影片
以上资料只供参考，请与餐厅确认详情
招牌菜
趁假期嚟湾仔逛下，晚饭就顺便在区内解决。附近入夜之后，好多小店都唔做晚市。记起太原街有间叫「绿森林」嘅食店，餐厅只系开左几个月，提议过去碰碰运气。店舖地方不大，一派街坊格局，但装修得都颇骨子，环境干净企理。餐厅主打花胶浓鸡汤，有多款食法及面底可供选择，另外亦有炒粉面饭、小菜、时令海鲜、小食及饮品等供应。拣左两个主菜同两款小食，点小菜会有丝苗白饭附送。先嚟两款小吃，椒盐豆腐 ($38) 同 椒盐鱿鱼须 ($48)。豆腐非常可口，炸至外焦脆内嫩滑，吃起来一点也不油腻，加上咸香惹味的椒盐，令菜式更添风味。椒盐鱿鱼须亦非常吸引，表面金黄酥脆，脆浆平均又够薄身，入口鲜嫩弹牙，嚼劲十足。虽然系有少少热气，但食一次半次又有咩所谓㖞！主菜点左鲜果咕噜肉 ($108) 同 豉汁蒸黄立仓 ($108)。咕噜肉用脢头肉炮制，肉质嫩滑富弹性，入口软腍 Juicy。酱汁好醒胃，味道酸酸甜甜，配埋爽口的苹果、甜美的凤梨、富含花青素的蓝莓及红肉火龙果等一起吃，天然又健康。另外条仓鱼味道亦非常鲜美，大大条，火候掌握得啱啱好，鱼身很滑溜，尤其是系腩位，既肥美又肉厚，加埋啲葱丝同豆豉一齐食，惹味非常，用嚟送饭一流！
继续阅读
呢间匿藏喺湾仔太原街嘅🥢小店虽然俾前面嘅摊档遮住🙈唔系好起眼，但系食物👍高质又抵食💰真系一试难忘！🕘九点几嚟到唔系咁多人，一般小店格局，👌干净企理。好得意嘅樽仔奶茶$20🤤又冻又香浓幼滑😋，直得一试！椰皇🥥花胶🐓嫩鸡汤🥣系佢哋其中一个👍主打菜式，可以选择跟米线、米粉、白饭、淮山面或者稻庭乌冬，我就拣咗跟米粉🍜，大大碗都只系$68！椰皇🥥花胶🐓嫩鸡汤好足料，个汤🥣嘅椰皇🥥味好突出得来又唔会盖过个🐓鸡汤味，味道好平衡又好🤤清甜，绝对系一试🥰难忘！入面有两块🤩花胶，而且煮得好嫩滑👍，鸡件🐓亦十分之香嫩有鸡味，米粉🍜煮得好入味，入口每一啖都系咁鲜甜😋，呢个绝对系必食推介！椒盐🦑鱿鱼须$48大大碟🤩，好脆好多炸蒜🧄十分香口。而且大部份系好粗嘅🦑鱿鱼须，好有咬口又鲜味😋！椒盐豆腐$38十分高质👍脆片又薄又贴绝无离壳🤤，椒盐🧄蒜香并重😋，豆腐好嫩滑，水准之作好好食！黑松露🍄翡翠炒带子🍤虾球$128跟埋个白饭🍚，份量十足得来几有镬气，黑松露🍄味道唔算太浓，但带子爽滑🤤鲜味，虾球🍤爽口弹牙。
继续阅读
鲜果咕噜肉$108～同平时嘅配料好唔同，配料有蓝莓、苹果、红肉火龙果、新鲜菠萝，将炸过嘅咕噜肉变健康😄，肉块唔算大件，胜在够香脆，混合呢几种水果一齐炒，有紫红色嘅酱汁，酸酸甜甜地，味道天然，又几开胃。金银蒜蒸胜瓜$78咸鱼蒸肉饼$78～两款即叫即蒸，所以等候嘅时间比较耐，胜瓜就等咗约20分钟，肉饼就要30分钟，铺满蒜蓉嘅胜瓜好入味，感觉店家有加到上汤，食落有一份鲜味。肉饼上面有姜丝和咸鱼，食落有一份咸鲜，略略觉得就咁食嘅，调味有啲重，配饭就唔错。
继续阅读
喺湾仔玩具街行到攰，见到呢间绿森林有小菜食，就走咗入黎😊✨椒盐🐙鱿鱼酥✨椒盐豆腐～记得试过喺屋企炸到一获泡😅，都系去街食最好。呢度嘅椒盐系列，认真整得唔错，隔油整得好好，下面舖咗啲脆脆，令整块炸物都在上面，唔会因为啲油而淋哂，外层脆卜卜，鱿鱼弹牙，豆腐外脆内滑，上品！✨🐮蜜薯牛柳粒✨🍆鱼香茄子煲～送饭之选，牛柳粒滑溜无咩筋，容易入口，有蜜糖香。茄子口感又滑又软，好入味，两款又炒得几有镬气。
继续阅读
万厦丛中一点绿，唔觉眼、但值得去嘅小店，湾仔地铁站A3出口，一条直路可到，唔留意系会走过龙。椰皇花胶嫩鸡汤＋准山面（$68＋$5）相传汤底熬足5个钟，饮完真系名符其实，一定忍唔住成碗饮哂，无味精味又唔觉得口渴。一大块花胶配嫩鸡，滋补养颜✨ 转嗌准山面又特别，赞赞赞。云吞猪肚嫩鸡汤＋准山面（$78＋5）花胶觉得唔够饱，云吞猪肚绝对帮到你，云吞唔会营养不良，饱满馅料，不会空虚。加埋爽滑猪肚，食得出洗得好干净，唔会有臭味。椒盐豆腐（$38）嫩滑豆腐外面一层酥炸皮，撒上椒盐，唔会好咸，用作调下味。一口热辣辣豆腐，方便入口，果然系必食之选。金银蛋时蔬（$88）浓汤足料，金银蛋时蔬一d都唔马虎，满满金银蛋，一整碗蔬菜，唔油腻，非常健康。波波奶茶（$20）个樽好好好婀娜多姿💋名字都好岩feel！🤣猛男咖啡已售完，点左两樽波波奶茶，系甜甜版本嘅港式奶茶，滑顺唔会涩口，下次会早去饮埋咖啡。
继续阅读