羅麥記 (青衣城1) (已結業)

今日去完迪士尼玩到謝曬皮，原本諗住係openrice拎定飛先，點知原來冇得拎。咁就直接行入去睇吓先好彩唔洗等好耐，去個廁所返黎就入得👏🏻食物肉燥雞翼台灣腸飯一上黎個飯其實都唔熱，咁樣就餵小朋友方便，可以一黎就可以食。如果台灣腸熱食就好味但我餵細佬唔記得食先…餐湯應該係南瓜忌廉湯，2個仔都話好味😋芝士白汁焗雞扒飯原本係舅父食，點知2隻仔見到舅父個好食又去食人哋個餐😮‍💨不過相比起，焗飯熱得好耐！啲芝士白汁撈飯真係無敵😂2個食晒舅父個飯….海鮮炒烏冬炒烏冬都係要用x噹個啲烏冬！彈牙好味！環境呢到真係好夠冷氣！我老豆呢啲熱血男士就話好涼爽，我同我媽咪就要著外套…地方都好夠大，我哋一行6人，好彩唔洗等好耐都有4+2枱坐！服務其實啲待應哥哥都幾好丫，可能人唔多…佢哋見到我地有小朋友，都主動問洗唔洗要bb櫈，又拎多2套碗俾我哋…同埋有啲餐星期一至五包野飲，星期六日唔包 ，都有同我哋講要以正價計

今日係平日，約咗朋友仔食早餐，去到青衣城，估唔到早餐時段居然要攞輪候飛。好彩都只係等咗一陣就可以入座，仲俾我哋坐到卡位。早餐選擇都幾多，最後揀咗粟米火腿通粉轉公仔麵，腸仔炒蛋配餐包，熱奶茶。其實食早餐，冇乜要求嘅。不過估唔到個公仔麵上枱嘅時候好有驚喜，因為見到好多好多粟米🌽。炒蛋腸仔三包都係正常嘅，佢嘅餐包幫手搽埋牛油，唔使自己搞。不過佢個奶茶就差少少，我覺得偏苦。雖然都有啲人等位，不過我同朋友談天說地，都沒有侍應趕我哋走，我覺得服務不錯。

難以相信呢碗仔魷魚圈原價$50, openrice 特價$28其實$28 我都覺得有少少overprice, 我當比外賣落單手續費味道正常，魷魚圈好瘦小，整體係街頭小食店質素，不過係冇咁油既不過服務員員態度良好

今日叫咗兩份牛扒早餐，有兩隻雞蛋、大塊牛扒，加一個餐包，配埋杯香濃奶茶。塊牛扒色澤均勻，睇得出廚司落足心機煎，不是求求期期，唔會因為收得咁平而交行貨，超好味！入口甘香，未食過咁好味嘅茶餐廳早餐。奶茶都係飲過最好飲嘅奶茶，好香茶味，非常之滑，入口回甘，令人回味無窮，一試難忘，必飲之選。雞蛋煎得唔油，好乾身，最怕啲蛋煎到油淋淋，呢間唔會咁，非常好。個餐包好鬆軟，非常新鮮，唔會乾爭爭，我鐘意食。總括來講，高水準早餐。

在青衣城覓食，朋友看到這店在下午二時仍要輪候座位，說食物水準應該不足，就決定在這兒吃午餐。點了一個午餐，煎蛋肉醬焗飯$62，加$18把飲品轉成特飲黑牛。焗飯一上桌，已傳來香噴噴的味道，放在上面的煎蛋，令人食慾大增。試一口，果然不負所望，味道很好。這飯分量很大，和我同行的年輕人吃了，也說飽得不得了。至於黑牛，朱古力雪糕加可樂，是消暑妙品。另點了一個下午茶，美極乾炒牛河$46 ，加$3點了凍檸檬茶走甜。這乾炒牛河好處是不太油膩，河粉和牛肉都很多，不足的是鑊氣不夠，牛肉沒什麼味道，而且有點柴。至於凍檸檬茶，茶底不苦澀，檸檬很多，好喝。這店賣的是茶餐廳的食物，環境則比茶餐廳好，當然，價錢也比茶餐廳略貴。服務也不錯，朋友請侍應給他開水，侍應送上時提醒朋友開水很熱，最好放一會兒才飲用。

