緣味麵家 (已結業)

今日心月来潮想食车仔面，于是就黎试下缘味面家，咁佢有3𩠌，4𩠌，5𩠌及6𩠌（63蚊）比你拣，仲有一个65蚊既10𩠌（大杂烩，净𩠌）,而我初时系谂住叫净𩠌，不过睇清楚d细字先发现系净𩠌，最后就叫左63蚊既6𩠌。（自取要收1蚊）时此点左豆卜，牛丸，墨鱼丸，鸡翼尖，猪颈肉，牛栢叶，同米粉配辣汁。𩠌方面都可以，当中猪颈肉d肉就比较韧，下次未入会点，而墨鱼丸都几弹牙，牛丸几有咬口，两者都食得过。不过当中个米粉就比较差，我其实拎到返去已经即刻食（由拎到至食只不过系5分钟路程甘上下），但d米粉就好冧，好涨，感觉系放落去碗野前已经索晒d水，因为个米粉问题影响晒成碗车仔面既感觉。而辣汁层面，个人感觉觉得一d都唔辣，反而有少少觉得清淡既感觉，或者系我本人食谭仔食特辣都唔觉系一回事既关系吧。价钱方面就适中，63蚊睇落好贵，但份量都够大，其实都足以食饱两个人。下次如果我会去食，我可能会去试下食油面，也许会比米粉好一点。…查看更多

家人一直有提及这间车仔面，好像有一个$60有很多𩠌的餐，但是心想，都只是一个面，然后每样送给你三两件，有何意义？外卖的车仔面，面条不像谭仔会另上，如果不是立刻吃，就需要自行先将面条夹开。后来吃的时候再将面条放回汤来，面条不算极之软林，比较鞋身，但是上汤能力还算不错。汤底的味道就令人费解，明明像是很浓，但是又有少许甜味，像街市买豉油鸡翼，或是去打冷店吃卤水拼盘的那个汁，有少许甜味🤔。即使汤底颜色深色，像是又有咸味又有甜味的汤底，但还是欠缺了一点蒜蓉，车仔面来说，总要加些沙嗲或是炸蒜才香吧。鸡脚好像只有两只，炸过的鸡脚，质感还好，比较脆皮，体积不太大，份量也不多，只有两只。但就味道而言，好像令人回忆起以往在万宁位置的威龙车仔面😛有个是鸡肾，质感反而腌得比较软林，与卖相完全相反。还有鸡翼，亦都腌到和车仔面汤底味道差不多，没有什么意外的地方。结果，整碗面条也就好像汤底的味道一般，以卤水汁为主，卤水味的凤爪、卤水鸡翼。…查看更多

翠怡一路都无车仔面/中式面舖，见今日放假谂唔到食乜就即管一试。入座后剔纸落单，因为第一次帮衬，见唔到佢有任何指示，就举手示意落单。老板/店员叫行出去收银度落单，fine, 无问题，但行到出去企咗喺收银前最少3分钟都无人理，期间见4个人企晒入水吧度，之后有人出嚟，但都无人理，只系执碗。 直到出声叫佢，先至有个女人黑晒面咁行去落单收钱。讲完服务态度，讲番食物。叫咗3𩠌(萝白鱼蛋生菜)银针粉，加咗杯冻柠水走甜。 碗嘢系唔够热嘅，啲萝白介乎喺暖同冻之间，仲要有渣 ; 鱼蛋就死实实，又系暖嘅，最正常系生菜啰～无渣。汤底我拣秘制汤底，味道正常，不过仲有pat羔状秘制汁浮面。老公嗌秘制辣汁，我觉得得个死辣。冻柠水走甜就完全无走过甜。咁嘅质素。。希望系因为新开张吧！…查看更多

忍唔住要第一次写食评，以为有间车仔面就唔驶净系排队等X兴，点知试完个感觉就系车仔面个老板对食物，客人，自己都唔识尊重。我同太太小朋友合共叫咗三碗，评语如下:* 份量小，大人食完好似无食过嘢，*米粉散修修，好似其他人食浄再俾客人食。*鱼旦，猪大肠无味。*萝卜有渣，仲要切都拳头咁大旧，小朋友都夹唔到嚟食，大人都放唔到入口。*秘制辣汁又系无咩味，唔知仲咩要秘制。总括嚟讲，用不知所谓嚟形容。唔好当翠怡花园啲居民系傻先得架。…查看更多

住左附近二十几年，之前翠怡都曾经有过车仔面，系唔太卫生但系记忆中几好味。咁行过见到有车仔面 又几抵食咁就即刻试下啦3𩠌加个面都系30 蚊 咁睇唔错呀 返到去打开，心谂 无咩汤，但望个汤既色谂住无死啦，一试个汤淡到好似无味咁，我叫左小辣，个面就劲红但真系剩系系辣系食得岀。到杯冻柠茶，一拎就知岀事，d色淡到咁唔方掂，但劲足料比4块都算厚既柠檬，但问题黎啦，杯野应该无落糖水...十年未写过食评 但间野真系... 新开张都做到咁，以后点搞呀…查看更多