影片
新加坡菜餐厅新加坡海南鸡饭佢d摆碟ok 有个木板托住 碟都系靓靓地但系...个食物, 个鸡, 真系卖相一般海南鸡好似系食紧白切鸡咁, 斩到一旧旧 有旧骨中中间真系几伏下油饭 但无咩味朋友叫左香焗马来咖喱鸡扒饭卖相ok 焗饭焗得几香有芝士系面头
继续阅读
已经已经帮衬呢间高质良心餐厅好多次，每次都保持一贯水准，系我最欣赏嘅餐厅之一，今次party选择咗呢间餐厅嘅到会服务，真心有惊喜同劲好味，嚟紧又到圣诞除夕，可以烦少样，一定再encor😋👍🏻帮衬呢间高质良心餐厅好多次，每次都保持一贯水准，系我最欣赏嘅餐厅之一，今次party选择咗呢间餐厅嘅到会服务，真心有惊喜同劲好味😍👍🏻我哋重点介绍👋🏻拣咗我至爱嘅🌟牛油鸡翼🌟😍皮脆肉嫩👍🏻，味道一流🌟炭烧猪颈肉🌟😋Juicy软淋👍🏻，炭香焦边🌟青咖喱鸡🌟😋足料嫩滑👍🏻，椰香味超正🌟椒盐鸡翼🌟😋嘢味香口👍🏻，食唔停口🌟泰式金边粉🌟😋超大份，炒得刚好味道一流🌟泰式凤爪🌟😋酸辣开胃👍🏻，小食必叫🌟大虾沙律🌟😋份量十足👍🏻，小朋友争住食🤣外卖到会好多时惊送到啲嘢食冻晒或者淋晒，但餐厅好用心将新鲜煮好嘅嘢食包装好，加埋保温袋再尽快送递派出，所以送到时够晒热同仲好脆口，所以相当难得，堂食服务员已惊好有礼貌同细心，估唔到外卖都照顾周到👍🏻真心俾个叻叻你哋，好味抵食，性价比照高，今时今日真系好少有，希望你哋继续加油💪🏻，我会继续支持嫁😂嚟紧又到圣诞除夕，可以烦少样，一定再encor😋👍🏻
继续阅读
体谅关心客人既紫碟花 应该系我有生以黎最最最有特色既海南鸡饭，先讲外观，一黎到我已经爆左句: 哗，碟鸡咁核突既! 噢，Sor, 我唔应该以貌取鸡。 净睇已经知，系斩完再番蒸既鸡，我当你唔系隔夜鸡，可能系担心天气冻，所以蒸番热比我，又几窝心既... 到味道喇，哗! 真系几健康，几关心客人既身体状况，零味道充满鸡既天然腥味，系鸡腥!过火既肉纤维质感考验紧我牙骹既强度，真心佩服!跟餐既例水，唔单止用黎湿下口，反而同健康既鸡肉有个反差，互补不足...饮一啖应该足够一日钠所需，呢个鸡同例水既配合，简直精彩!个油饭就唔多讲喇，应该唔到我去评论了... 另一样，叫既系咖哩牛腩捞檬...落完单，1分钟内上枱，我明我真系明，咁有効率我仲可以讲咩，反正同好多嘢一样，都系“整定“咁... 相较海南鸡下，咖哩牛腩捞檬就逊色左啲，净系体谅客人牙齿既健康，将檬粉煮到可以用匙羹不黎食，近乎粉丝既硬软，当然不得不1佩服厨师既用心; 个咖哩汁就非常挂汁，接近咖哩膏，几乎怀疑系食紧甜品咖哩布丁! 跟餐饮品，新加坡奶茶应该都系因为关心客人健康，少茶少奶多水，感谢你。反而新加坡咖啡就普通左啲，无咩特别^0^!
继续阅读
7个人食饭 间间餐厅都无位 见呢间有就入左去叫左一个4人餐 一个2人餐先讲咖哩 不论青咖哩定黄咖哩 都系无味无道 香都唔香咖哩鸡同冬阴公鸡煲啲鸡 皮厚肉少 仲要得几旧 配料青椒洋葱就成煲 超唔抵冬阴公汤竟然可以无虾 违反商品说明？炒贵刁 系好似呢到啲人咁讲，真系好有获气呀 不过系㶶左果只获气呢连杯椰汁冰都系无味 可以叫椰水唯有合格既可能系得碟炒通菜 同猪颈肉不过如果呢啲都唔掂就死得服务又差 成枱都系吉碟都可以唔收下 阻住晒啲位总括黎讲 佢有位系有原因 唔信嘅 欢迎帮衬下
继续阅读
晚市一家人出嚟食饭叫咗条蒸鲈鱼，估唔到咁都会中伏！！！四个人叫咗几碟小菜，食到一半条鱼上嚟望落去个样都「是是正正」，点知一用筷子夹开，中间鱼骨嘅位置就有超大嚿血红色嘅物体，似系一啲瘀血血块，连带鱼骨附近嘅肉都染晒色见到咁嘅情况，我哋即刻叫经理过嚟睇，睇下可唔可以换过条鱼畀我哋点知经理二话不说，就话：「冇得换」佢话佢哋呢度嘅鲈鱼「条条都系咁，个个食过都话冇问题」「就算换咗，新个条鱼都系咁」唔知系我见识少定系乜，但系从来都冇食过驴语中间系有嚿血块嘅最后我哋都系食唔落，净咗条鱼就埋单走人影低张相放上嚟，都好想睇下有冇高人可以指点下，泰式蒸鲈鱼系点样
继续阅读