影片
营业时间
今日营业
08:00 - 20:30
星期一至日
08:00 - 20:30
以上资料只供参考，请与餐厅确认详情
优惠
93折
美心西饼 HKD$20 电子礼劵（即买即用）
$18.5
$20
将军澳中心的美心Cake Lab更改招牌美心烘焙后，佢多咗香港地道面饱，好似波萝油同椰丝奶油，仲有新鲜出炉蛋挞，外型色水值得一赞，如果蛋挞价钱可以亲民啲啲，又或者可以出品其他怀旧面包西饼，如奶油卷同鸡批等等，应该会受到大家欢迎，购买人龙可能排到地铁站。美心烘焙保留咗香港特色的口味，虽然整个将军澳面包店巳被西式法式同日式面包店占领，巳经好难揾到香港特色面包。美心烘焙所走嘅路线系香港式面包店风格，值得赞赏。
继续阅读
布丁包呢排好hit而咁岩比我系美心烘焙所见到新鲜出炉，加上其他包点都好吸引，所以一次过买哂几款!布丁包既布丁味好浓郁而且饱满又唔会太漏，我地再用气炸锅180度焗多2分钟，布丁有半溶既状态而且面包好脆，基本上同新鲜出炉冇咩分别，以后想食都唔一定要去油麻地啦!!!蛋挞系牛油皮既，食落酥脆而且牛油味好突出，蛋味都香浓，几高质!另外仲有沙翁，新鲜即炸而且好香酥皮味，气炸锅整返热好惹味又唔会太油!最后就系梳乎里，面头焦糖够脆又唔会太甜，口感整体层次感十足!
继续阅读
天气热就成日都想食冻冰冰既甜品，蛋糕都唔例外😚有日行过美心见到有个新蛋糕，仲要系我中意既Milo味😍谂都冇谂就买左佢🤣雀巢美禄味恐龙麦芽朱古力蛋糕（$49/ 现金价$39）蛋糕系独立有纸盒包装，卖相都好唔错😗蛋糕面系美禄味既cream，忌廉都几滑身，同埋都几浓既美禄味❣蛋糕好软绵，同忌廉可以融为一体☺比起平时啲cake个人觉得呢个几唔错，值得一试👍
继续阅读
难得放假冇约会, 今日去坑口探丫公丫婆, 系厚德商场兜下睇买咩比佢食。见到美心烘焙所有法式布甸面包卖, 顺便再买多几个甜品挞比佢地试试。店内仲有数款面包类, 仲有港式怀旧嘅沙翁。法式布甸面包:Size有拳头般大, 买嘅时候唔系新炉出炉, 已经滩冻咗; 如果想热食就要回家返热, 唔想烦, 一返到去即食, 包面有dd韧, 布甸很滑溜, 甜甜地, 唔会过甜, 老人家都岩食。软心芝士挞: 芝士挞表面火灸过, 脤得高高的, 芝士很creamy, 味道偏咸, 跟牛油挞底食, 稍为平衡到咸度。紫薯西米布甸杯: 布甸杯混入了林嘅西米, 有蛋香味又有层次, 底部仲有少少紫薯蓉, 正!沙翁: 表面平均沾上砂糖, 入里系空气感面包, 整体入口, 质感微微松脆, 甜甜地。另外买咗个吞拿鱼包, 质地厚实, 岩哂做早餐, 够饱肚。
继续阅读
今日行东港城，经过呢间新开嘅美心烘焙所，比佢新出嘅法式布甸面包吸引咗。除咗呢个新推出嘅产品，原来烘焙所仲有咁多新派甜品，例如芝士挞、焦糖疏乎厘、西米布甸，仲有两款味，两款都系而家香港大热嘅紫薯同埋香芋。除此之外部份面包款都款都好吸引，例如朱古力麻薯波，同埋沙翁！《法式面包布甸》$15/1呢度嘅面包布甸新鲜出炉，见到有师傅喺入面即场整😍标榜用法国淡忌廉 ，布甸入口奶味同埋蛋香都好浓郁，口感嫩滑绵密，而出面嘅法包松软得来带少少烟韧感，好好味！适合雪冻或者微波炉叮热食，两种唔同嘅感觉，而我就钟意冻食多啲，因为布甸个口感会比较幼滑。《沙翁》$12沙翁都系新登场嘅产品，见到好多人买所以我都想试一试。味道唔错，入面好湿润同埋松软，唔算非常甜，如果摆入气炸锅焗一焗口感应该更加好！《焦糖脆脆疏乎厘》$23呢个超出预期好味！食落有啲似芝士蛋糕嘅口感，绵密，焦糖味同埋奶味都好出！同时又有空气咁，性价比几高。《紫薯西米布甸&香芋西米布甸》$15/1呢个个面有啲烟韧，食到底紫薯同香芋嘅份量都几多，重奶香味，同埋布甸好滑，整体都好唔错。《朱古力菠萝麻薯包》$11/1呢个系麻薯波波嘅进阶版，出面有菠萝酥皮，所以口感外脆内软，而且仲有真麻糬，好味！
继续阅读