綠野仙踪 (已結業)

喺大角咀想揾间坐得舒服啲嘅餐厅同朋友坐低食饭倾吓计，见到呢间餐厅啲枱几阔落，于是入咗去食饭。我叫咗个肉燥鸭髀饭。份量好够大，跟餐仲有杯$22以下嘅嘢饮，都算抵食。肉燥转咗做牛肉，入面有冬菇碎，少少辣，不错的，但就唔会系正宗台式肉燥饭嘅味道。师傅已经将鸭髀斩开几件，等食客容易啲食，呢个举动几细心要加分。朋友叫咗个正常肉燥饭，配盐酥鸡。盐酥鸡冇跟埋九层塔，粉浆有少少厚，唔算好脆。但佢调味几好，鸡肉都算嫩。总括嚟讲，呢度嘅嘢食不过不失，装修唔系惊艳，但胜在食物分量大，环境卫生，坐得舒服。算系咁。饮品方面，我地叫左珍珠奶茶，味道都系正常的。唯一要弹下，系饮品用即弃胶杯上，如果可以环保啲，用返正常水杯就更好。…查看更多

一个下午，我就在这间在港九新界都有分店的台湾菜餐厅「绿野仙踪」吃了一顿下午茶。这儿的「悠闲下午茶」选择不少，我就拣了「台式自选系列」的店中推介「台式脆炸鸡髀配上汤担仔面」+「冻芒果红茶」（$33）做下午茶。这下午茶的鸡髀早已被斩成三小件，浇上了颜色深浓酱汁的炸鸡髀，鸡皮其实炸得不是太脆，鸡髀味道中规中矩，但只留于表面有沾上酱汁的部分。担仔面的汤过得去，但与名店「度小月」的有一段距离，幼细的面条就都可以，汤面中加上了萝卜和青菜，就让这面没有那么单调，加添了一些吸引的色彩。至于饮品方面，「冻芒果红茶」的芒果味并不够浓，虽然都清凉解渴，但味道只是一般。悠闲的下午，在这名字漂亮的台式餐厅吃的这一顿下午茶，只是平平而巳，不过才三十多块钱的消费，就不能苛求太多了。…查看更多

今日黎到大角咀试下呢间新开张冇耐的绿野仙踪，原本一直想来试试佢前身「Villa Villa」结果未试过已经折左，但毫无遗憾，因为呢树餐厅轮替有如走马灯，只系有实力先留得低。绿野仙踪以台式食品作主打，门面算光猛企理，以四人枱为主，感觉舒适。台式肉燥套餐有12款比你拣，几有心思：野饮Menu好多选择㖞！肉燥卤翼（$50）个肉燥饭未食「燥燥地」地啊，成督「呕吐物」咁，真系睇见都唔开胃！三只鸡翼随机摆放毫无美感可言，仲两只大一只细，想太平绅士投诉都冇机会，仲惨过在囚人士嘅膳食。食台式野又点少得饮返杯珍珠奶茶呢？跟餐附送$22以内野饮，听落好似好吸引，叫左杯最大路的珍珠奶茶，结果都系中伏。珍珠唔够Q弹之余一咬就散，失败！奶茶得个甜字无黎茶香，失败中嘅失败！愈饮愈燥索性放弃，短期内都好难再试......…查看更多

呢间野以前我读中学成日同同学去食lunch,点知之后close左揾唔返边到有！估唔到比我十年后遇返😂😂食晚饭又几抵食 5x 一个餐包野饮👍🏻 鸡扒煎过黎再放汤 d皮仲有少少脆 味道几入味 肉燥一放上枱阵味已经好香🤣米粉系新竹米粉 不嬲都好食 不过饮品一般般 （水蜜桃红茶）唔太好饮 但overall性价比几高…查看更多

早排行过见到villa villa执左，间铺装修紧。估唔到隔几日已经见到装修完，仲已经开埋新铺。之前都有聼过依间绿野仙综，喺其他地方都有分店。平时都好中意食台湾野，见佢系新开咪谂住去试下。餐牌都几多样野拣，lunch set仲包埋$22嘅野饮。我最后拣左台式三杯鸡配肉燥饭同埋热红茶。可能因为新开业，啲野食等左好耐先有，我地成枱5个人，等左起码35分钟到先有第一样野黎。连饮品都上得好慢，同埋张单都乱哂笼，改极都唔岩，可能因为系新手啦。个set黎到，有碟小菜，不过就唔系好岩我，所以我都无食。三杯鸡分量一般，虽然唔系好正宗(觉得九层塔嘅味唔系好出)，但味道正常，反而觉得如果再多少少汁会好啲。至于个饭就有啲失败，系好港式嘅肉燥，有啲似快餐店𠮶啲。同期待嘅都几大出入，食完觉得中左伏。下次黎都唔会再叫肉燥饭。啲野食真系麻麻，加上又等得耐，应该好耐好耐之后先会再考虑黎依度。8…查看更多