綠怡島台味餐廳 (已結業)

有次約左朋友去泳池游水，游完水緊係想有d野落肚嫁啦，啦啦聲搵下附近有冇咩餐廳好食，咁岩附近就有呢間台式餐廳，即刻入左去試。我揀左個叫’黑椒金菇肥牛炒烏冬’再加配左杯’芋香雞蛋布丁’。個烏冬果然有料到，火喉十足，烏冬並冇出現痴埋一齊既情況，而且入面有好多肥牛加上炒過既洋蔥，味道好夾。至於杯野飲都好有芋香，不過甜左少少，唔係既話就完美啦。…查看更多

下午茶時份去點了一份雞翼肉燥飯，店員主動提醒有下午茶餐牌，價錢便宜10多元。下單後5分鐘內已經送到。份量比預期多，味道一般但性價比高。加凍飲40元埋單。住附近又肚餓的話不失為一個好選擇。…查看更多

有一晚，手提無電，要買飯比家人食。入到去見到有個電話，上面都無寫：「公司電話，不便外借」，咁自然打回家啦，點知老闆女怒目而視：「做咩！個電話唔借比人架」，其實真係霸著個電話傾通宵咩！問左食咩就完啦！咁多年，睇著佢地愈做愈差，希望引入更多競爭就好！…查看更多

街坊茶記格局，下午茶有小食餐、麵餐、吐司餐、炒嘢、碟頭飯，近百款選擇， 二十幾到三十幾蚊，配台式飲品加三蚊。叫了鹽酥雞翼肉燥飯，$34，四隻雞中翼，至少兩大碗飯份量，這裡應該以量取勝，因為係到旁邊枱的小食酥炸豆角都成碟平時食嘅小菜size。鹽酥雞翼我期望係似台灣鹽酥雞的質感，但是係普通生炸雞翼，沒有任何炸皮。肉燥係菇粒加豬肉碎，太濕，飯又太爛，似lunch帶飯盒叮完的質感。餐加$3可配台式飲品，但無咩茶味又無咩奶味。…查看更多

因為住喺附近，通常都落嚟呢間食下午茶。今日叫咗豬扒炒烏冬同炸雞比。豬扒炒烏冬份量唔細，應該有成兩個烏冬係入邊，個汁整得幾好味，豬扒份量多，但比較鹹。雞髀平時炸得幾好食架，但今次呢個有啲lone:(…查看更多

我地入左去餐廳食左個午餐， 本人同大小姐都都比較中意食雞翼同台式野 所以就去試試佢。叫左個瑞士汁雞翼加蛋 同 鹽酥雞翼肉燥飯我就覺得兩味味道太咸 食落去真係要送飯 但係個量就真係幾大下 岩哂啲大胃王樓面環境比較細 位置唔多 但尚算舒適 感覺吳錯 比起一般既茶餐廳就舒服既 因為我同大小姐坐卡位另外餐廳位置都幾遠市區 唔算就腳 但最正既係好靜 岀面小車 再者 隔離就已經係屯門泳池 大家不妨可游完水再食翻個飽飯 真係吳錯整體黎講都可以試下 因為真係好飽肚。:)…查看更多

今朝黎食早餐，四眼女侍應服務態度很差，勁晦氣，用近乎呼喝的態度對人，d單又亂，人地隔離枱遲叫我同一樣野仲黎先，之後去同負責人投訴，就係嗰個長頭髪，年纪老啲嗰個，佢比侍應還差，同佢投訴佢又唔睬人，仲黑口黑面，一句唔好意思都冇！服務差到咁，d野幾好食都無用，睇黎唔會再有下一次幫襯了！…查看更多

服務越來越差，特別是D女性服務人員，完全是唔憂做的感覺!!!!!!語氣好少少，態度好少少會死ge?!食物還可以,不過差了很多！同埋加價也加得太跨張了吧！早餐要$32…查看更多

由於我是住這餐廳附近，所以都會落黎食早餐或晚餐，但這裡的人都很沒有禮貌，食物都尚算還可以，但由於附近沒有競爭，所以質素已經退步了，我未試過問拎餐紙要比錢，但現在我同家人已情願行遠少少，都不再幫襯這餐廳了…查看更多

