羅麥記 (青衣城1) (已結業)

早餐對我嚟講係全日最重要一餐，所以我每日都會早少少起身享受完一個靚早餐先返工，而我多數會選擇呢間喺青衣城入面嘅羅麥記嘆早餐，令我最享受嘅除左係一杯醒神嘅熱咖啡外就係佢哋嘅蕃茄湯米粉，蕃茄湯用料十足，除左有大大粒蕃茄肉外仲係好夠味好鮮甜，唔似其他食店好多都係無蕃茄肉而且無味無色用茄汁膽開水就算，價錢$42蚊我覺得幾合理，除左蕃茄湯好之外佢哋三文治亦唔錯，雖然話一件三文治好似好簡單，但都要師傅用心整得好先得，希望佢哋水準可以一直保持等我可以繼續享受我嘅靚早餐。

昨日試試呢間下午茶餐， 羅麥雞翼撈通粉配炒蛋加凍美碌， 瑞士汁雞翼入味， 好惹味。 但配上通粉有少少格格不入，如果通粉可以煮得煙韌少少， 唔好太軟身會好一點， 另外炒蛋都幾滑， 不錯。 下午茶嘅選擇都不少，都可以去試試。

之前已經去過屯門個間食晚餐，價錢唔貴而且有set,啱晒我地呢d小市民。今次探人經過青衣城，冇左大“*”樂，好在仲有間羅麥記。佢地都算有好多選擇，三點幾去到，有午餐set, 常餐set, 仲有茶餐可以選，都係快餐，茶餐廳價錢。今次係選左常餐，有野飲，蛋多士，茄牛麵都係五十幾，以係大商場裏面黎講，已經好超值。呢個茄牛麵，茄味比想中味道更濃，牛片易吃，多士唔淋剛剛好，而且呢間分店，地方都算寬敞，平日去都唔怕迫人，可以慢慢地食下野。

好幾次經過都想試食，但見門口擺有關扒嘅嘢就不了了之（個人不太食扒餐）。但哩次因爲人數比較多，而無需排太耐所以就選擇哩間食，地方夠大容納比較多人。好快手地選擇叫一個兩人餐再左拼拼右諗諗就落單。不過唔知係唔係我哋遲用餐嘅原因，想叫嘅幾個餸都無左，最後要侍應再等我哋重新諗一兩個（佢無落出不耐煩嘅樣，而係好耐心等我哋）好快地餐都逐一上桌，可能過左食飯時間上得好快手。啲嘢食都唔錯，小菜果啲都入味。扒餐唔係茶記果啲，都唔錯食。（以上分享純粹個人感覺）

Hum... we ordered two dishes of shrimp fried rice and Singaporean Fried Rice noodle.The rice? It is almost tasteless. The only thing that got some taste is the meat wool. For menu claims it has shrimp, dried shrimp and shrimp paste. Sorry! Not much was detected.The Singaporean fried rice noodle, hum... normal performance. But I mentioned to the waiter I need a small portion, and the portion is still too large. And after checking the recipes the waiter didn’t correctly jot my requirement down.So.

放工嚟到青衣城,朋友話這間是青衣城裏,食物質數算好嘅餐廳,所以決定去試。同宜家好多新餐廳一樣,裝修以懷舊為主,位同位之間都幾逼,隔籬枱講咩,都聽晒所以都較噪。但值得一讚嘅,係侍應姐姐非常好,原本我同朋友坐嘅係張兩人枱,準備想叫嘢食,侍應姐姐話宜家有卡位,問我哋想唔想轉,真係好為客人著想至於食物,我地叫咗個二人套餐,包兩個餸,兩個小食,湯和白飯,都係$188,仲免加一,都真係幾抵。京式鴨胸蔥油餅卷-皮太厚,冇蔥油味小食,秘製手撕雞,用麻醬撈,加咗青瓜,味度剛好菠蘿京都豬扒-酸酸甜甜,啖啖肉xo醬四季豆炒雞柳,微辣,有鑊氣,送飯一流整體嚟講,都唔錯

同朋友喺青衣城食飯，見到呢間餐廳既裝修好特別，好有懷舊氣息，就吸引左我地入去試！朋友帶左bb車，餐廳喺門口位安排左個位置比朋友泊車，呢點幾貼心，但係baby chair就唔係咁好用！食物味道一般，麵包𥖁有d滯，可能係我本身鐘意味道偏淡既食物，所以覺得食物一般，反而係餐廳環境幾特別！

去左青衣城睇完戲，去食個午餐。一入到去，d冷氣大到要轉位店內裝潢有香港懷舊風叫左3樣食物，冇叫到飲品因爲星期六d飲品冇得平個雪花西多必吃炒河辣得黎夠野味個炒蛋有d失望 吾夠滑食落味道普通

青衣商場大部份都係大集團餐廳，今日見呢間裝修幾特別就去試下，主要食比較懷舊式野食，今日叫左蝦多士，椒鹽鮮魷炒麵，同埋牛肉包薄餅同凍檸茶。先講蝦多士，好好味但略為有點油，夠脆，好少食到禁質素的蝦多士。再講椒鹽鮮魷炒麵，個鮮魷好好味，夠脆，個麵又唔淋,我鍾意。至於牛肉包薄餅就一般啦，唔會encore😂,好一般。凍檸茶個茶味都幾好，少甜都好味，茶濃。服務都不錯，侍應都快，裝修就比較特別，懷舊電影feel。都值得再去既。

