一點。於是小的領著爹媽直闖中庭，四個人坐進一張八人大檯去。誰知安頓以後另一位阿姐得悉咱們只有四位，便把咱們趕離大檯，未進餐便先得一翻折騰。 原本是一家四口簡單填肚，而吃的亦是普通平凡的美心皇宮，以為隨便地開心進餐，小的並沒有打算特意寫個食評。卻因餐廳之服務著實太過糟糕，新正頭給吃個一肚子氣，弄得小的要不吐不快！ 對小的而言美心酒樓算是中等檔次的連鎖集團，其定位自然要比低一級的海港、稻香、明星、好彩，與及那些街坊酒樓要佳。無論是食物質素與職員之服務態度均有一定要求。可是這回體驗卻完全地摧毁了

今日去上環有些事情辦，知道附近有一間美心皇宮，所以就約好朋友去呢度飲茶😊入門口待應到入座後到食嘢期間到走，每一個待應，穿西裝經理同職員，包括傳菜，全部都好有禮貌👍👍👍👍環境吳錯亦坐得好舒服。———————————————————-今日食既食物：1-🐷皮🐠蛋尤魚—-咖哩夠入味，所有入面有既食物全部都夠曬味道，吳會過咸，味道適中，但吳係太夠熱，扣左小小分，但味道係好味☺️2-至愛包魚出場——係包魚燒賣，又熱又好味😬😬3-川芎浸魚尹——🐟頭新鮮，藥材味濃，湯好味👍4-瑤柱金針扒柚皮——以為全部金菇，點知食落係好多瑤柱，絕對係對貨對板😂😂不過係柚皮過林左小小，但味道👌既5-百花釀🐠肚——-最鐘意D食物熱辣辣👍🐟肚夠林又爽甜，🦐膠又彈牙😋6-花膠罐湯餃——-必食，又係熱辣辣，廚師手藝好到不得了不得不讚，我周圍食甘耐嘢，未食過一個師傅整得甘簿既罐湯餃皮，仲吳會熟左D皮爛曬，仲係完整一隻係碗入面，入面既材料係熟既，罐湯餃入面材料有🦐，瑤柱，🐷肉，🌼花膠仲好大件👍7-豆腐花🌹———又到甜品時間，撞桶豆腐花，加埋薑汁，庶糖配料，加吳加糖，任君選擇😬————————————————————點心款式又多，價錢

今天和家人去遠一點飲茶，就坐了幾站地鐵到上環的美心皇宮。今天五個人，點了一桌子的點心，沒有全拍。上環站D出口，一出來就是了，場地還挺大的。還有窗口可以看到蒸點心的情況～～～糯米雞個頭很小，大概只有半個手掌心那麼大。牛雜很入味，煮得很軟，偶爾上面黏連了一些脂肪，不過味道不算很香。菜乾粥味道清淡，還挺香的，不算很鹹。我們還點了其他點心：雲吞、燒賣、馬蹄糕、牛柏葉、腸粉等等，水準都正常，沒有特別難吃的。

喺附近返工幾年，呢一間都算係我午餐食堂， 最高一個星期光顧五次，最少一個星期光顧三次， 有時同同事呻，仲有啲咩可以揀呀?冇去一排，因為佢啲伙記的態度好差，杯碟匙羹都比較污糟! 抵制咗佢一段時間，最近又去返幫襯啦!態度有少少改善咗啦! 不過食用器皿和牙纖筒的衛生仍未改善，另外埋單的時候仲係要等好耐， 希望呢點再有改善啦!不過最近我發現有一樣微妙變化，逢星期三的點心同炒粉麵飯好似特別差㗎! 唔知係咪因為跑馬日呢?多春魚炸得都幾脆，而且亦都唔係話太油。蓮藕餅有3件，煎得好差，乾爭爭，食落都唔似蓮藕餅。春蛋燒賣有3粒，味道同賣相都係好差，蝦又唔新鮮。濃湯餃子唔夠熱。西米焗布甸係凍的， 入口覺得佢係過咗氣。 我都估到落單叫，佢都係俾手推車仔上面嗰啲你㗎啦!

星期日午餐，一家大細黎到上環美心皇宮飲茶，平日weekdays黎好多人等位，今日唔使等，入到去地方好大，不過都已經9成full點心紙應有盡有，價錢唔算平，但好多選擇，我地5個人叫左大概13 蘢點心，蝦餃燒賣，煎腸粉，蘿蔔糕，牛肉球，糯米卷等等，呢d飲茶例牌都有叫。另外，仲有胡椒咸菜豬肚湯 同薄餅。味道方面 3 out of 5粒星， average 唔差亦唔係over the top，Weekend 5 個人飲茶，埋單$600幾，overall 美心皇宮都係茶聚唔錯既地方，但如果追求味道既朋友可能會想試其他地方