影片
服务态度好差，仲要分唔到朱古力同阿华田 等咗好耐都冇嘢食 催佢仲要翻白眼 嘢食叫咗好耐都仲未叫厨房做又出错餐 叫咗好多次走葱都冇走到 总之好差啰 成日出漏嘢 个人感受差 嘢食又唔系真系好好食 差评
继续阅读
美味店堂食、外卖都食过，捞蒙劲有水准，外卖拿到返屋企都仲好高质。堂食有越南特色嘢饮，之前饮过咸咖啡、椰汁咖啡都好唔错。讲返今次外卖先，配料有青瓜、生菜、甘笋、花生、葱油等，香茅猪扒劲香香茅味份量又够，捞蒙汁不会太甜。配料处理得好唔会水汪汪，唔系有啲越南野求其几条生菜几粒花生果种，绝对系有心机之作（堂食食过饭、木瓜沙律都好好味，但忘了影相）总之不枉我行十几分钟过嚟食，价钱又相宜。今次特登写个食评赞下先，希望长期保持水准
继续阅读
本人唔食菜，走晒所有菜，原本好似有咸酸菜果啲，个汤真系好好味、好正，不过对唔食辣既人尼讲，可能会觉得辣，但好味既辣完全可以接受。河粉份量超足，又唔贵，51，难得食碗外国粉唔到70 80
继续阅读
早几日凑热闹过左嚟呢边试隔离档鸡蛋仔喺等紧嘅期间望下附近有咩，见到呢间好街坊但又几啱feel 嘅越南店。就决定阵间食完鸡蛋仔过嚟试埋，因为睇完早场未食野真系好肚饿😂😂舖头好细，门口有2张长枱，入面都有一张但已经坐满人。好彩天气唔热坐出面都ok, 餐牌贴左喺玻璃窗到，估唔到舖头细细都几多选择呢碗生牛河份量都几大，牛肉好多，好淋滑。有时食过啲舖头质素一般嘅，啲牛肉浸熟左会鞋同硬，但佢冇，keep 住好淋，汤底都清甜😋食到中后段先醒起佢冇辣椒🌶️，如果有埋同再多啲香料会更加正新鲜炸起春卷，入面包左粉丝木耳红萝卜𠮶啲，咬出嚟仲有小小汁弹添呀呢个味道都唔错，馅料同春卷差唔多。不过因为食左鸡蛋仔，呢碟最尾食唔晒留低一件以价钱同味道嚟讲，都唔错！加上系屋邨街坊舖，唔会对佢有好高要求，姐姐服务态度都好好😊 起码令呢个行程唔系净系得鸡蛋仔，仲有越南野，抵返啲😆
继续阅读
今日试咗沙田屋邨入边嘅小店！支持一下本地小店，因为香港嘅小店愈来愈小，呢间舖头有唔同香港特色小食，亦都有越南嘅河粉同小食，朝早早餐可以食烧卖肠粉、印尼捞面，而午餐、晚餐可以食越南特色粉面饭。今次我试咗佢越南鸡丝汤蒙，大概$30港纸就有好大嘅一碗，价钱好亲民，质素都好高！我呢碗有好多鸡丝，好足料！！越南河粉最重要就系佢汤底，呢个汤底系好正宗嘅越南河粉汤底，忍唔住一啖接一啖，佢另外仲有辣椒，加几粒落去，味道即刻升华左，非常惹味，好推荐大家支持小店！
继续阅读