影片
以上资料只供参考，请与餐厅确认详情
相关文章
月头去完马来西亚🇲🇾返嚟，呢一日又突然间好想食马拉嘢。咁啱前几日喺IG得知深水埗有间新开张嚟自吉隆坡嘅食肆，于是放工就同埋老公去食～本身见到餐厅名已经觉得好特别，然后去到见到啲装修同餐牌，就知餐厅走玩味新潮路线，成间餐厅俾客人一个轻松氛围。叫咗4样嘢，当中包括一杯饮料同后上嘅甜品～好卵！紧张咖喱面 ($58)呢度嘅咖喱面共有五款口味，主要系配料有分别，有花胶、咖喱鸡、龙虾、鲍鱼同软壳蟹等，而我点嘅就系入门款：好卵！紧张咖喱面。配料包括流心蛋、鱼蛋、怡保炸腐竹、豆卜、芽菜同豆角，汤底汤头够晒浓，咖喱不太辣，浓郁色香味俱全。面条用咗油面同米粉，增加咗口感～最印象深刻嘅系炸腐竹，好大嚿，又香脆，好想多几嚿😋😋😋百早咖喱鸡干捞 ($88)干捞面嘅咖喱汁比汤面嘅比较稠，配料大同小异，不过多过只鸡腿～虽然味道有浓一点，而面条亦挂汁，初时吃觉得挺惹味，之后就觉得有点稍腻了～我们二人都较喜欢汤面版 蜜都混桔-谷气 冷 ($33)我哋点呢杯其实系桔仔混酸梅混柚子蜜，然后再配上一枝梳打水。热辣辣嘅天气饮好正，真系消暑又解渴！斑兰巴斯克蛋糕 ($48)餐厅嚟自马拉，既然有斑兰甜品，又点可以错过呢～果然无估错，呢个真系必食推介！斑兰巴斯克芝士蛋糕嘅斑兰味好香，好突出，甚至觉得有啲霸道，咁多年嚟都但无试过咁强烈嘅斑兰味，蛋糕中间口感质地软滑，系软心非唔熟嘅流心状，恰到好处刚刚好。餐厅整体食物质素都唔错，当日嘅店员主动，充满热诚，服务态度好～餐厅仲有其他小食，下次去再试吓😛
继续阅读
近日在深水埗汝洲街又多来一个新名字「紧张咖喱面」，主打马来风的咖喱面及特色小食，就趁新开张来踩踩点。装修是上世纪怀旧风味，简单朴实，又不乏打卡元素，楼底高，冷气足，开放式厨房通风做得亦好，值得一赞。餐牌前后两版，除小食及饮品外，主打五款咖喱面，四汤一捞，价钱由$58至$288不等，丰俭由人。友善员工极力推介「好卵好胶紧张咖喱面」，有咖喱鸡、花胶、溏心蛋、鱼蛋等配料，牌面非常丰富，就先点这个。实物跟餐牌卖相没差半分，还有怡保炸腐竹、豆角及芽菜作配料，$138非常合理。花胶份量不少，够入味亦够软腍，流心蛋质素比不少日本拉面店做得还要好。浓汤是满满的椰香，小辣程度应该大多数客人都能应付，粗面条挂汤能力高，吸啜得非常过瘾。整体来说，整碗面没有要挑剔的地方，也对得起价钱。这里小食有很多选择，最吸睛的有「好荽卜卜脆」，以炸腐竹作容器，盛满蘸麻酱的芫荽，吃得非常过瘾，荽迷没有抗拒的理由。还有一个很值得推介的「沙葛沙律」，沙葛尤如雪梨清爽，特制酱料加芝麻粒，有点像吃肠粉段的调味，夏天吃格外兴奋。最后要推介柑桔琵琶膏特饮，出奇地讨好，甚至比惯常喝的咸柑桔更好味，既解渴又润喉，必选！
继续阅读