諗住順路去 Sky100，咁就 stop by 羅麥記食個午餐先（之前食過葵芳果間，都正常呀，點知呢間瀨晒嘢）到咗門口，有兩個員工係度吹水，我心諗：唔緊要啦，返正太太and公主去咗廁所，我又要 d 時間寫紙仔。寫完，諗住佢地會問我幾多位，我望住佢地兩個，佢地就繼續吹，之後我就問「唔該，係咪自己搵位？」。其中一個就答我「入得ka la！」。咁我咪入攞，行入少少佢又問我「幾位？」。我答「3位」。之後佢話「3位… 未有住wor！」。我當時O咗嘴，轉頭問佢「咁你又話入得？」。佢無答我，逃避我嘅眼神，走咗。之後我咪出返去門口等位law，但全程無比 number我。之後黎咗幾 group人，有一group自己入去，比另一個員工叫佢地起返身，要執枱。我見佢地當時都呆咗。之後有個好似「經理」嘅人出返黎，開始問入去嘅人幾位。之後太太and公主去完廁所返黎，我太太問：未有位咩？ 我就同太太講返發生咩事，之後果個「經理」聽到，就過黎問我係咪 3位？ 我問佢「頭先果兩個你 d 同事黎？」呢位經理解釋咗兩句。坐低睇完Menu諗住嗌餐，見到有兩個女員工係度吹水，咪舉手諗住嗌餐囉，點知又係顧住傾偈（好明顯見到我都係

青衣呢間港式茶餐廳，係青衣城商場入面，比較新式企理D既，當然比出面街既茶記會貴少少，但坐得舒服D。入面既裝修都好有港式味道，水準亦唔差，我通常黎食早餐都會叫沙爹牛肉公仔麵＋火腿炒蛋餐飽($42)，仲有飲杯茶走(香滑甘甜），咁耐都keep得住水準！抵讚👍服務快速到位亦不失禮貌，可見訓練有數💕大家如果係附近唔知食乜野都可以黎試下！

係青衣城，早餐有得食沙嗲牛肉麵既地方唔多，羅麥記係其中一間。食返個沙嗲牛肉麵 配 火腿炒蛋火腿炒蛋，個炒蛋整得幾好，係有厚度，外面望落去熟熟地，但內裡係滑蛋。火腿都正常，唔係油淋淋。沙嗲牛肉麵，先係個公仔麵，煮得岩岩好，唔會太淋或太硬，沙嗲牛肉個汁唔係一patpat ，沙嗲味一般，啲牛肉都夠淋。湯底都唔咸，所有野加埋好食。熱檸檬茶，哩杯茶，我鍾意呀！夠茶味，檸檬唔澀，係茶餐廳既靈魂之一呀！成份早餐，整體既水準都係幾好。

無骨海南雞飯 $65蝦多士（5件） $60推薦指數：6.5/10海南雞飯不過不失😂份量都算多 雞肉都嫰滑👍不過就無乜味 好在有3種醬料點 特別推薦泰式甜酸醬 點完惹味好多！🤩💕 蝦多士就真係一般般 雖然望落去幾大舊 但係面包佔左九成😅而且蝦餅既部份又薄又冇味 係炸得幾脆口既 但係就好油😳😳所以5推薦點呢個都係周記既蝦多士最正😻😻👍👍🔅🔅🔅🔅🔅🔅🔅

