繼 (已搬遷) 新店位置

離開工作咗11年既公司，決定畀自己沉澱下，諗下將來，再重新開始，今日老闆請食farewell 午餐，繼係我哋新發現既一間喺荔枝角區比較高級既餐廳，午餐價錢超抵食，日式裝潢，感覺舒適，今次我哋㨂咗鐵板燒，感覺鐵板燒比日式壽司更抵食。前菜係溫室野菜沙律，非常新鮮蔬菜配埋沙律醋好開胃。師傳喺你面前即時制作食物及講解食材，非常專業又細心。第一道菜，銀鱈魚，魚質嫩滑，非常好味，魚皮煎到好似薯片一樣脆香，另一番風味。第二道菜，法國鵝肝，份量唔太少，而同煎得剛剛好，外脆內香，個人非常喜愛。第三道菜，美國特級牛柳或肉眼薄燒，我㨂咗牛柳比較有口感配蒜片一齊食好香，當然唔算好靚既牛肉所以不能要求太高，同事既肉眼薄燒包住好多蔥蒜又係另一種口味。套餐仲有炒野菜及焦糖多士，我掛住食忘記影相，最後仲有炒飯，麵豉湯同甜品，已經非常飽了。哈哈⋯最後都要多謝老闆請客。

6月特別的日子❤️ 要食餐好！最後簡左［特上活龍蝦鐵板燒］$2180！一間房3枱客都叫呢個set! 好吸引前菜： 入口清新爽好，螺肉脆口 廚師開始燒之前比客人影相，我哋呢隻龍蝦好大隻 仲有北海道帆立貝，銀鱈魚，日本響螺！ 全部都好新鮮日本響螺：口感爽脆，味道剛剛好帆立貝：加左清酒，好甜飲哂d水好正！活龍蝦：超好彩勁多膏，入口香肉質甜A5鹿兒島野崎和牛 厚燒： 好香好濃牛味！食左2粒有點膩🤣 可能食得太多啦！和牛粒炒飯😋 實在太飽，食唔哂有點浪費炒芽菜：最後食減減油膩感有搽茶味/ 豆腐味簡，兩種試下，如果喜歡清清地可以簡豆腐，搽茶控推薦簡搽茶好濃味！補張廚師鐵板燒吐司！ 喜歡睇住廚師料理😍😍

同事一有時間就會與老婆前來這餐廳食lunch，這餐廳除了有廚師發板外，還會有鐵板燒，他說lunch的質素不比dinner遜色，但重點是價錢比dinner平，所以就趁著我生日的那天向公司請了一天假與另一半到來食birthday brunch，而鍾情sashimi的我當然揀選了壽司啦😝餐廳明確地分開了壽司魚生及鐵板燒區，我們被安排坐了壽司bar枱，店員遞上毛巾給我們抹手後就開始點餐，最後我們均點了「手握壽司定食」，但我的是15件，而另一半的是12件，定食還附有季節沙律、日式蒸蛋及麵豉湯。沙律非常清新，配了鮮蘆薈及沙律汁非常開胃；當天我沒有吃早餐，所以於食壽司前有份日式蒸蛋先暖胃，真的非常合我心意，而且蒸蛋也很嫩滑；而15件的壽司定食款式與12件的是一樣，只是額外多了有3件，包括有左口魚、深海池魚王、針魚、野生油甘魚、帶子、秋刀魚、中拖羅、大拖羅、春魚、赤蝦、黑龍、鰹魚、鯖魚昆布漬、鮫鰈魚及三文魚子海膽飯，壽司非常鮮味，每一件都令我有幸福感，最有印象的是拖羅，大拖羅比中拖羅的油脂更多，更肥美鮮甜，真的齒頰留香，好可惜另一半的12件壽司定食沒有包含在內😂最後店員為我們送上麵豉湯，為這餐畫上完美

