細蓉記 (已結業)

香港島會再開嗎？太可惜啦，逍魂的义燒蛋飯沒的吃了，還有美味的雲吞麵，鼓汁排骨，牛丸..............................大埔實在太遠。…查看更多

約了從新加坡訪港的朋友吃早餐，最地道的一定是喝早茶了！捨附近的蓮香居而選這裡，喜歡是它的光猛整潔。食物水平是不錯，叫了點心拼盤加义燒腸，才40元，以香港的消費水平，真的是物超所值。唯獨是服務真的讓我這個香港人丟臉。員工私下講話大聲到擾民的地步不算。友人吃得開心意猶未盡多加一籠鳳爪，沒想到那男員工的嘴臉，真讓人心寒。店𥚃那時段一點都不忙，我們真不明白他為何要返白眼？我還誤以為自己長相像要飯的呢！有時候好的餐廳，好的食物遇到這樣的員工，是極大的可惜！…查看更多

巷子裡的一家小店，很不起眼 ，但是據說這裡的雲吞麵是最地道的，這是家老字號，一碗雲吞麵要差不多50元，的確不便宜，但是只要你吃了便不能再放下了，因為無論湯頭，雲吞，還是蝦子麵都一一到位，讓你一口滿足。…查看更多

Lunch time路經此地, 好肚餓，見有位就立刻不太考慮就坐下點餐醫肚。侍應介紹想快食嘅有餐牌上的午餐可點，佢推介「雞扒煎雙蛋飯」。我話ok, 就呢個，加熱0茶淡d，唔該。5分鐘後，來了一杯普里咁嘅色嘅熱0茶。（如果唔點淡d，是否已經淡了？我不知道，但難以想像可以會再有幾深色。🙄🙄🙄）但一碟之所謂快嘅午餐，正常的你會覺得要等幾耐？而我，結果等咗差唔多半個鐘。😡😡😡我等了20分鐘的時候，我問女侍應，會否可以跟一下張單，會否有漏單？佢話雞扒要煎、旦又要煎，等下啦，就走開了。我心諗，一個小時的午餐，拿了20分鐘等，我先問你一句，你千祈咪漏單，否則我怕我會顛！好了，等了第29分鐘後，來了一碟充満美極甘嘅色的「炸雞煎蛋飯」！🙄😖我冇話食炸雞！你亦冇話過系炸，你話煎所以才要等咁耐嘛！我真的費事講，只吃了旦和飯，其實都幾咸咯！但好肚餓，下午又要開會見客，所以即刻再點一個午餐是雲吞麵+熱0茶淡d（encore, 我已重點要求淡d）過程我沒有投訴，本來亦沒打算投訴。之後有個阿叔侍應來收拾，望一下炸雞，然後問我是否唔要？我話唔要了，不過我順帶一提，其實你地系「炸雞」這樣的話，餐牌最好要說明，因為有些客人可能是不吃炸物的。然後佢鬧爆我的語氣話，我地只是話隻旦系煎，冇話過件雞系煎喎！系你自己以為唧！我話：咁不如蒸雞呀麻？點解不是蒸雞呀？既然冇指名系煎的話，可以蒸、燉，你地確實冇話過系炸雞啦！佢繼續同我嘈，顛！！🌚🌚🌚🌚🌚🌚我話，我本來好心提一提意你們要在餐牌說明，商品說明條例要清楚啊！況且阿姐之前話件雞煎緊。咁如果我覺得上碟的是「煎雞蛋飯」又有乜問題？總之，我自己唔食炸雞亦沒有怨你地，自行再order一份午餐雲吞麵，但一個lunch要我咁受氣而吃了$150，其實冇必要再去食了！但我覺得餐廳的地段環境及裝修，是比較高份。很適合做cafe, 因為採光度十分好，如果你喜歡喝熱普里0茶，有空也可以不妨去坐坐。…查看更多

換過杯奶茶變左換另一隻杯！一枝公食午餐叫左個雲吞撈熱奶茶，杯奶茶一上枱就成個杯邊都係將乾未乾嘅奶茶跡（平時叫杯奶茶等一陣會在面浮起一層奶皮果款跡），咁緊係叫佢換過杯，點知佢就剩係換隻杯，仲要係求其搵隻唔知乾唔乾淨嘅水杯，我唔敢飲，駛唔駛咁慳！咁啱對面枱又有食物要換，一拎開我杯奶茶就行左去水吧位，侍應就係後面講我地張枱又換野！（咁啱我搭枱果枱客人又換嘢食）！你求其上菜仲好意思俾說話客聽？你都唔好講得咁大聲！我想同經手果兩位阿姐講：食蕉啦！臨走同收銀講就好細聲講sorry! 我唔會再幫襯…查看更多

