影片
食家推介
去金鱼街买完野行去隔离街揾餐厅食下午茶，无意中发现呢间喺花墟出名价格亲民嘅西餐厅喺度开咗分店😳下午茶款式偏向西式，大多数都配有牛角包🥐🔸日式豚肉炒乌冬最衰我今朝食早餐食过牛角包，所以唔考虑有牛角包嘅餐啦🥲呢度用Qr code 落单，可以自选走洋葱🧅或者椒，乌冬质地烟韧，颇入味但咸左少少 ，食到底会见到好多油。🔸酥炸软壳蟹汉堡配薯角男朋友叫😁平时去cafe食个汉堡包都百几蚊，呢度唔使$100就食到 ，好似$71 ，软壳蟹大只呢！🔸忌廉浓汤稻庭乌冬配蜜糖猪仔骨牛角包男朋友妈咪叫。佢大赞呢度嘅下午茶唔贵而且配搭几特别，下次会再嚟！
继续阅读
今日去到旺角，两点几先至揾嘢食，咁就行到旺角天桥下面有一间红桥餐厅，见入面应该都几舒服咁就同朋友一齐入去食迟来的晏啦，坐落原来都系用手机落单嘅，咁就好快噤点咗两个午餐同埋一些小食加饮品，朋友就点咗个忌廉浓汤稻庭乌冬配蒜香蜜糖猪扒加牛角包，再加20蚊嘅烟三文鱼蜜桃沙律，西汤；我就点咗墨鱼汁海虾烩意大利饭，西汤，加18蚊点咗芝麻虾多士，再加22蚊点咗蜜椒单骨鸡翼，重有两杯热柠蜜送！啲餐嚟晒嘅时候，真系两张枱都摆到满晒。首先个西汤系忌廉蘑菇汤，饮落都好creamy，唔错！至于个墨鱼汁海虾烩意大利饭，啲海虾超爽口，每粒饭都索满墨鱼汁，如果啲墨鱼汁浓味一啲，就真系完美啦！芝麻虾多士跟炼奶，食落爽脆，虾胶淋滑，值得推介；而那个蜜椒单骨鸡翼，都外脆内软，仲有肉汁，做得很好！至于烟三文鱼蜜桃沙律都算新鲜，如果多几片烟三文鱼就更好！忌廉浓汤乌冬嘅乌冬爽滑弹牙，十分之合我口味，值得一赞！蒜香蜜糖猪扒，睇落干咗啲，但食落都算淋滑，仲有少少脆面！个牛角包就中规中矩！全部埋单，二百蚊有找，真系超抵食！餐厅坐落舒服，冷气好够，服务亦相当之好，值得一试再试。
继续阅读
同阿女去花园街买嘢，经过红桥餐厅，见到门口餐牌精选套餐好抵食，咁啱我哋未食晚饭，一于入去食返餐！套餐有前菜、餐汤、主菜、热饮。用QR code手机点餐好方便。前菜系巴拿马火腿杂菜沙律，沙律菜新鲜够爽甜。忌廉蘑菇汤，口感顺滑，味道浓郁。黑松露忌廉汁海虾带子烩意粉，海虾大只爽口鲜美，还有好多带子粒，黑松露忌廉汁，香浓惹味，用来伴意粉十分美味！ 凡惠顾主食或套餐可以优惠价食小食，蜜椒单骨鸡翼，鸡翼皮脆肉嫩，沾满蜜汁甜甜的，越食越好味！餐汤除咗西汤，重有中汤选择，节瓜汤够火喉，足料香甜。西班牙汁芝士鸡扒焗饭，鸡扒超大块，肉质鲜嫩，芝士多到可以拉丝，西班牙汁伴饭好惹味！经典红豆冰，红豆够多又林甜。奶茶红豆冰，多咗奶茶香味。
继续阅读
今次晚餐 想试新餐厅大约晚上八点入座 不用等位也蛮多人的——价钱方面：蒜香蜜糖猪扒伴蛋包饭$86西班牙汁芝士猪扒焗饭$78蜜板单骨鸡翼(6 只)跟餐加$22热杏霜跟餐$0冻柠水跟餐加$3——评分：包括(味道、价钱、环境)蒜香蜜糖猪扒伴蛋包饭3.5/5分西班牙汁芝士猪扒焗饭2.5蜜板单骨鸡翼(6 只)4/5分热杏霜2.8/5分冻柠水3.5/5分价钱性价比4/5分环境3/5分地理位置方便度4.5/5分服务4/5分——整体不错喔
继续阅读
经常去旺角，都唔知有间咁抵食嘅餐厅！呢度食嘅野同一般Cafe差唔多，但系价钱就差好远。同样系意粉/意大利饭个D,呢度一百蚊内已经有一个餐，包饮品之余，仲包餐汤同沙律！平时cafe加杯饮品都起码$30！环境方面，餐厅空间感十足，枱与枱之间都分得几开架！食物方面，我地两个人就叫咗两个餐：黑醋蜜糖猪扒配蛋包饭、黑松露忌廉汁海虾带子意粉，一个中汤，一个西汤。两个汤都觉得好足料，唔会饮落觉得咸同多味精，感觉好健康。西汤入面仲几多蚬。猪扒超大块又厚身，加左黑醋少少酸酸地唔油腻。黑松露意粉黑松路味好香浓，见到都有唔少黑松路痴喺意大利粉上面😍🥰 海虾都好大只好爽口。小食方面加咗蜜椒单骨鸡翼，好好味！即叫即整，好脆，热辣辣，蜜糖味好正😍😍再加左$10叫左红豆冰，嚟到𠮶阵吓亲，因为好大杯！奶味浓郁，椰奶好香。值得加$10食左咁多样野都系$200有找，食到好满足🥰
继续阅读