雖然香港仍然籠罩在一片疫情和經濟不景的陰霾下，得到朋友的介紹，我來到荔枝角的「繼」日式料理餐廳嘗嘗日本菜，作為沖喜也好，作為自我獎勵也好。日式鐵板燒的好處是沒有韓式燒烤的濃烈油煙，一切淡淡然。來了個極豐富的套餐，繼有嫩滑而富質感的燒牛柳，粒粒皆好味炒飯，各款新鮮的海鮮刺身，皮香肉脆的燒銀鱈魚，肥而不膩的黑豚肉，還有爽口彈牙的清酒蛤......當然最後少不了美味可口的甜品啦！吃完了一頓無比豐富的套餐後，回首前塵，憧憬未來，我仍然對香港的未來充滿信心的，繼續風光吧！！

疫情開始有轉機，適逢老友生日，大家決定吃個像樣的午餐慶祝下，於是選擇了位於茘枝角D2的日本餐廳~”繼” , 朋友說，相信要再等一些日子才有機會去日本，所以來鐵板燒一下，食咗當去咗⋯⋯店名以”繼” 命名，日文: “TSUGU” , 日本意思解作”下一個”, 聽師傅說，由於日本字是沒有繼續的繼字，據師傅解釋，而TSUGU 日文有承傳的意思，相信店主是希望將這門藝術，傳揚下去，發揚光大。店內分為兩部份，大廳為兩張鐵板燒枱，由於疫情關係，每兩三位置設有隔板分開。而另外有一大張 壽司Bar 作為 Omakase , 還有兩間獨立的八人房，可獨立或打通之用，由於當日已有很多食客，筆者未敢打擾拍照。店員服務彬彬有禮，一坐下來，便看到桌上放有精美的口罩夾，相當細心，一讚。沙律菜上，除了基本的日式沙律醬醋外，還有筆者喜歡的蘆薈粒，感覺清新健康。手握壽司午餐十件~$290一放下，店員已細心介紹每件壽司，奈何與友人太耐冇見，大家喋喋不休，沒有細心聽店員介紹⋯⋯壽司整體來說，相當新鮮，下次可以過來 Omakase 一吓。龍蝦午餐鐵板二人前$880~作為鐵板燒，除了食物本身的質素外，師傅的技巧是相當重要。由於與

🍴特上活龍蝦鐵板餐(二人前) $2080.食完前菜同沙律師傅就拎左我地嘅海鮮比我地睇下💁🏻‍♀️分別有活龍蝦、北海道帆立貝、銀鱈魚同埋日本響螺😆.喺師傅開始整海鮮同時我就食住極上刺身三款先(+$150一人份)，都幾新鮮不過冇乜驚喜👌🏻.首先食銀鱈魚🐟魚肉肉質細嫩，不過略嫌呢舊油脂唔夠，煎出黎唔夠香～而值得一讚嘅係魚皮煎得非常香脆，直情好似食薯片咁👍🏻😆.北海道帆立貝係珍寶size好厚肉，大概七成熟左右好鮮甜👍🏻🐚.而日本響螺口感爽脆，佢本身味道清甜但比較淡味，主要食到好香牛油味～.活龍蝦都幾鮮甜仲爆晒膏🦞.食完海鮮就到A5鹿兒島和牛🐮我揀左薄燒，配上香蔥蒜片一齊食幾惹味不過牛味唔出～.整體中規中矩，冇乜驚喜，不過勝在節日冇mark up感覺上抵D🤣今次情人節正日都冇比人Gur到一頸血～有機會會試埋佢嘅sushi🍣

午餐鐵板燒一人前 - 松 $288+10% service charge 溫室野菜沙律法國鵝肝銀鱈魚美國特級牛柳炒飯炒野菜麵豉湯配茶/咖啡/甜品我呢個小胃人，飽到反艇，呢個價錢食到鐵板燒仲要咁飽，抵！ 鵝肝外層香脆，內層肉汁豐富嫩滑，方包被烤脆，承托住鵝肝，吸走多餘油份，但夾埋鵝肝一齊食一樣咁正，但就真係會濟，我就係蠢左成舊食曬，😂然後第一道菜已經開始飽銀鱈魚基本都係香滑，但另外將外皮燒脆更香口牛柳反而有啲失色，些許過熟導致韌口炒飯真係粒粒分明最後有個焦糖多士一定要食（sorry無影到），將糖炒到變焦糖，過程已經香味撲鼻，然後燒落塊多士到，香甜香脆，雖然邪惡但不得不吃！順帶一提，😤食完少許油煙味都冇！

