影片
旧式酒楼已不多, 好在在天水围有一间! 好喜欢点心车和点心大排当, 它们令我回到童年!!!! 这种酒楼是陪我长大的地方!!! 羊城的点心的味道和质素真的不算高级, 但拥有一种本土的点心味道和情怀!!! 我推介虾饺, 皮薄和用料足, 大大只又好味, 一笼仲有四只, 很满意和满足!!!!小龙包也很正!!! 皮薄多汁, 肉也很滑! 下次我要食多D! 叉烧包, 牛肉球,和肠粉也不错!!! 足料, 咸味适当, 又热辣辣! 肠粉的皮有少许厚, 但滑口!!甜品有雪"甲"焞椰皇!!! 超滑和有清香的椰子味, 甜度又适中!!! 食完想再食呢!!!价钱不算贵和服务都一样ok!!!!我推介这间酒楼!
继续阅读
入到天水围银座办点事，办好时经已是三点四十分了，有点饿又不想吃快餐店，来到羊城酒楼问下侍应仲有茶饮，佢答话可以坐但没什么点心了……算，都黎左饮啖茶都好。叫左几样野，唔知系咪无乜人落order，炒粉面同蒸点都系即到。雷沙煎堆仔，过气了，很硬而且只吃到油益味。菜软牛肉炒面，好味，面煎得很香口，牛肉松谂，卖相亦不错。雪菜肉丝炆米，米粉吸了雪菜水很入味，还保持硬身，有镬气，食到底略咸。小笼包，皮薄多汁，系羊城出名之作，加埋醋同姜一齐食，一流。甜品桂花椰汁糕，两种野摆埋一齐又ok㖞，有桂花香又有椰汁味，几好食。食物是有水准的，但侍应态度懒散，问野又唔答，算啦，都唔期望有咩服务。
继续阅读
人人一谂起天水围，都会即刻联想到「悲情城市」呢个label。其实今时今日香港通胀咁劲、深层次矛盾又多，区区老百姓生活唔多唔少都系悲情o架喇。不过如果以「民以食为天」呢个标准嚟计，天水围的确超级悲情，事关就算肯花钱，都冇好嘢你食；求其数几间(已经唔叫得做好嘅)连锁食肆，burger king、扒皇、牛阵、翠华、元气、味千、富临渔港、鸿星、意粉屋...通通都冇，呢啲咁平民级数嘅食肆，东涌、将军澳、大埔、上水、马鞍山区区都有，偏偏天水围就系连一间似样小小嘅都冇。全区最好嘅酒楼得间「美心」、西餐最高级嘅系「椰林阁」，想揾间连锁寿司舖咩? 得「元绿」，真系问你死未!所以如果有人问「有钱系咪大晒」，我真系可以好肯定咁答一句，响天水围，「有钱真系唔系大晒o架老细」。咁冇钱又得唔得呢? 咁又真系唔得，天水围区内消费相比市区「只有更贵、没有最贵」，望下市中心嘉湖银座『羊城』嘅点心价钱牌，完全唔系新市镇应有嘅价钱。奥运站成万蚊呎楼嘅住客同住嘉湖三四千蚊呎楼嘅住客，落屋企楼下饮餐茶消费水平竟然一样，你话唔悲情就假嘅。不过无计，贵都要帮衬，因为区内真系无乜竞争，所以区内食肆先可以又收得贵，又咁唔长进。「羊城」算系区内「无咁差」嘅少数酒楼之一，所以无论闲日定假日早到晚都系爆场。但系讲真，卫生、服务都近乎唔合格边缘...先讲个环境，其实间酒楼系传统大礼堂酒楼，仲间咗好多房，都算阔落嘅。可惜间酒楼跟随低级酒楼做法设「大排档」，仲不时叫咪宣传诸如「而家起各式煎炸点心特价$6.8，请去大排档取用」，大量食客(尤其系细路)就系咁捧住一碟二碟穿梭来往，平添混乱。每逢下午茶时段中段，即大约三点钟，店方就会突然熄去水晶灯；明明全场满座，但全店就无端端失去一半亮度，好唔尊重客人。再食多一阵，其他食客陆续离席，店员又会将已离席嘅餐台收起准备晚市，明明自己仲叹紧茶，转眼就会发觉身处孤岛一样，又系唔尊重客人表现。