羊城冰室 (已結業)

通常一個月，我都會幫襯下呢間餐廳兩次。 一直印象都唔錯。 但今日就完全中伏啦。透明既膠盒， 裝住大概只有約3分1，定4分1既例湯，（ 有圖有真相），真係連湯匙都慳番， 比阿小狗Billy，隊個口埋去舔，就差唔多。究竟碗湯係比人飲，定係比狗仔飲？盒乾炒牛河就仲happy， 瞓係咁寛敞既膠盒入面， 一d擠迫感都無，搖晃得好舒服。但係我食左之後，個肚，就明顯係，unhappy。徹底明白，咩叫絕對空虛。我舉手，我好肯定，無叫咩靚女瘦身餐。檸水就算啦。 係咁先， bye bye……

一班朋友聚餐食好西，介紹嚟羊城餐廳，冇諗過有隱世廚房高手，炮制咗一餐大家好滿意又好飽嘅晚餐，食材新鮮，鑊氣十足，份量足夠我哋10人嘅份量，需要預早一日通知老闆預備，又多一個聚會好地方

唔會再幫襯我叫咗個生滾牛肉麵，要出前一丁，個麵要爽！點知個麵嚟到一啲都唔出前一丁，唔爽仲要透哂，明顯係放咗係度好耐我就問落單個姐姐，我話個麵無落粉，佢九唔搭八咁話，師傅唔記得落薑絲，跟手就行咗去攞佢拎住兜薑絲同麻油過嚟，我再同佢講多次冇落出前一丁嗰個粉，佢死都係有大佬呀，唔同色咖，你有冇落，其實真係一眼就睇得出！最後因為個麵真係太淋，食唔到！個落單姐姐過嚟收碗嗰陣話，你食唔晒呀！我即刻忍唔住再同佢講多次.我要個麵係爽，你俾咗個淋嘅麵我，我話你無落出前一丁個粉，你死都話師傅有落！佢繼續講費話！大佬呀，$48食啲咁嘅嘢我唔好去食老麥

三個月冇來過因為食物質素問題，心想吃早餐，叫出前一丁反火腿炒蛋，應該沒有大問題！下單後玩手機，突然看看手錶，從安心出行計已經坐下近18分鐘，觀看四周很少人客。詢問店員已經等了很久，得出反應是問我可以下單了嗎，我説坐下不久已經下了單，所以店員都説冇，當我再大聲説出我的order時，那個員工就像如夢初醒翻看他手上的單簿，終於同我說對不起忘記了！我真的不會給他們第三次機會！

茶餐廳來說食物還可以，奶茶幾好，早餐及午餐味道分量正常OK，早餐沙爹牛肉面幾惹味，跟餐塊面包不是一般方包，而是丹麥多士。侍應服務態度OK有禮，唯有一貌似老板娘態度頗差，食得有點受氣，好難再幫襯。。。

今日試下午餐，有餐湯的，碗湯又凍又油仲要個好細嘅碗得半碗，同個貌似高級啲嘅女人講，你地個湯好少喎，佢話送架係咁架啦，仲要不停講幾次，真係多謝哂碗湯喎，再無下次！

食物質素：差，柴皮牛扒，勁薄，但又咬唔開服務：差，sale你入去就咩都話得，落左搭後話之你環境：正常，乾淨企理價錢：中上，性價比一般P.S. 門口職員推介88蚊牛扒套餐，餐湯今日係蘑菇白湯，自取外賣返到屋企打開包裝後發現無湯，即時打返舖頭電話，居然接聽個位女仕回覆(哦，咁點呀），我話咁你想點，佢覆（咁你自己落黎令囉），一間舖無咩生意原來真係有原因，茶餐廳生意本來係做回頭客多，但咁既經營手法就不敢恭維

新開諗住試下，叫咗個羊城海南雞，個飯正常，見到個雞，極度懷疑叫個個白切雞飯，諗住可能樣問題，點知一試，樣同味道都完全唔係海南雞嘅味，間舖以為比一碟泰式甜辣就似海南雞，連甜豉油無。湯，就比西式湯，味道正宗罐頭味！友人叫肉餅飯，正正常常無特別，起碼比海南雞有味道！如果佢寫無白切雞，真心唔會嬲！但寫明海南雞真心嬲左！應該唔會再試，真心覺得難食！

開業不久，因為住在附近，所以我比了幾次機會，除了早餐加熱食品以外。自家製午餐，晚餐，我都只是吃了不到一半就已經停，及到別家再吃！中伏經驗早餐 榨菜絲咸到苦，應該沒有作任何處理（除了洗淨）。午餐 椒鹽豬扒飯，豬扒超多，但一句講晒唔好吃下午茶 咖喱牛腩飯，薯仔硬，牛筋就像校波，咖喱味根屬一般。晚餐 咖喱雞扒飯加太陽蛋，比多一次機會，但係呢仍然冇味，雞扒好大塊，但只吃了五份之一…….難吃，旁邊的大叔客人，叫了同一個餐，雞扒吃了不到3分之一！停手及離開。油麻地，選擇多，這間店肯定不是我會在光臨的其中一家！