影片
港铁旺角站 E2 出口, 步行约3分钟
继续阅读
付款方式
其他资料
Wi-Fi
酒精饮料
自带酒水
外卖服务
加一服务费
以上资料只供参考，请与餐厅确认详情
紅磡等極無小巴再加塞車過晒鐘，放棄走堂轉軚食野飲酒好過，第一站美味軒！怨氣重再次拳館樓下逃走，原來今天是農曆生日，祝我生日快樂！煎釀紅腸、豆腐、魚蛋、茄子，件件巨形真可愛$20 蚊有7 件，連我個血盤大口都係緊緊塞得入。豆腐外皮十分濕濕韌韌不香脆，炸完通風索水氣，裡面鞋鞋老老硬豆腐。魚蛋咸香重粉，結實而黏牙略有彈性，好采夠香口。茄子夠熟不生不水，半爽半綿可接受。紅腸堅廷肉香略硬，咸味突出。每件都有黏上薄薄魚肉，比例份量免強可以，不太過份。微彈沒有腍劈劈，還有一絲魚味浮現。滷水生腸、白灼牛柏葉，掉落辣咖哩湯浮潛烚一烚，味道特別濃郁香辣惹味！牛柏葉勁爽勁彈無滾水味，間歇性滲出微弱牛甜味，已吸收辣汁變得非常美麗！生腸散發滷水清新味道，腸皮脆脆的而裡面軟軟的，掃上辣椒醬更添刺激感。炸雞髀⭐️翻炸雞髀！後生仔好用心機地炸隻髀給我，但麵粉多過肉，成餅燶燶雞蛋仔包住一樣，咬足5分鐘都仲未咬到雞肉，滿口都係粉，索價$25蚊無肉食！不停咬都只咬到雞皮及麵粉，洒上椒鹽粉，味道非常似台式鹽酥雞跟豪大大雞排的混種。咬到忍無可忍，唯有直接扯開麵粉食裡面的雞髀肉！瘦猛猛細細隻發育不良迷你雞髀仔無咩肉食。是但求其連環咬迅速消滅，乾硬無味雪藏雞肉，無下次！炸豬大腸⭐️⭐️⭐️⭐️新鮮即叫即炸，滾熱辣出爐！不用豉油只要少少芥辣已美味無比，肥美不油啖啖肉，皮脆肉嫩超彈牙！乾淨芬芳酥香無比，非試不可！最敝切定再炸，要原條炸好後再切，才能原汁原味。嗅豆腐⭐️⭐️⭐️⭐️從遠遠處已聞到氣味而被吸過來，聞到陣陣嗅豆腐香氣，我要食嗅豆腐減壓！點解係都要強制買兩件？我要一件就夠，索價$30 蚊兩件，太多要人家格硬食，我仲想食其他食物，食滯就食唔到，可惡 ！溫柔嗅豆腐的酥香，不是太過濃烈霸道，淡淡然剛剛好，可能怕附近街坊會受不了吧！真的熱得燙手，不顧一切大大啖咬下，見煙都無丁點但超勁熱！幸好沒有灼傷嘴仔，只是口腔有少少甩皮，最緊要好食，什麼都不管了﹗沾上蒜辣豆瓣醬繼續享受，外面脆脆嚥韌，裡面結實開晒窿。豆香、辣味、酥脆共冶一爐，無得頂！咖哩魚蛋⭐️⭐️⭐️真係又圓又大粒，脹卜卜釀嘴仔，估唔到熱得那麼利害，灼口腔到甩皮 ﹗雖然我越熱越鍾意，但灼傷痛痛就唔好啊！質地少少彈少少黏，咖哩超級入味再淋上辣椒醬堅辣辣刺激，不過掩蓋唔到霸道的腥味。滷水牛雜⭐️⭐️⭐️⭐️好很貴不過真心堅好味！滷水香甜清新，牛雜湯底濃郁，件件炆得入味非常！應腍得腍、應彈則彈，牛肚、牛腸、牛腩、牛耳、蘿蔔，加埋芥辣辣椒醬享用就更繽紛精彩！街邊小食都有最低銷費 ？又係因為強國自由行？就連魚蛋都無得只買一串！神州無人性荒謬黐孖筋小食店，我買3 串魚蛋，大媽比個細碗，要求我立即先食1 串，餘下2 串就可以裝得落。我即時面色一沉黑面，點解唔比隻大碗裝呢？大媽先轉個大碗，我依然保持禮貌及儀態唔該晒您啊！唔通買叉燒飯比個盒仔人地，叫人地食左半盒飯先，最後先裝埋叉燒入去？魚蛋最低銷費$30 蚊已取消，但都要$20蚊先有得食，無得買1串，最少買2串。牛雜更加離譜最低銷費$60蚊，個碗仔同裝魚蛋既碗一樣細細隻，街邊小食開天價，泊得住潮州粉麵店！但潮州粉麵店收$60 蚊大大碟牛雜，仲有冷氣、有位坐、有服務呢！
继续阅读
Went to this stall to buy some fishballs & siumei. Unlike other stalls, this one did not show prices (red flag #1). Second problem was the price, I only bought a stick of fishball & a stick of siumei, yet the price was $30, which is probably one of the most expensive I've ever tried (red flag #2). I could understand if the taste was fantastic, but this was not the case. The taste was very mediocre & bland (red flag #3).Not sure what's going on with this stall, but it earned a solid BLACKLIST from me.
继续阅读
行過諗住食牛雜, 口痕又想食舊臭豆腐佢門面冇價錢, 係我豬以為吾會貴得去邊我話要1 舊臭豆腐, 呀姐話最少要兩舊, 諗左3 秒嫌太多吾要, 佢話已經炸左, 冇得吾要碗牛雜吾大碗, 佢話$60,, 兩舊臭豆腐$30先吾講吾好食, 間野好多烏英, 貴到好明顯劏客!! 千祈吾好上當
继续阅读
路過買左份臭豆腐，整完之後同我講要60蚊！即刻知道自己中伏🥴🥴🥴仲要得個4舊，見到間店所有食物冇標價錢，由得店員鐘意話幾錢就幾錢？！仲好意思問我地要唔要買其他野？！廢事同店員嘈，先死死氣比錢😞😞😞收完錢見到佢地陰陰嘴笑😑😑😑真心懷疑係黑掂黎。。。咁貴咪算重點係d野都好難食！食左幾啖就扔了🤢🤢🤢大家千奇唔好幫襯！！！閒閒地好普普通通嘅魚蛋燒賣都賣成40蚊！建議大家將d錢比乞丐都唔好比呢間垃圾！！！
继续阅读
話説經過想食串魚蛋就係美味軒買串之後我見佢畢咗一大兜，我已經知瀨野😡😡😡我問佢幾錢，佢話要40蚊我即刻當堂呆咗係度，咩魚蛋要40蚊，究竟係有金定有魚子醬😡😡😡😡我即刻話我唔要啦，店員就好串咁同我講已經畢咗，所以無得唔要😡😡😡究竟係咩道理無奈最後都俾咗錢佢地，因為都唔想同班店員理論，浪費時間所以希望香港人唔好中伏，千祈唔好幫襯希望佢地快d執🙏🏻🙏🏻🙏🏻
继续阅读