見呢間店舖剛裝修完,重新營業,於是想叫外賣就打算食綠怡島。因為都食左10幾年,其實知道食物質素差左好多,雞脾唔新鮮,飯好行,當初既誠意已經冇但對40,50蚊既飯都唔可以期望太多,所以有時都會食。剛剛打電話叫外賣,被外賣員喝我,還有感覺到佢極不耐煩,短短2分鐘時間可以咁嬲都係第一次!其實都唔係第一次對呢間既服務態度唔滿意都唔係第一次,之前我個碗面有隻昆蟲,我一句對不起也沒有收到,但問題是我已經食左幾啖,好似當冇事發生過咁!睇番留言,原來之前有個食客都得到咁既對待!原來呢間餐廳既人一D改善都冇!今次叫外賣,聽侍應的聲音都知道佢係邊個,佢係長頭髮,年紀較老那個!但是都不會期望佢既態度會有改善!食飯都冇諗過食到一肚氣,加上這間餐廳對製作食物誠意大減,所以決定以後唔會幫襯!…查看更多

因為附近住的關係, 一星期都會有2次係度用餐, 近呢2個月, 水準已下降左,但都算不過不失, 今次就食忌簾芝士汁龍利柳意粉, 因習慣會食左d意粉先慢慢食送, 所以如常食左一半意粉同什菜就開始食龍利柳, 食第一件, 好似有d酸酸地, 跟住比一件老公試, 佢食左都覺得有怪味, 跟住我再仔細試多一件, 跟住確實係有問題, 於是就叫待應生來, 相信佢地都聽到我地對話, 知道d野有問題, 直接叫左負責人黎, 我地同佢講d魚有問題, 酸的, 跟住佢一句野都無講, 就咁收走碟野就算, 當時我地真係呆左, 最基本一句唔好意思都有卦, 整過比我地, 或換其他野都好應該ar, 但佢好似完全唔當一回事,好似無事發生過咁, 定係佢根本知有問題, 但照整比人食呢, 自今次經驗, 真係唔會再黎幫襯, 唔係因為今次食物有問題, 係佢地o既處理手法及態度.....無下次....…查看更多

住起屯門既街坊都知道，以前綠怡島大約起安定商場2樓，不過做左一陣就無做。搬左黎依家呢個位都已經好耐，招牌依舊一樣。去到叫左個下午茶，沙嗲牛面，加多個雞脾沙律。沙嗲汁是有味的，牛肉係鮮牛，不過不失。雞脾炸到個皮都脆埋！正！有番普通既水果沙律去襯番，即刻減退左陣熱氣味。我覺得呢到佢做到既設計唔多似茶記，只係想做一間普通既食肆。不過佢d坐位真係有d迫。即使卡位，四個下坐哂，已經無多餘位俾你放袋。至於價錢都要$30左右，走唔甩的，但抵食既！…查看更多

地方小小，選擇十分之多！表面上是一家台式餐廳，有台式飲品，有三杯雞；實際上是什麼都有，有米線，有炒飯，有燴意粉，有咖哩牛腩飯，有焗豬扒飯等等！當中最喜歡吃麻辣小鍋米線，超大碗，超惹味，因為湯底附上麻辣東菇肉碎加酸菜，這樣跟本配什麼料也好吃！這天點了一個肥牛白蘿蔔魚腐油麥菜小辣米線，食物份量多，真心讚！美中不足的是白蘿蔔不夠入味，另外要扣分的是這次魚腐很硬。…查看更多

路過屯門，下午茶時間又到，這餐廳食物款式很多，我點了一個特餐，叉燒意的叉燒很肥，切得很小，用叉很難食得到，味道淡淡的，湯底的味道亦是淡淡的，覺得就是病人食的下午茶一様，特餐另外還有火腿煎蛋加餐包，算幾抵食，不過不失啦…查看更多

呢間餐廳每次返外家都一定會行過, 但從未幫襯過. 今次我哋一家三口就專登過去試. 芝士忌廉什菌雞皇燴意粉 $42.00-- 芝士忌廉汁濃郁冶味, 雞肉又多. 有別於一般茶餐廳出品. 正! 椰香咖哩焗牛肋條飯 $42.00-- 咖哩香濃, 入口少辣. 薯仔又粉又林, 牛肋條夠林, 絕對唔韌唔痴牙. 一客有六件, 一啲都唔欺場. 連百厭仔都好BUY, 寧願一路食一路飲嘢都要食. 一杯熱杏仁奶茶, 一杯凍好立克--OK埋單 $86.00…查看更多