下晝一眾同事一齊去食飯，咁岩有同事話想去食細蓉記啲盅飯，所以就去左細蓉記。餐廳入面好多人，放眼望去都幾難有4個位。侍應一黎就問我地幾多位，之後就叫啲自己一個黎食既客調位。終於，搞一大輪之後，有4個位俾我地落座食個安樂茶飯。點知，原來呢個先係開始。大家睇完餐牌，想嗌野食，有個阿姐話幫我地落。喺我地點餐既途中，阿姐不停咁催我地快啲嗌，我頓時覺得自己去左澳牛。嗌完，啲野食都好快上左枱，其中有同事向侍應表示想要豉油，侍應第一次都好快手上左豉油，第二次既時候就大大聲同佢既同事講：「俾一盅佢地啦。」我知，我地都衰，分兩次問你拎豉油，但我地都冇狂咁催，你又何苦以一盅相逼？上埋有「一盅」心意既豉油後，大家都開開心心開始食飯。咪住，仲要嗌野飲。阿姐如常用催人催到甩褲既口吻問我地飲咩後，野飲都迅速黎到，但有其中一杯唔岩。我地又搵阿姐。阿姐用大大聲既聲線問我地：熱奶茶吖嘛！？我同事話：熱咖啡啊阿姐。阿姐：你唔岩既話出聲吖嘛！…下？如果你鍾意呢種高壓式嘈音轟炸既環境，而本身又好鍾意賽馬啲馬俾人鞭嗰種感覺，你係可以黎呢度食個飯既。無可否認，呢度既野係好食既。但我都係想放Lunch食個開心飯，呢度同我都係無緣。推薦俾一啲想食好野又唔怕有氣受既你同妳。…查看更多

尋晚晚餐食左好多野，今朝都仲有飽既感覺，所以今日午餐想食清少少。上環既粥店唔多，多人排隊o個間粥品唔錯，但坐得唔太舒服，o係openrice搵幾搵發現呢間//細蓉記//原來每日都有是日粥，就試下佢。是日靚粥係香芋紫米粥，聽落好似係甜品，但其實係咸既。粥底好綿，配料有咸肉、紫米，同埋幾粒食落似荔芋既芋頭粒。我鐘意佢上檯o個刻既溫度岩岩好，唔會過熱要等好耐先有得食。$22黎講絕對收貨。擔心唔夠飽所以叫埋一籠馬拉糕，相信係即叫即蒸，大約等左15-20分鐘先到。黑糖味香，唔會太甜，夠鬆軟，幾好味。我勉強食得哂兩樣野，係好飽既lunch。lunch都幾多人，服務就普普通通啦，叫左幾次先有人幫手落單，但呢個價錢唔可以要求太多。…查看更多

星期日嚟呢度返工周圍好多地方都冇開門，唯有揀呢一間最近返工地方嘅餐廳食。本身諗住叫個粥餐食，不過仲粥餐唔跟奶茶。唯有叫咗個沙嗲牛肉麵加火腿煎蛋。個沙嗲牛肉麵只可以話係好食同唔好食嘅中間。下次都係叫返粥穩陣啲…查看更多

I order a few dim sum items along with the signature Hong Kong breakfast with milk tea . Dim sum items took a little longer to prepare since they needed to steam it.The Prices here are a tad more expensive than the shops around them. Beef noodle and the sandwich came out very quickly, super signature HK style which I crave often!…查看更多

今日經過上環，未夠時間食dinner，所以就light light地食個下午茶先走啦，黎到樂永街，最eye-catching 莫過於呢間「細蓉記」同埋對面間美心，美心成日都有得食，所以就決定去食細蓉記。下午餐茶去到6點為止，附近嘅上班一族如果知道要OT都可以提早落嚟食少少野，上環區黎講，價錢合理。我點左份下午茶A餐，「細蓉雲吞麵」，附餐飲，速度超快，轉眼就煮好碗麵。 麵質啱啱好， 雲吞有四粒，用料算不過不失。因為係下午茶，份量唔會太大，女仔黎講就岩岩好夠醫飽個肚。…查看更多

哩間細蓉記第一次食，但係店面就好pop up，係正文咸東街街市對面。如果你行過海味街一定會見到佢今日同媽子二人午餐揀jor哩間我地嗌jor碗粥，是日係南瓜碎肉粥；南瓜融曬而且好甜，都幾入味；仲有一個午餐套餐：雲吞撈麵；有6粒細粒既雲吞，味道都唔錯仲有嗌jor佢既油菜同煎釀茄子不過同酒樓比就差啲埋單111，人均56以下，係上環黎講算係咁作為中午飯，可接受…查看更多