不过老实讲以上情况出名啲嘅酒楼都间中出现嘅，只好认命啦。环境一般，员工卫生同服务意识都非常一般。去得呢种屋邨酒楼都预咗自己动手用滚水洗下餐具，但求食物「无添加」(即系小强呀)就算。但有图可见，点心送上台次次张电脑柯打纸都掹一半唔掹一半，张纸仲要贴咗响食物上面，观感真系扣晒分。部长问开乜嘢茶，点寿眉结果来普洱。有冇上心? 冇。想落单、加水，经理、部长、伙记全部时运高睇唔到，有冇服务水准?冇。刘德华果句，唔打喇...再睇下笼虾饺，真系好想知个师傅点解可以接受到自己做事咁求其，边有可能四粒虾饺咁样摆设先? 四粒有三粒黏住蒸笼，你估个蒸笼好干净? 服务员唔带眼唔带耳直行直过都算，厨房出品嘅师傅好心就上心少少啦，成间酒楼职工(连部长)都求求其其唔想做咁款，所以话呢，无竞争唔单止无进步，直情令人唔长进。虽然弹咗咁多，不过食物味道同质素又畀「羊城」攞返唔少credits，真系畀佢吹胀。点心系好食嘅，传统港式酒楼口味，无花巧咸甜美点，无扮野矜贵食材，简单形容就系「稳打稳扎」。一间茶楼点心质素系点，试匀叉烧饱、虾饺、肠粉基本可以有结论。叉烧饱合格以上，部份叉烧㶶咗都照用影响味道有点可惜。虾饺唔计摆设的话其实相当唔错，大大只内含三四只小河虾，无腥味怪味，算得上新鲜。虾饺皮稍厚，仍属可以接受范围。叉烧肠粉相当滑溜，要赞嘅系并无出现无端端落大量芫茜嘅通病，好味好味好味道! 但系班师傅唔用心嘅情况又出现，叉烧粒半条有半条冇，撤得平均少少都求其，唉。黑椒牛肚同瑶柱节瓜甫同样有惊喜，牛肚够入味又稔，用黑椒调味比柱候更惹味，正。节瓜甫上肉球原来内含一只只虾肉，仲有大量瑶柱，真系估佢唔到。总结，呢间茶楼其实食物都唔错嘅，不过服务水平真系大陆级数。虽则区内无乜竞争对手(其他对手整体质素仲差)，但系呢个时代咁唔用心嘅食肆真系会被淘汰，以前新光、幸福楼、汉宝通通系前车可鉴，好心就争气啲啦!
继续阅读
又黎我最钟意既边炉夜, 食到好饱呀.其实都有好多野食, 唔够既话加钱另嗌野食都仲得, 不过我觉得唔驶加都够哂饱勒. 混酱: 乜都加D落鼓油度,如果有辣油更好呢饮品: 有酸梅汤,竹蔗水,豆浆,汽水等唔驶加钱任饮生串虾: 好新鲜, D虾肉又爽又坚实, 好味, ENCORE左两次(最可惜系每次都系跟人头送虾黎, 每人两只, 如果可以一次叫一打就好勒..)美国肥牛: 质数有D参差, 有D好肥, 有碟又OK瘦啰丸类: 嗌左蟹子丸黑椒牛丸福洲贡丸芝心丸, 质数OK啦.三鲜水饺: 几好炸鱼皮: 脆卜卜好好味本地滑牛: 我觉得好味过肥牛BOR, 几滑又够味水鱿鱼: 好爽口芝士肠: 街货货色肥鹅肠: 唔系肥不过好爽口呢龙岗鸡片: 几好味, 鸡都OK滑口豆腐卜: 两个人份量俾左一大兜...不过打边炉食豆卜真系好正菜类: 嗌左生菜同苋菜, 食左咁多肉要食返D菜既.$108星期六晚价钱仲已经全包(平日一至四$98), 真真正正$108任饮任食埋单食到肚仔涨涨走人.
继续阅读
虽然我同男友仔都仲算年轻 但系有时都钟意去茶楼食下点心 去亲都系黎呢间每次黎都必叫虾饺, 因为小妹实在太钟意食虾饺!! 呢间d虾饺大大粒又好食第2会叫小笼包 因为男友仔钟意食, 佢d小笼包都好多汁 而且唔会穿再第3就系会叫 佢既 招牌 灌汤饺, 里面料多又够包! 每次都叫成7,8样 落楼每人都只系100蚊左右! 物超所值又够包 环境又够舒服
继续阅读