綠色心活館

营业中

休息中

真漢子去咗「綠色心活館」每個月一次嘅體驗日，亦都係我第一次嚟呢度喎。當然要試吓佢哋體驗日先有嘅 raw food 廚師發辦啦，食物係由老闆娘 Megan 主理。👩🏻‍🍳Raw 壽司午餐 $78，raw food 當然唔會用飯啦，原來係用咗椰菜花。餡料同醬汁望落似沙律，食落去都有啲似，味道唔錯，但就唔係好食得出個汁係用咩整嘅。佢另外有個汁點壽司用，甜甜哋，雖然唔點都有味，但點咗又覺得幾夾喎。可惜個紫菜有啲淋咗，否則就更完美喇。😅加 $38 有個前菜 ，係涼拌海茸頭同海竹笙，份量好多。海茸頭略為硬少少，如果浸軟啲就更入味。海竹笙就索哂汁好好味。😚加 $25 有杯菜汁，係羽衣甘藍，蘋果，加咗啲檸檬汁同薑汁打成，夠哂養生。因為加咗薑汁所以飲落幾辣，店員話加咗薑就冇咁寒涼，咁又係，尤其食素嘅都係女士為大多數嘛。💁🏻‍♀️加 $68 試埋個甜品，係 raw 版 tiramisu 。雖然外型同味道都唔似 tiramisu ，但確係好食，甜度適中又天然，所以食哂都冇咩罪疚感。🤭綠色心活館每月都會搞一次一連三日嘅體驗日，平日就有生機純素，健康同養生嘅產品發售，例如有機綿衫褲，風乾小食，raw 朱古力等。🌱

✨ 人地生日，你會選擇買咩蛋糕？✨ Raw Chocolate Cake👧🏻 Herm姐媽媽早幾日生日，Herm姐就上網搵咗好幾間整蛋糕嘅小店，務求實行罷買美心😤 點知俾我搵到呢間做純素蛋糕嘅小店，令到Herm姐好開心。 純素標榜無加白糖、蛋、奶製品，仲要否含反式脂肪同任何添加物。食落口味道完全唔會失色，朱古力味好濃郁，仲要配上咗新鮮嘅士多啤梨同肉桂🤤🤤雖然有啲貴，但老媽喜歡就得啦😘💸 $488 (4吋)

個零月前路過觀塘，無諗過有間 raw cafe , 除了食仲可以 DIY / 訂購，而家食安問題嚴重，作為 vegan ， 當係希望推介健康無添加又有營的素食俾大家。特別推介：- 有機螺旋藻能量球，有無花果的微甜，果仁碎咬落好有口感，好味，仲係 superfood ,排毒補充營養 ，win win ！聽講整好易，整得好味就好難，lazy 的我，食算啦。Energy ball , 排走重金屬心心 raw cake , 睇得又食得！昨天特登 join 了純素糉班，清新餡料、低脂唔肥膩無添加，食落健康又放心，即場整即場食，超好味又有滿足感 ；仲食了無罪惡感嘅 raw vegan strawberry coconut gogi 雪葩，食甜品身體零負擔，好開心的一天！快端午節，同家人一齊去食，訂購亦得，食多 2 隻都唔洗望住個磅做人 。好鍾意佢地的工作坊，間中有新主題，特別推介俾喜歡 DIY 又注意養生的你 / 妳 ！純素士多啤梨可可𣏌子雪葩 ， fresh ，明目養生，yummy 🍧😋齊齊整糭風乾

之前同朋友聚會叫咗間生機素食嘅takeaway..都幾特別同好味ge, 不過takeaway只有sushi roll 1條$88同set可選，Set - sushi roll + ‘炒’菜 + 湯，$168, add on 甜品1口$20, 大少少的slice cake $48叫咗七百幾$800就係呢度同埋兩個好細的湯不停食住同一款嘅壽司..前幾日已經講咗想當日7:20前攞，佢話七點會收工，於是我就話七點前過嚟，佢話好結果過去之前打電話佢話以為我7點幾先會過去，就由6:25等到差不多7:30去煮&pack dinner..欣賞佢地sushi同cake ge設計，鍾意榴槤蛋糕，不過未必會再去已經好隔涉，d lift好多人排隊，好耐先去得到，menu同埋customer service仲一直好似懶懶閒唔想做生意咁，又比漏嘢要行返轉頭店裏面嘅其他貨品都唔吸引，好似好雜咁..希望店家會諗清楚佢哋開店係為咗乜嘢，如果有改善會考慮再試。

因為與同事差不多每星期都會選擇至少一次素食午餐，特別留意觀塘附近素食店。隅然發現綠色生活館，但只得一張店內照片，沒有食評，沒有太大衝動光顧。後來在網上看到介紹這是間生機素食店，食物不經高溫加熱（攝氏41度以下），食材不經加工，保留營養及天然酵素，於是決定試一下。原來暫時只有星期一、五提供午餐，每位$100 包一杯果菜露，一份沙律及一份私房主菜。據說如四人預早幾天訂位可安排多一款主菜。店內環境舒適，座位不多，連窗邊高椅座位也只有廿個左右。一坐下先送上紅肉火龍果、香蕉、菠菜打成的果菜露，雖然味道很好可惜不是冰凍的。沙律配的醬汁意外地好味。主菜壽司卷沒飯沒肉，但食落絶不是想像中的素。甜品桃膠糖水竟也是41度下完成，百香果布丁用上腰果製成，午餐加配食得滿足😋