紫粵軒

幾個朋友食飯，酒店有代客泊車，食滿$500 有免費3小時泊車優惠。👍食物新鮮，雖然種類不多。但味道好，感覺味道較清，少味精，👍加上多款信用卡現正有75-8折優惠，抵食。如果有大閘蟹食就更好，因為OpenRice裏面最多食物照片就是大閘蟹，仲以為而家有得食去到才知道沒有。　　　所以特登點左個釀蟹蓋，入邊蟹肉十足，味道鮮美又不太鹹不太油膩，推介牛肝菌菜膽湯亦都10分清新北京填鴨一隻分量很大，夠四至五人食，味道亦不錯。

天氣轉涼，紫粤軒再度推出"淥淥"無窮火窩套餐，但今年有限每日只售二十位，急不及待去訂位。今年訂價平咗，平日只係$398,可能將價就貨，花膠薄如纸，似鱈魚膠，好在個蠔汁保持水準，超好味😋主打牛肉拼盤同海鮮拼盤，雖然賣相一般般，但quality 仍是不錯的。唯獨是D丸，仍有好大進步空間，同去年一樣，唔夠弹，唔好食。雖然食物質量同我expect 嘅有D出入，（珠玉在前)😅,但埋單只$8xx,的確比去年平咗好多，加上好明顯understaff,但服務保持水準，也不能太計較。個人認為，我情願佢做番舊年價錢，比番好DD嘅食材比我囉。

今日去左將軍澳紫粵軒飲茶、今次巳經第二次光顧、因為他們的点心十分出色、尤其是錦滷雲吞更是一食難忘、-蝦餃、烧賣-帶子腸粉也十分美味-最近試左椰皇燉鮮奶核桃也好正、有時间會再去

中午見客傾偈想找在西貢附近的好地方，突然想到這裏，好多年沒有來了。點心一般 但在將軍澳區的話OK啦反而帶子炒飯做得不錯鹹水角OK但蘿蔔絲酥餅就不夠鬆脆了環境加氣氛 Ok la

星期六兩個人，如果去食一隻阿拉斯加蟹又食唔晒，經過紫粵軒見到有蟹餐，冇任何折扣之下嚟解下蟹癮。我諗成個餐每人只有兩隻蟹腳嘅份量，好似蛋白蒸蟹係將蟹腳開邊再斬半。味道都唔錯嘅，係其中有碟上湯浸菜得幾條都廢事影。呢個餐我覺得最盡只值$398，而且一入坐等咗一段時間都未上菜，第一道菜係沙律唔洗整好耐卦？在場所見其他人係食小菜或其他，可能我哋另類啲。問侍應又好似唔知我哋訂座時訂咗呢個餐咁。食得唔盡興，又貴，埋單連加一$1355兩位。下次都係多幾個人去食成隻蟹啦。

在Crowne和Holiday Inn在將軍澳開幕的時候, 我一直想為什麼將軍澳要有酒店呢? 作為一個住宅區, 有兩幢如此高的酒店, 要提升入住率相對應該較困難吧! 不過酒店餐廳職位將軍澳這個美食沙漠, 提供更多的選擇, 例如之前Holiday Inn在開張時有稻菊的副線INA by Inagiku, 而Crowne則有全將軍澳最高的餐廳星幕, 以及今次介紹的紫粵軒. 她主打的是傳統粵菜, 晚飯Promotion有湯, 飯, 三道主菜及甜品, 三個人食旳份量也只是四百多元, 以酒店粵菜來說應該是最抵的了. 湯品點了海參蝦肉羹, 外表有點似碗仔翅, 蝦肉大而彈牙, 但海參絲則幼了一點, 味道鹹香不會死鹹, 合格水準. 三個小菜點了燒鵝, 蒜香安格斯牛柳粒以及海味菜煲, 也沒有甚麼大問題. 燒鵝肉汁豐盈, 雖然沒有太多炭香, 但外皮夠香脆; 而牛柳粒也夠火喉, 蒜片也沒有炒焦變苦的味道, 如要找一點批評的, 就是份量不夠三個男士吧, 所以再點了一個炸子雞, 基本要的元素也有: 就是皮脆肉嫩, 而且沒有雪藏味. 不以淮鹽拌菜, 用上柚子蜜糖醬令其更清新, 值得欣賞.

點心價格不便宜，偏貴，食材不見得特別優質，蝦餃和燒賣也只是用雪藏蝦。鮑角繪飯，用上好咋的鮑魚！唯一好處是座位較寬敞！可以不試！用了open rice 八折優惠，也要$430!