🎬戲院重開，終於可以入場睇戲啦！星期六場次好Full，所以今次就來到人流較少的青衣城。第一次來這個商場，原來都有不同的餐廳，今次試吓聽聞已久的羅麥記。☕飲品 (5/10)：熱菜蜜、熱奶茶微暖，如果更熱就好。🍚白汁焗雞球飯 (6/10)：白汁偏淡，雞球軟身易咬算大件，白飯份量剛好，整體味道一般，不會太膩。🍝煎蛋肉醬焗意粉 (6/10)：意粉用茄汁撈過，可能因為沒有芝士一起焗，口感與普通肉醬意粉分別不大。🏞️環境設施 (7/10)：室內設計走懷舊香港電影風，燈光微暗用以營造氣氛。🤵服務質素 (7/10)：店員態度有禮，上菜速度正常。😋回頭率 (6/10)：比一般茶餐廳貴少少，但環境尚算舒服。

港產片為主題的茶餐廳。🥢紅豆蜂蜜西多（$32）：牛油在剛炸好的多士上融化，配上蜂蜜好好味，只是紅豆饀偏甜。🥢瑞士雞脾煎蛋飯（$65）：雞脾滷得入味，但整個飯欠汁，所以有點乾。🥢小忌廉紅豆奶茶（$38）：一大堆忌廉放在奶茶，加上茶味夠濃，撈埋幾好飲。由於紅豆同忌廉本身甜，所以奶茶可以走甜，咁就唔會太甜lu~

位於青衣商場的羅麥記以特色戲院裝修茶餐廳為賣點, N年前食過, 今日去開青衣, 順便跟朋友來食個下午茶餐。全院滿座全餐廳以香港電影海報及電影主角海報作裝飾, 似向本土電影界致敬, 特式餐廳。一般茶餐廳嘅美食都有, 另加大排檔小炒, 晚市的大排檔小炒比較多款式供選擇。xo醬炒腸粉呢碟師傅落得好重手, 越食越鹹, 頗油膩, 腸粉係好食嘅, 彈滑, 不過真係好鹹同好油, xo醬本身已經有味道及油份, 炒時可以減返下油及有鹹味的調味品比較好。乾炒牛河牛肉分量可以, 唔會話得兩三片咁搶錢, 入口有牛味及咬口, 冇話用梳打粉醃到腍滑但冇曬牛肉味, 牛河炒得乾身夠鑊氣, 好香口, 調味不錯, 鹹甜適中, 唔太鹹, 河粉亦爽微彈, 整體不錯。跟餐奶茶朋友話冇茶味, 我覺得可以接受, 不過就唔夠茶香及濃滑。

餐廳冇嚴格執行限聚令,任由人客四個,六個一枱,冇隔離1.5m... 有隔板亦沒有作用,人客直接靠在旁邊親人或朋友耳邊,除低口罩高談闊論,令其他人有不安感覺。☹️☹️

今日去咗青衣城，想快快趣趣食個簡簡單單嘅午餐，行咗一圈，就揀咗呢間餐廳。入到去自己揀位坐低，冇人帶位，冇問題。想落單，員工行過五、六次，叫佢哋係完全冇反應。終於有個員工肯停響我面前，我落單，佢一粒聲都冇出過😅。我後加一個奶茶，同樣遭遇😳叫咗「椒鹽豬扒飯」，豬扒好鹹，味道一般；米飯乾身冇黏性，醬汁好少，難食。味道較好應該係杯熱奶茶，幾滑。咁呢間餐廳有冇優點？有：1. 我坐近水吧位，聽到廚房員工一邊工作一邊傾偈，全程炒蝦拆蟹粗口滿天飛，氣氛熱烈熱鬧溫馨，讚👍2. 門口收銀姐姐好好禮貌，佢可能係全間餐廳唯一有禮貌嘅員工，讚👍

因為疫情關係，又唔可以多個兩個人一齊食嘢，所以外賣返屋企食。有好多餐廳都食過，所以試吓羅麥記。好像周圍都有店舖，好像好出名，價錢比一般茶餐廳貴都唔介意。買返去試試看，好像有點中伏，炒飯是炒到一粒粒的，但沒有什麼味道，蛋炒到好鞋，叉燒就有數啦，比較少，同價錢不符。炒河甜甜地，唔乾，但係每條河粉仍然一條條黏埋一齊，有點兒失望，比一般茶餐廳還要差，牛肉也不硬，但沒牛味。只此一次，下不為例。