影片
红磡等极无小巴再加塞车过晒钟，放弃走堂转軚食野饮酒好过，第一站美味轩！怨气重再次拳馆楼下逃走，原来今天是农历生日，祝我生日快乐！煎酿红肠、豆腐、鱼蛋、茄子，件件巨形真可爱$20 蚊有7 件，连我个血盘大口都系紧紧塞得入。豆腐外皮十分湿湿韧韧不香脆，炸完通风索水气，里面鞋鞋老老硬豆腐。鱼蛋咸香重粉，结实而黏牙略有弹性，好采够香口。茄子够熟不生不水，半爽半绵可接受。红肠坚廷肉香略硬，咸味突出。每件都有黏上薄薄鱼肉，比例份量免强可以，不太过份。微弹没有腍劈劈，还有一丝鱼味浮现。卤水生肠、白灼牛柏叶，掉落辣咖哩汤浮潜烚一烚，味道特别浓郁香辣惹味！牛柏叶劲爽劲弹无滚水味，间歇性渗出微弱牛甜味，已吸收辣汁变得非常美丽！生肠散发卤水清新味道，肠皮脆脆的而里面软软的，扫上辣椒酱更添刺激感。炸鸡髀⭐️翻炸鸡髀！后生仔好用心机地炸只髀给我，但面粉多过肉，成饼㶶㶶鸡蛋仔包住一样，咬足5分钟都仲未咬到鸡肉，满口都系粉，索价$25蚊无肉食！不停咬都只咬到鸡皮及面粉，洒上椒盐粉，味道非常似台式盐酥鸡跟豪大大鸡排的混种。咬到忍无可忍，唯有直接扯开面粉食里面的鸡髀肉！瘦猛猛细细只发育不良迷你鸡髀仔无咩肉食。是但求其连环咬迅速消灭，干硬无味雪藏鸡肉，无下次！炸猪大肠⭐️⭐️⭐️⭐️新鲜即叫即炸，滚热辣出炉！不用豉油只要少少芥辣已美味无比，肥美不油啖啖肉，皮脆肉嫩超弹牙！干净芬芳酥香无比，非试不可！最敝切定再炸，要原条炸好后再切，才能原汁原味。嗅豆腐⭐️⭐️⭐️⭐️从远远处已闻到气味而被吸过来，闻到阵阵嗅豆腐香气，我要食嗅豆腐减压！点解系都要强制买两件？我要一件就够，索价$30 蚊两件，太多要人家格硬食，我仲想食其他食物，食滞就食唔到，可恶 ！温柔嗅豆腐的酥香，不是太过浓烈霸道，淡淡然刚刚好，可能怕附近街坊会受不了吧！真的热得烫手，不顾一切大大啖咬下，见烟都无丁点但超劲热！幸好没有灼伤嘴仔，只是口腔有少少甩皮，最紧要好食，什么都不管了﹗沾上蒜辣豆瓣酱继续享受，外面脆脆咽韧，里面结实开晒窿。豆香、辣味、酥脆共冶一炉，无得顶！咖哩鱼蛋⭐️⭐️⭐️真系又圆又大粒，胀卜卜酿嘴仔，估唔到热得那么利害，灼口腔到甩皮 ﹗虽然我越热越钟意，但灼伤痛痛就唔好啊！质地少少弹少少黏，咖哩超级入味再淋上辣椒酱坚辣辣刺激，不过掩盖唔到霸道的腥味。卤水牛杂⭐️⭐️⭐️⭐️好很贵不过真心坚好味！卤水香甜清新，牛杂汤底浓郁，件件炆得入味非常！应腍得腍、应弹则弹，牛肚、牛肠、牛腩、牛耳、萝卜，加埋芥辣辣椒酱享用就更缤纷精彩！街边小食都有最低销费 ？又系因为强国自由行？就连鱼蛋都无得只买一串！神州无人性荒谬黐孖筋小食店，我买3 串鱼蛋，大妈比个细碗，要求我立即先食1 串，余下2 串就可以装得落。我即时面色一沉黑面，点解唔比只大碗装呢？大妈先转个大碗，我依然保持礼貌及仪态唔该晒您啊！唔通买叉烧饭比个盒仔人地，叫人地食左半盒饭先，最后先装埋叉烧入去？鱼蛋最低销费$30 蚊已取消，但都要$20蚊先有得食，无得买1串，最少买2串。牛杂更加离谱最低销费$60蚊，个碗仔同装鱼蛋既碗一样细细只，街边小食开天价，泊得住潮州粉面店！但潮州粉面店收$60 蚊大大碟牛杂，仲有冷气、有位坐、有服务呢！
继续阅读
Went to this stall to buy some fishballs & siumei. Unlike other stalls, this one did not show prices (red flag #1). Second problem was the price, I only bought a stick of fishball & a stick of siumei, yet the price was $30, which is probably one of the most expensive I've ever tried (red flag #2). I could understand if the taste was fantastic, but this was not the case. The taste was very mediocre & bland (red flag #3).Not sure what's going on with this stall, but it earned a solid BLACKLIST from me.
继续阅读
行过谂住食牛杂, 口痕又想食旧臭豆腐佢门面冇价钱, 系我猪以为吾会贵得去边我话要1 旧臭豆腐, 呀姐话最少要两旧, 谂左3 秒嫌太多吾要, 佢话已经炸左, 冇得吾要碗牛杂吾大碗, 佢话$60,, 两旧臭豆腐$30先吾讲吾好食, 间野好多乌英, 贵到好明显㓥客!! 千祈吾好上当
继续阅读
路过买左份臭豆腐，整完之后同我讲要60蚊！即刻知道自己中伏🥴🥴🥴仲要得个4旧，见到间店所有食物冇标价钱，由得店员钟意话几钱就几钱？！仲好意思问我地要唔要买其他野？！废事同店员嘈，先死死气比钱😞😞😞收完钱见到佢地阴阴嘴笑😑😑😑真心怀疑系黑掂黎。。。咁贵咪算重点系d野都好难食！食左几啖就扔了🤢🤢🤢大家千奇唔好帮衬！！！闲闲地好普普通通嘅鱼蛋烧卖都卖成40蚊！建议大家将d钱比乞丐都唔好比呢间垃圾！！！
继续阅读
话说经过想食串鱼蛋就系美味轩买串之后我见佢毕咗一大兜，我已经知濑野😡😡😡我问佢几钱，佢话要40蚊我即刻当堂呆咗系度，咩鱼蛋要40蚊，究竟系有金定有鱼子酱😡😡😡😡我即刻话我唔要啦，店员就好串咁同我讲已经毕咗，所以无得唔要😡😡😡究竟系咩道理无奈最后都俾咗钱佢地，因为都唔想同班店员理论，浪费时间所以希望香港人唔好中伏，千祈唔好帮衬希望佢地快d执🙏🏻🙏🏻🙏🏻
继续阅读