第一次係香港食鐵板燒😋 與友人叫左個二人餐，再加左份sashimi同清酒前菜是沙律🥗和螺肉，味道不錯另加的sashimi：水八爪魚、油甘魚及左口魚。非常鮮甜好味！！好大隻鮑魚！和牛雪花分布平均👍🏻👍🏻白甘鯛非常新鮮好味！魚皮油炸處理，再蒸熟魚肉，配以枝豆薯仔調配的sauce，十分夾！帶子鮮甜，seaweed soup係可以飲埋👍🏻鮑魚新鮮有咬口！鵝肝多士！超級好味道！鵝肝油份滲透係多士上面，油而不膩！和牛係全晚高潮！medium rare，入口即溶，全部冇筋，非常好味道！最後有炒烏冬同炒菜～但已經太飽了買單2千幾蚊兩個人，食物質素好而服務又唔錯，性價比都算高！我見有幾百蚊午市商務套餐，下次可以試吓🤤🤤來食之前仲擔心油煙味，不過可能我地唔係坐正係個鐵板前面，所以都冇話好大陣味🧐

同同事一齊去食餐好， 真係食得好好！ 食開鐵板燒都知價錢有返咁上下，但質素唔一定成正比。但呢間絕對要encore. 我點左帶子，魚，薄和牛。先來頭盤沙律，調味醋岩岩好，唔會太酸，醒神開胃。先上魚，皮好脆，魚肉超滑，入口即溶。帶子剛熟，非常多汁，唔un唔腥。和牛冧而不肥，包滿䓤花，入口香而不膩，再三回味。食到炒飯，其實已經超飽，但唔明蛋炒飯點解可以炒得咁咁咁好食，粒粒分明又有蛋香。再送上不一定會整既沙糖多士，唔食牛油我都食左半件，好香脆，做壓軸真係冇錯。午餐性價比超高！

第二次來的！之前朋友帶我嚟呢度食個lunch，唔使$300覺得好抵，今次朋友生日所以来試一試過晚飯不過可惜7:30準時嚟到龍蝦同埋蟹都冇晒啦，咁就轉左賴尿蝦唔使加錢！第一次鐵板燒賴尿蝦！其實呢個價錢我就覺得幾抵嘅，因為好飽啦同埋啲嘢食都好味！環境雖然都係普普通通，但係始終呢個價錢係食物同埋師傅嘅技巧我都覺得值得，咁如果你要環境都好舒服就唔係千零蚊左右囉！我除咗order咗個二人餐，還order咗三杯酒，埋單大約$2500到兩位！服務都算周到師傅都好nice有講解點樣食法。我應該會再幫襯有機會試吓壽司嗰邊

星期日三人行突然想吃壽司，打電話預定位置可惜已滿。沒關係改吃鐵板燒。以往只吃晚市，第一次享用午餐，鐵板燒午餐有兩款，主要不同是一個吃鵝肝，一個吃蝦或帆立貝。我跟友人各點了一款。再加$98吃是日刺身及$450燒賴尿蝦。先來前菜沙律，是基本的菜沙律。再來是日刺身，有吞拿魚、深海池魚及油甘多。強烈建議加錢吃刺身，不但好吃而且比晚上吃的更抵食，推推推。當中最愛深海池魚。在品嚐主菜時，師父預備了焦糖多士給我們。甜甜的好香脆。之後就是燒鵝肝及凡立貝。。。由於太投入美食，忘了拍照。就用文字代替。先說鵝肝，大大件，烹調得外脆內軟，而且沒有油膩，吃下滑身又香濃。推推推。至於凡立貝，煮得剛剛好，淡淡的鮮，跟鵝肝是一剛一柔。喜歡濃味的可選鵝肝，喜歡清淡的可選凡立貝。再來說是雪魚，很滑，沒有過多的調味，吃到雪魚的甜滑感。魚皮煎得香脆。師父推薦賴尿下，剛好有貨就試試。鐵板燒的做法跟中式烹調的賴尿蝦很不同。肉質是明顯的分別，日式鐵板製作的蝦肉咬下很柔和，軟軟鬆鬆跟中式的彈牙實肉感很不同。板鐵師父製作不會過分調味，保留了賴尿蝦淡淡的蝦味。值得一試海鮮後到肉食類，友人點了牛柳粒，剛好五成。我點了薑蔥豬肉卷（薑蔥減半）