今日午餐想食得簡單啲、清清哋，突然想起雲吞麵，淨食一碗面又少左d，唔多夠飽，於是同朋友去左呢間餐廳食。佢地有好多種食物種類選擇，雲吞麵、盅頭飯同點心都有架。未講食物之前，講吓餐廳嘅裝修、佈置。佢地放左好多香港昔日舊照於牆上作裝飾，襯番 '細蓉' 呢樣有歷史價值嘅食品。不過上面時尚嘅英文書架裝飾有d唔啱主題。講番食物， 雲吞麵好香蝦子味，雲吞d皮好薄，蝦新鮮彈牙。蝦餃皮薄滑，蝦好新鮮。燒賣足餡，口感同味道都好好。菜心都煮得啱啱好，好味。…查看更多

今日同朋友隨緣搵間餐廳食午飯， 經過見呢間餐廳好大，有好多食物種類選擇， 我哋就決定入去試下。餐廳主要有幾類食物， 包括雲吞麵、盅頭飯及點心， 我地各自叫咗一碗雲吞麵同一碟油菜。 雲吞麵~ 聞起嚟非常香 ，我唔sure，但覺得好似蝦子味。 雲吞皮薄餡靚， 啲蝦好新鮮好彈牙， 好好食。 湯底鹹淡適中， 食完唔會好口渴， 應該冇乜味精。菜心~ 烚得軟硬到啱啱好， 加咗少少熟油，好香。我哋坐卡位，對面有兩位好斯文嘅日本藉太太， 佢哋order咗蝦餃同燒賣， 睇起上嚟好似好好食，於是我哋又跟佢哋order。佢地見我地跟佢地order, 豎起手指公點頭笑住同我地講 : Oishi 蝦餃 ~ 皮又薄又滑，餡又靚， 蝦好新鮮， 一客兩件，兩個人食啱啱好。燒賣~ 比蝦餃更好味， 餡料同口感更豐富， 都係一客兩件。Overall黎講，呢間餐廳嘅食品真係幾Oishi ，值得推介!下次我會試佢地嘅蒸盅頭飯，見d靚仔食得好滋味咁。…查看更多

新正頭，每年都去上環文武，觀音廟拜神祈福，排隊入塲等大半小時，入去裝香摺金銀，加埋2個多小時，出來清潔身體香灰，要有體力，出來後更要揾食，坐吓，抖吓，打吓機，上吓網，唔想過百元的價錢，唔想去快餐店，想找間靚的茶餐廳，食立雜野。兜咗上環一圈，一係酒樓，cafe,麵檔，舊式茶餐廳，經過細蓉記，看menu,有點心食，剛剛下午茶有特色茶餐，有卡位，(之前都知，以為只有雲吞麵)，入去十分嘈吵，可能正餐顧客未走，阿姐叫我坐圓櫈，更係吾坐，出來走德輔道中再找，好些只有一間稍為大些點心舖，都係走回去。進去，已走咗一半人，静咗，見到拍牆梳化，景觀開揚望街景，坐低想吓，此處叫细蓉，即出名雲吞麵，吾食好似浪費肚，叫，叫下午茶细蓉套餐$41(細碗)，其實正價套餐都係$45(大碗)，湯咸，麵質爽彈，雲吞皮薄滑，蝦彈爽，及格，但好多雲吞麵都做到，加多件占醬多士$16，叫檸茶來奶茶，無所謂。話阿姐無禮貌，其實大大聲粗聲粗氣，一般阿姐都係咁，個樣都係辛苦樣，都係落單拎食物來，都無理佢吔，睇單點解加一？埋單問收銀，新年收加一，做埋今日，明天開始正常:(…查看更多

路過呢度，見到有D Review 話店員服務態度差，雲吞麵天價。覺得有D surprised. 決定寫夠200 個字，留言幫佢地平反一下。我是上環居民，這間中式快餐幫襯得算多。我通常幫襯奶茶雲吞麵，一年十幾次左右。兩樣都OK。真係吾覺得佢地服務差或特別貴。我也不介意向遊客推介呢间的的雲吞麵。不過，最近幾次幫襯都覺得D 麵的口感過於生硬，個人不大習慣。不過整體都OK，喜愛雲吞麵的不妨試試。吾會差過麥奀記丶黃枝記。…查看更多