羊门小将 - 内蒙火锅 (已結業)

自从赎回左我张回乡证之后,我每个月总有1-2次北上寻觅我既至爱羊羊!而呢一间系我试过港人至爱既小肥羊、苏武牧羊、肥羊王等店后,觉得最好味而且又唔洗排队既一间,已经食左十几次,又推荐过俾好多朋友,个个都赞好,系度不得不推荐一下!A级羔羊肉($2X):同小肥羊既冰到未解冻就送上抬既羊肉好唔同,呢度色泽鲜红,而且好明显系解晒冻之后先片落黎,所以无一层薄冰系面,肉质嫩滑,10级推介!羊粉($1X/份):应该系用羊既脂肪混合而成好似宽粉既粉,呢度既羊粉唔会整得太碎,好完整既一条,浸落佢个清汤底度十分钟左右便变为淋身,煮到半透明状态就可以捞上黎食得,吸晒汤底既味道,烟UN爽口羊肉锅贴($1X):成盘饺既面俾一层薄薄既蛋浆铺面,饺子大小适中,每一只都皮薄多汁,肉涵份量岩岩好,比起香港不少锅贴专卖店好味得多!注:1.有一壶免费豆浆送2.持会员卡享有85折,每月10号凭卡仲有65折3.持会员卡+$2有罗卜/$3有大白菜/$4有炸腐竹值得推荐既仲有羊串($2/串)同羊排($38),成餐都系羊肉宴咁XD每次同我个食超多野先饱既老公2个人去食,食到劲饱都只系$110左右埋单!近排仲有食$100送$50优惠卷送,最衰最近果次食左$96,只系获得$30优惠卷,要1个月之内用...不过唔紧要啦,呢个月放大假,我会同老公月尾之前用左佢,yeah!又可以北上!my lovely june!!!…查看更多

呢晚同一班同事上深圳食饭!!打电话 book 位, 竟然... 因为系星期 5 既关系, 所以 6 点前到既就可以 book, 过左 6 点先到既就无得 book :(成班人一收工就杀上去, 去到已经 7 点半左右好在!! o岩o岩有个箱房走左, 有房坐 :)一坐底就好肚饿, 快快剔左好多野....等左大约 20 分钟, 汤底到步!! 好香~再等左大约 10 分钟, 野食到步!! 开动~ 汤底感觉无小肥羊咁油腻, 比小肥羊清香...赞!鲜肉亦好新鲜, 赞!不忘一提, 如果早去既, 有免费豆浆送 (送完即止)豆浆味唔太浓 (免费嘛...哈哈)整体上, 个人觉得佢比小肥羊好味, 会再黎 …查看更多

环境方面因为呢度唔似小肥羊咁多人，所以冇咁嘈杂。:)其实打边炉度度都差唔多，汤底既蒜头辣椒味好浓，已经盖过晒其他味道，所以其实去小肥羊或呢度都系一样。除左普通火锅配料外，仲叫左几款小食：麻辣皮蛋：几香几好味。烤羊串：比较失望，冇烧烤味冇羊味，只系洒左一ｄ调味料o系面，得个咸味。:(羊肉锅贴：不过不失，虽然馅料唔算丰富，但外皮煎得几香。:)…查看更多

囡囡上次去食过，话唔错又抵食，仲俾咗 RMB150 蚊优惠券我，今日去完开平睇完碉楼返到深圳，一共 12 个老友一齐食餐劲嘅。去到离远已睇见大大个招牌，上二楼但无 12 人枱，于是将两张 8 人枱拍在一起，叫佐 2 个鸳鸯㶽，几碟前菜、羊肉片、牛肉片、烤羊架、烤羊腿、羊排、各样肉丸、菜、啤酒汽水等等。食物好鲜美又好味，酒水又平，抵食。总数 RMB 752 - RMB 150 优惠券 = RMB 602…查看更多

上几个星期 , 原本打算同朋友去乐园路食海鲜 , 但在巴士上见到个招牌 “羊门小将”都几吸引 , 又标榜健康内蒙火锅 , 就系咁就同朋友提早o左落车 , 试下呢间又有个 “羊” 字既火锅店 ( 真系唔明白 , 到底系咪国内D火锅店一定要有个 “羊” 字先会出名D o既呢 , 哈哈 ) . 上到二楼 , 环境可以算叫过得去 , 坐底睇完个餐牌之后 , 发觉价钱同火锅料选择跟其它连锁火锅店都无咩唔同 :(. 我就立即问o下个服务员点解你地叫健康火锅 , 点知个服务员就即刻叫o左个女经理过来 , 用超快既普通话同我o地讲 , 佢地o既汤底系不加味精 , 用羊骨加几十种配料煲十几个钟出来的 , 另外招牌羊肉系来至内蒙古的 , 多吃不燥热的 ( 坦白讲 , 我o地咁问得就肯定预o左佢系咁答 , 信佢啰 :)) .是晚火锅料及小食辣烤蒙古羊肉串 : 羊味100分 , 不过就超so , 顶得信先好叫呀 清汤锅底 : 真系好多配料 , 龙眼 , 大葱 , 蒜头等等 . 个汤好香葱蒜味 , 饮落好有羊味但系唔so㖞 ( 下次可以试下麻辣 ) 肥牛片 : 牛味算一般 , 落锅后缩水约一倍 ( 可能切得太薄 ) , 两块当一块食先有番D口感 招牌羊片 : 羊味十足 , 不so㖞 , 好啃口 , 奇怪地落锅后无咩缩水㖞 , 如果喜欢爱羊o既朋友 , 真系要试试 , 再俾D意见 脆肉鲩鱼 : 小心 , 好多细骨 , 好淡鱼味 , 脆感一般咋 :(贡圆 , 唐生菜同大支老青岛 : 贡圆好爽口 , 但味道一般无咩大惊喜 , 唐生菜卖相好 fresh , 最惊喜系大支老青岛只系八蚊支咋食后评语及注意 : - 1 ) 食得多小肥羊 , 可以试下呢间羊门小将作比较 , 价钱跟小肥羊平三分一左右 2 ) 有好多冷盘前菜 , 服务员会经常拿过来问你要唔要3 ) 酱油叫先有 , 因为佢地标榜不用酱油食鲜味4 ) 我地当时做紧优惠 , 食100蚊送30蚊 , 下次用 , 系几抵o既…查看更多