斑兰蛋糕实在太好味了，忍唔住又嚟食，滑溜带浓郁的斑兰香味，好吃！😋酥脆的烧鸡翼，配上淡淡的虾酱，原来都几夹，可以一试。😙天气闷热，加多碗豆腐冷面，爽口又解腻，不过味道稍为偏淡；咖喱面原来不是想像中辣，食材包括流心蛋、软壳蟹(无鸡)、鱼蛋、怡保炸腐竹、豆卜、芽菜及豆角，食落很浓郁咖喱香味，不错吃。🤗#好卵好茜卜卜脆豆腐面 $88#好卵！好鸡！紧张咖喱面 $88#虾酱鸡翼 $58#薏米水 $18#斑兰叶巴斯克蛋糕 $48#紧张 JinJang OMG地址：深水埗汝州街128号地舖（深水埗地铁站A2出口）电话：90722788/51770751
继续阅读
对星马菜系有种莫名的好感，每当知道本地有新星马餐厅开业，总会想去试一试。深水埗好像是马来餐厅的聚脚地，由苏妈苏妈开始，到捌哥捌哥，刚刚开业的，还有紧张咖哩面。与苏妈、捌哥等不同，紧张咖哩面源自吉隆坡，属真真正正既过江龙。店面是刻意走怀旧风，某些角度看又真有几分像马来西亚。舖头有几位老板，有些涉足不同生意，如蛋糕店、香水专门店等，所以紧张的舖内也寄卖些他们的产品。先来碗最基本的咖哩面，端上来时香气四溢，呷口汤，浓郁又带椰香，油面掺米粉口感丰富，配料是简单的鱼蛋、豆卜及炸腐皮，仲有香港才会采用的流心蛋，不错吃的。再来些小食，「好荽！卜卜脆」是将怡保的炸腐皮垫底，再舖上芫荽及清爽的汁酱，咬下去口感脆得来带点烟韧，芫荽味不会过于霸道，整件事感觉好清新。沙葛沙律，即是在马拉吃到的Rojak。这份Rojak砌得好恭整，沙葛爽甜，伴以不少花生碎及芝麻丰富口感，灵魂在于匣罗惹的汁酱，咸中带点甜，不是人人接受，我倒是几欣赏，好多时我去马拉都会点上一份。甜品就选来一件斑兰叶巴斯克蛋糕，细滑既质感，斑兰香得来，亦有好深长的余韵，要恨蛋糕件头太细。饮品就要左杯阖家混桔，真身是话梅桔仔水加橙汁，几清爽凉快，我喜欢！几有特色既店子，在今时今日既香港已买少见少...
继续阅读
之前经过深水埗新开呢间「紧张」，觉得装修几型，原来系主打马拉咖喱面嘅餐厅，呢次就专登过嚟试吓。呢度嘅咖哩面有四款汤面同一款干捞选择。汤面个汤底一样，面都系油面加米粉嘅掺掺，只系因配菜唔同有四个价钱。我㨂咗第二平，即系$88嘅咖喱鸡。个汤底饮起嚟几舒服，浓度适中辣度算有后劲，整体嚟讲几啱我口味。至于配料除咗煮得软熟嘅咖喱鸡肶外，仲有白鱼蛋、流心蛋、豆卜、豆角、肥仔芽菜同我好like、相当吸汁嘅怡保炸腐竹。其实个汤底有啲似我喺新加坡食嘅咖喱面，反而同我喺怡保街头，食汤上面有一层红油嘅咖喱面品种唔同。揾一位貌似老板嘅店员问吓，佢话佢哋个门派冇落咖喱油，所以唔会红色一片，仲同我讲我食嘅系预设辣度，对上可选择更辣同超辣两级。饮品方面，我点咗杯「净混桔」，即系有腌桔仔同酸梅嘅桔仔水，唔太甜，酸酸哋几开胃。另外叫多件班兰叶巴斯克蛋糕。色水唔错，只计件巴斯克蛋糕喺好食嘅，但班兰叶味就唔太突出啰。埋单连加一合共$186，其实唔平，但食物质素系唔错嘅。讲番店名，原来老板老家来自吉隆坡华人聚居地之一嘅增江区，马拉话叫Jinjang，同普通话「紧张」个音差唔多，而咖喱面正系当地嘅特色美食。
继续阅读