羅麥記美綠牛奶包，真係一流。因為我好鐘意美綠、所以叫左美綠牛奶包試試。好足料呀！特別係啲花生醬好多唔會乾，如果美綠味可以重少少、濃少少，會再好味。另外在叫咗個韓式泡菜炸雞撈丁。我覺得泡菜撈丁好新奇、鐘意食辣既人一定好鐘意！因為個面係酸酸地，又辣辣地，所以味道配合得好正，食極都唔會厭。同埋呢個泡菜撈丁仲加咗啲炸雞，啲炸雞撈埋撈麵本身個汁，都好入味，所以我極度推介鍾意食辣嘅人，要試一試呢個，因為你會愛上佢。

有啲餐廳喺晚市都唔滿座，真係有原因的。夜晚落大雨所以個個都留喺青衣城，間間餐廳都爆滿，仲要勁多人排隊，然後我哋見到「羅麥記」完全冇人排，入面仲要勁多吉位喎。儘管之前曾經喺呢間餐廳發生過不愉快事件，但因為我哋唔想等，於是就諗住照食呢間。同企喺門口個男仔講我哋兩位，佢就帶我哋穿過一排吉枱，然後叫我哋同另一對男女夾份坐一張四人枱。我頓時黑人問號心諗：「成個場咁多吉枱，又有幾張吉嘅卡位喎，你要我搭枱？」於是我同佢講我哋想坐卡位，點知佢竟然拒絕，話飯市要3-4人先可以坐。跟住我指一指遠處一張卡位，問佢點解人哋兩個女人又可以坐卡位？佢個藉口竟然荒謬到話因為人哋係6點幾入嚟，所以可以坐。下？乜6點幾唔係飯市啦咩？乜你6點幾仲供應緊早餐呀？不過我唔舒服都費事同佢再拗，然後頭也不回就離開。其實如果餐廳真係爆滿，我都理解同接受要搭枱，但頭先已經8點，你間餐廳都係坐唔滿又冇人等位，你仲覺得你可以突然有好多個4位以上嘅顧客入場咩？同場加映：丼丼屋、元氣、天丼、茶木、南記、101台灣料理全部都係企滿人排隊。顧客唔係永遠是對的，但你冇生意仲要趕客就真係好正

早排清明節假期，晨早要去亞洲博覽館參加清明祭祖法會（機會難逢，感恩老公讓票給我出席！），趁著到青衣港鐵站轉機鐵線，先去青衣城找吃的。原本一心想去大家樂吃個快餐，以免誤了入場時間，可惜去錯地方。找著找著，見到有一間茶記，門外有早餐牌，入面又有人，便立刻進入坐下。第一次去羅麥記，看裝潢，走「特式地道茶餐廳」模式，即係唔會平得去邊，但當下最重要填肚走人，不能再精打細算。還好我叫的是鮮奶麥皮，配炒蛋和迷你牛油餐包，連熱餐飲☕️$42。唔算太貴，總較去到博覽館飲貴價咖啡、硬吃高檔麵包來得化算點餐後有大衣夾夾著發票，方便客人結賬，是方便之舉味道方面，麥皮濃淡適中，有香味，冇預先加糖，鑽。炒蛋夠熱，8成熟，配牛油小餐包，好味，夠飽。餐巾印上寶號，表示注重形象。把更多心思放在提升食物質素和服務上，對提升店子形象有實質幫助呢

下午茶由2:30開始，下午茶餐由$28起到$48，炒粉麵就$46，個價錢都配合返喺商場入面嘅茶餐廳嘅價。所有茶餐包熱飲一杯，凍飲要加$6，就略嫌貴左點。叫左美極干炒牛河，牛河夠穫氣，牛肉都好食，唯獨是一啲美極味都食唔到。另外餐飲杯熱奶茶，茶味唔夠，仲有好大進步空間。

今日要遠征迪士尼😎入園前特登早d落青衣食個早餐, 食飽再出發 ☝🏻 青衣商場都多嘢食, 但啱啱過左十一點唔知仲有冇早餐食... 忽然睇到羅麥記早餐牌仲㨂喺門口, 就衝左入去🏃‍♀️我叫左個炸菜肉絲米線, 熱奶茶, 男朋友叫左五香肉丁公仔麵🍜賣相同味道都一般啦.. 老實講都唔係預期會好好食, 最好笑男朋友話佢個五香肉丁真係得丁咁多 食完之後覺得, 其實快餐店d早餐都幾好食😂 咁公道d講句, 我食過其他羅麥記分店嘅午餐同晚餐比較好食嘅😌

平日到青衣站都是選擇飲茶，星期六又要嘗試改變，一間看似懷舊戲院的茶餐廳"羅麥記"，裏面最吸引我的是牆上那"全院滿座"的虹光管，令人懷緬昔日拍拖去戲院看戲時光，可是其他牆上劃的明星真的很醜很醜😂不知是否肖像權的問題？服務員在門口不停提醒進入的顧客，今天是沒有下午茶和各式套餐……知道啦！ 無所事事吃少少嘢咋點了蕃茄濃湯牛肉公仔麵、乳鴿、蜂蜜紅豆西多士，湯夠濃有罐頭茄加新鮮茄混合味，但煮過久的牛肉很硬，乳鴿普通不過不失，最欣慰還是西多士夠熱夠脆，配合甜甜紅豆清淡蜂蜜加牛油如果平日來下午茶的話應該好扺吃。