影片
之前系social media见到爆红嘅日高级两𩠌饭，今次终于去左试啦！主厨曾经系过唔同嘅星级餐厅做过嘢，今次就系合和有个新嘅尝试，开左间食日韩式两𩠌饭，每日都有9个𩠌+炸鸡可以比客人简~🦦泡泡酸忌廉炸鸡炸鸡系我已经谂好左一定要试🤣🤣，的确同我谂嘅一样咁好食。轻盈脆口，加埋面头啲酸忌廉系一流，鸡皮亦唔油腻，冇油king住系入面~肉汁好好咁锁住，一口咬落去会得到几种唔同嘅口感，正！🦦蕃茄salsa 紫苏菠萝 手打墨鱼饼手打墨鱼饼系我嘅MVP来🤣，弹牙到不得了，应该可以攞去打乒乓波，两件唔太够🤣。外面炸到金黄，咬开中间见到大量嘅墨鱼肉同须，唔怪之得个口感咁正😗 Salsa 同菠萝都好fresh，尤其系紫苏菠萝从来未试过食呢种味道，个配搭新奇有趣。🦦韩式牛肋牛肋肉都系我嘅最爱😍，肉汁够晒，应该有落一啲生果嘅汁去煮，食得出有少少清甜味，一口大细啱啱好，萝白亦系入味到不得了，咬落去全部都吸晒汁，一啲白色都冇🤣，不过系有小小咸。🦦豚肉生姜烧姜味突出，有微微辣味。如果系好啱姜味(我&fd)嘅呢个𩠌系💯！净系个料已经系够捞碗饭食🤣 猪肉亦都好食，冇左出面猪肉会好韧嘅通病，唔洗用乜力已经咬开左，啱我呢啲唔想咬嘢嘅人~🦦西京烧粟米有浓郁烟熏味道，似系用左苹果木🤔。表面煎香左，食落有口感，会想食多几(几>3)件。如果似呢个价钱来讲，食到咁高质嘅𩠌，真系好难得，亦都食得系用心之作。而我成为左菠萝打手🤣，如果有净𩠌/净菠萝买翻去就正了。。。。一定会再冲上合和encore！
继续阅读