影片
其实好耐冇去过不过今日经过又心郁郁咁岩做紧PROMOTE有DISCOUNT咁好啦就试1次叫左2个牛扒1个跟饭1个跟意粉都唔错既最后埋单都唔洗$100晚餐既价钱很不错了
继续阅读
维苑初初搬落地下，我都食过一次下午茶，好难食，点知事隔多年，都系咁难食…果日好冻，行过见倒好多人食，门口个餐牌写住30蚊内咪唔打算四围去，入去试下啰，就系咁蠢左…入到去坐低成5min，都系得两杯水，餐牌摆位都冇。餐牌到喇，发现全部过30蚊，同出面写唔同价，咪揾个阿姐问啰，个阿姐答左句"跟出面啦！"就行开左= =我同朋友叫左杂扒薯菜同鸡扒饭，等左成10min都未黎汤…汤黎喇，难饮到唔恨…碗红汤，睇落系冇乜料gei罗宋汤，饮落系沟"希"左gei蒜蓉汁……又冇餐包…好喇，又过左10min，有野食，点知鸡扒"so"架…肠仔,火腿,汉堡扒，都系冻gei…薯条又冻又"林"又有阵油味…最正系个汁同之前碗红汤系一模一样味，只系"杰"d姐…叫埋单又冇人应…地下又劲"线"，又劲多垃圾……三十几蚊俾钱买难受…之后仲要去许祥昌食碗面补数…
继续阅读
今日晏左起身, 所以第一餐唔系 lunch, 而系...tea 左谂右谂都谂唔到食咩好, 是是但但同男友仔入左维苑食个 tea 算~见到个 tea menu 都好多选择㖞, 好似样样都好吸引 因为太肚饿, 快快手求其落左 order 先... 鸡扒 并 长脚蟹拉面 ($25) - 冻柠茶 (+$2) 法式西多士 并 鲜茄牛肉通粉 ($25) - 热朱古力先黎男友仔个拉面...咦!! 个样唔错咁㖞...不过男友仔就话味道太淡㖞...再黎, 我既西多士...吾~ 热辣辣, 边仲脆, 好味!!如果再炸得金黄同脆 D 就仲正!! 再黎鲜茄牛肉通粉...初初仲惊会食唔晒, 原来细细碗...汤底的确偏淡...不过食惯淡味既我, ok~ 可惜.....牛肉...太"鞋"... 到饮品...男友仔既冻柠茶, 一样都话觉得无咩味㖞 =.=不过我试左 2 啖...饮落少甜...唔错呀~至于我既热朱古力, 正呀!!!够香够浓又唔过甜, 推推~!!
继续阅读
和朋友好久不见，天气好热，随便在商场食下午茶，想坐得舒舒服服，于是去了维苑。点了两客下午茶餐，味道普通不过，不算好难食，但超码人少少，坐得好舒服，1345坐到1500，不停和朋友倾计。不过话说回来，如果天气不是这么热，我一定会去其他地方不去维苑。
继续阅读
原则上, 这不算一篇食评, 因为真系嬲到无食就走左。今天中午食lunch撞正落大雨, 没有选择下到了维苑食, 等卡位等左有10分钟, 后来有一张, 入坐后正研究为何门口午市用粉笔写既价钱跟细餐牌不同, 突然有一大滴水从天花降下我的头上, 令我记起多个月前也曾中招, 没料到一直没有修理, 继续等下个客人中头奖。于是我们走去另一张坐, 点知都未坐低, 有个白头亚叔走过黎话我地自己转table, 有客人在等紧, 岂有此理, 我地原本已坐低, 因为滴水先转table, 如果系要排先后, 无论如何都系我先过佢, 但系佢重话个客先过我地, 离晒!谱:滴水佢就只字不提, 无sorry. 我同事都好嬲, 反问佢咁驰唔驰比番张table佢, 佢竟然重话"你都坐左啦"于是嬲到起身走人。我地知道一向依间维苑食物又唔得, 又无服务, 但今次系比零服务更恶劣, 直情系赶客。 我唔知依个白头亚叔系老细定打工, 如果系打工, 希望佢老细见到依篇食评即炒依个白头亚叔, 如果系老细, 希望佢快的关门大吉, 唔好阻住个位。
继续阅读