影片
之前食过几次早餐ok的，因为茶餐厅价钱，又可以坐得舒服D。今次第一次食午餐，对于食物质素有D失望，点左鸡翼司华力肠配沙律，炸鸡翼冇乜味道；友人点左西冷，个人唔钟意牛扒落粉既口感，不过薯角炸得好味。值得一赞系待应服务好。🙌
继续阅读
本身想去佐敦德兴街间无肉食试下，眼见坐无虚席但又唔想等，就喺同一条街揾过另一间餐厅食。其实有两三间都ok，不过就畀呢间餐厅有免费饭派嘅举动吸引住，希望帮衬去支持下。近两点入倒餐厅，侍应叫自己揾位。坐低后望望先知原来餐厅都算几大，有大概二十(?)张枱左右，卡位都有唔少，而且空间阔落，坐得好舒服。餐牌选择多，午餐(上午11:00-下午3:30供应)都有大概六七款。除咗午餐，两点入座嘅好处系可以拣食午餐或者下午茶(下午2:00-7:00供应)。我叫咗黑椒汁猪扒意粉午餐($62，免加一)，包餐汤、蒜蓉多士及$20以下热饮(冻饮加$3)。意式杂菜汤，甜都不得了，饮晒肯定会诱发糖尿。蒜蓉多士ok，微暖，都脆嘅。猪扒揼到好大块，好冧，不过明显系有用梳打水浸。意粉质地唔错，有啲咬口。热咖啡系港式风味，微酸，味道唔错。
继续阅读
试咗吉野家新出嘅会员朝食早餐，我今次拣咗吉列鱼柳丶茄汁豆丶炒蛋丶多士配热咖啡☕️🍽热咖啡唔够大xx的即磨咖啡咁好味，不过都唔太差☕️多士系有少少脆，有1粒软牛油。茄汁豆就正正常常冇咩特别。吉列鱼柳系䁔暖地，外皮香脆，这个好食👍🏻沙律酱系正常。炒蛋都ok。成个早餐的份量唔算少，真系有饱嘅感觉👍🏻
继续阅读
佐敦德兴街的一间西餐厅。。。维亚轩餐厅最吸引客人来帮衬的就是晚上7:00前仍有下午茶餐给你选择。下午茶餐亦有多款种类的食物。。。茶餐，小食类，粉面类，饭类，样样都有。由40元起至60元都有！今日，我叫左个特价下午茶餐- 炸鸡脾沙律（$30包热饮）非常抵食！炸鸡脾够脆，唔太油，唯沙律不够新鲜！扣分了！肉酱面大利粉是很多人会Order的食物，肉酱味道浓郁，卖相也不错的！ 另外，一口西多士，口感几好！ 茶餐多士系奶油多士，抵食！
继续阅读
今日3点半左右从油麻地行去佐敦方向，见到后行好多老人家，有几个揸拐杖的，有些白晒头发，再行前少少见到铺面海报，先知维雅轩餐厅有派饭活动（恒丰后面），本身谂住食下午茶，所以入去支持下。入面装修系西餐厅格局，座位够大，卡位坐得舒服。餐牌食物算几平，好似平过茶餐厅。食物系普普通通，不过都算Okay, 可能我叫简单野，都无咩好写，但系横掂1个人食，又唔系试贵野，我就支持返呢d良心餐厅，或者社企。4点半先派饭，d 公公婆婆未够4点都排定队，虽然餐厅有派筹，盒饭对佢地嚟讲好紧要，应该唔系派好多个饭盒。讲真而家闲闲地四十几蚊个茶餐，5，60蚊个牒饭，我都觉得几贵，又唔系人人都住深水埗有2𩠌饭卖嘅地方。请大家行过支持共渡时艰。
继续阅读