[🇭🇰香港- 荔枝角].🔻之前嚟食過鐵板燒都幾唔錯,今次食佢哋嘅omakase!12件壽司有金鰣鯛,油甘魚,深海池魚,鮫鰈魚…師傅亦都好有心思,有啲配搭其他地方唔覺有, 好似大拖羅配豉油籽,赤蝦配炸過嘅細蝦; 我哋另外仲加咗當造嘅秋刀魚同鮟鱇魚肝,一條秋刀兩食-刺身同壽司,魚味濃可惜唔夠肥;鮟鱇魚肝超級好食,好滑,醃嘅鹹度啱啱好,極力推介!👍🏻.🔻🍽 繼📌 地址: 荔枝角長順街15號D2 Place二期3樓311號舖.#tummysready #tummysreadytoeat #tummysreadyinhongkong #tummysreadyatlaichikok #tummysreadyforsushi #tummysreadyforjapanese #tummysreadyforomakase

星期六下午1:30 到餐廳，第一個感覺就扣左分，因為餐廳有兩部分，一入門先係食鐵板燒，之後餐廳最入面先係食壽司部分！所以成間餐廳油煙味好大😷一行四人，大家都叫$360 - 12 貫壽司🍣壽司用料都新鮮，而師父調味亦不錯👌🏻野生油甘魚同鮫鰈魚最令人難忘，反而中拖羅就麻麻，油脂太少唔似中拖 另外唔知係咪趕3:00 落場，成餐食得好急！師父一件緊接一件，12 件唔使一個鐘食完，朋友去左洗手間時侯一返位同時碟上竟然有三件壽司，師父無因為客人離坐而控制一下進度，要扣D分啦！總括：喺長沙灣、深水埗、荔枝角同級壽司唔多選擇，黎開可以試午餐，但餐廳環境油煙而令我唔會想再去食壽司，反而試埋鐵板燒仲有機會

即興同友人食飯，佢本身話想食鐵板燒，食過呢間幾好味咁話但係因為我哋即興去食，所以冇位full晒所以就變咗食壽司set我自己就鍾意食壽司多啲冇咁油添 hahaa呢度係師傅發板，價錢正正常常，師傅會問你有啲咩要求或者乜嘢唔食，我主要都係唔食啲太肥膩嘅嘢～不過最後都有舊肥拖羅一般人來講應該係勁鍾意，不過我俾咗友人食，費事浪費左啦😂🤣都唔識欣賞我自己就鍾意食海膽，呢度海膽食物質素幾新鮮，其他嘢都不過不失不過冇乜特別～我自己來講係覺得赤背幾好味，好大嚿同埋幾新鮮爽口，唔同平時喺街度食嗰啲啦梗係

之前已享用過omakase晚餐，覺得味道不錯！適逢朋友係該區返工，又臨近他的生日，所以便再去這餐廳為佢慶生，但今次係食lunch！餐廳環境舒適，設計優雅，安排座位後，店員會遞上毛巾及熱茶！師父有禮貌地詢問我地喜好或有否對哪種食物敏感後，就開始為我們準備午餐！套餐包括前菜、壽司及湯，沙律清新開胃，壽司有金目鯛、池魚、油金魚、海膽、赤貝及拖羅等，每件壽司都充滿光澤，而且非常鮮味，壽星話很有幸福感！最後配上熱湯，為完美一餐畫上句號。午餐的價錢比晚餐划算，但食物質素及服務態度沒有因為價錢而下降，大家對呢餐都好滿意！