繆天食堂 (已結業)

星期六朝早去完诊所都未训醒，行过见食物相都几吸引！就决定试下。小小一间，座位得5-6个，点菜即叫即煮，热腾腾，听到炒菜声真系好似系屋企食咁！店面非常干净清洁，无异味，坐得几舒服。等左一阵就有得食，慢慢开始多人就可能要等耐少少，食物份量令人惊讶，有一大碟，但我居然食晒。重点系我以为小店无人洗碗会用即弃餐具，点知系用公鸡碟，岩晒环保既我。下次去我会再试其他食物，佢地仲有糖水，咖啡饭同粥，样样都好吸引。…查看更多

第一次帮衬呢间缪天食堂， 舖头主要做外卖生意但都有几张凳可以畀人堂食。唔算太肚饿，嗌咗一个细嘅潮州炒面线$25，姐姐煮嘅时候已经闻到好香。到佢煮完包好递畀我， 见到个面吓咗吓，好有份量，如果佢系细嘅份量，大𠮶个一定好壮观😂呢个潮州炒面线入面有几种唔同嘅面( 有幼面线, 幼面, 粗面同应该有少少米粉)， 配料有鱼片, 猪肉, 鸡蛋, 韭菜, 芽菜，全部都好足料。 重点系食落唔会太油太咸，好似妈妈屋企煮𠮶种感觉😋 完全估唔到25蚊可以食到呢种质素， 有机会嘅话我会再帮衬。仲有入面帮手个妹妹好有礼貌🤗…查看更多

系见到宣传，于是等放假同男朋友黎帮衬。而且颂有饮品饮 唔洗惊口渴店员服务一级棒，颂问我地洗唔洗要辣椒酱，好贴心的服务有特色ge系个碟系公鸡碗 已经好少地方用呢样野！！…查看更多

行过见到呢间铺新开张 店内座位唔多 约5-6个位左右，估计都系做外卖居多，但我又行街行到好累想食嘢又想坐下，就决定试下呢间啦！🤔叫咗个上海粗炒，唔算太油，但份量好足，味道中上，老板话佢地系家庭式经营，唔落味精，我一听到唔落味精即刻心心眼！😍😍乜今时今日普通茶记仲会人唔落味精？再叫咗个咖哩饭，份量又系好大碟，唔算太辣，值得一赞就系除左咖哩汁仲有好多萝卜呀薯仔呀咁！唔似有啲铺真系得啲汁 我同朋友食晒2样已经劲饱！老板话如果咖哩汁唔够可以追加😲😲但我劲饱啦！再俾我都食唔晒🤤总括来说都好抵食嘅！环境几好！铺内够冷气！原来仲有糖水卖！下次黎会再试埋！仲有！叫咖哩饭系有嘢饮送！我叫咗罐可乐！呢啲天气如果可以冰底上就爽丫丫！但老板话佢地无做水吧！暂时都系供应包装/罐装饮品。…查看更多

宵夜时间识食一定系食糖水啦！晚饭前揸车经过置乐有间新开嘅小店所以就帮衬一下。桃胶圆肉雪耳糖水及木瓜雪耳糖水都超好味，味道清清唔太甜，唔似其他糖水店一味得个甜字，而且仲好足料，几乎啖啖有咬口，诚意推介俾大家呀！…查看更多