紫粤軒晚飯， 環境清靜整潔，令到心情暢快。服務質素好好但有待改善，例如上菜嘅禮儀。叉燒外脆內院多汁又美味，其他小菜味道配合得天衣無縫！甜品好好味😋 整體來講值得試吓！

🚗今天乘坐摯友的座駕，到將軍澳皇冠假日酒店的紫粵軒飲茶📯酒店中菜廳當然有給人坐得舒服的空間，服務也是到位的🔰水晶蝦餃皇，蝦肉新鮮爽口，若能提升蝦餃的香味更佳🔰鮮蝦豆苗餃，飽滿，晶瑩餃皮包着爽口的蝦肉，和賣飛佛的豆苗，軟嫩的豆苗充滿撲鼻香，美味的出品🔰鮮竹牛肉球，色澤均勻，有絕配的芫茜和馬蹄粒，質感和味道都不錯，點埋喼汁更好吃🔰香茜牛肉腸粉，牛肉和芫茜都是很好的配搭，雖然腸粉皮厚了些，但都是滑溜的

紫粵軒位於將軍澳假日酒店二樓，餐桌的密度當然比一般食肆寬敞。作為前菜小食，燒肉和叉燒算是相當有水準。食物的份量和質素，也不至於太過小巧。印象比較深刻的是炆柚皮，入味不澀，頗為地道。炸子雞也沒有炸泡得「大紅」，而有點西式燒雞味道。至於紅燒元蹄，伴點髮菜，肥而不膩，讓我也禁不住纔嘴吃多了幾口。最後那個福建炒飯，豐富的材料完全蓋過了底下的飯，讓那些平常「無飯」的朋友食到幾乎碟底「照鏡」。因為是朋友請客，我也就不便打聽這頓飯的價錢了⋯

聖誕下午茶，今年走一下中式路線......人棄我取嘛點心種類不多，也沒有金魚、企鵝這類可愛造型，賣點可說是穩定的品質。松露餃應該用了脆肉瓜、雞脾菇加黑松露醬調味，味香而不寡。另一樣必點是黑糖馬拉糕，是自己一籠那種。蒸糕質地綿密，不會過鬆，很有彈性。黑糖反映在顏色多於味道，甜味適中，吃兩三件也不怕。帶子餃個人覺得太淡，鮮味不突出。奉枱的XO醬和辣醬也不錯，如果茶葉更嚴選一點就好，畢竟收費也不便宜嘛⋯⋯

請屋企人食晚飯，揀左輝哥歡聚餐及單點左兩樣餸🤧單點～話梅番石榴：同想像中唔同😅呢個似台灣夜市食果啲現切番石榴，當然呢到價錢貴好多，我地覺得好唔值😂😂😂單點～鹽焗雞：聽職員講所有完整雞都係炸🤧只有鹽焗雞係焗，雞件肉嫩皮脆，少少鹽香鹽香，係唔錯既👍🏻輝哥歡聚餐：叉燒包住咸蛋黃，舊肉比較瘦，食落去比較乾身鞋口😅，如果一分為二，口感質感可能會好啲！香檸煎虎蝦，汁醬特別，酸酸咪咪好泰國🤣所以都係偏濃味，大大隻虎蝦，多肉彈牙！呢碟係南瓜炒黑豚肉，惹味餸白飯就岩晒，不過我覺得濃味左少少，最好食係啲南瓜😌唔記得豆苗定覓菜🤔上面舖滿菇及少量瑤柱，清淡穩陣之選，我食得最多😊欖菜肉鬆炒飯～呢個要讚👍🏻飯炒到粒粒分明又夠乾身，幾種配料炒埋咸香味出晒黎，最喜歡呢個炒飯😆😆最後係甜品棗皇糕及杏仁茶湯圓😌幾香棗味，煙韌但甜左啲，湯圓係我最喜歡既芝麻餡☺️無咩流心。本身杏仁茶我好少飲，好難有比較🤣呢個杏仁味我諗算濃掛？總括黎講，上次係花膠果個餐，全部人都食得非常滿意滿足😂而今次輝哥餐質素就麻麻地，野食偏濃味又唔特別，分量又少，真係真係好唔唔抵食囉🤔

老細贏咗馬請吃火鍋。在某社交平台看到紫粤軒淥淥無窮火鍋套餐。唔可以算話抵食但係價錢同質素成正比，絕對可以接受｡牛肉靚,海鮮正,配菜任食，湯底足料。前菜係超好味皇冬菇炆花膠，好味。我地叫左豬肺杏人湯底，足料我哋本來叫左好多配菜,但係牛肉同海鮮份量頗大,部長仍有溫馨提示,最後都刪減左一半配菜,沒有浪費到食物｡另外加38蚊青島白罐啤任飲！其間有個小唔會,以為asahi 都係任飲，點知拎到埋嚟耍68蚊一枝，未計加一。好彩部長肯取消！😅全晚最失敗係各式"丸","鞋"口兼唔好味。仲有特別嘉賓小小強。埋單千零蚊，正常啦。

踏入窩夫的生日月，在農曆生日那天跟媽媽去紫粵軒品嚐花膠「足三両」套餐。花膠「足三両」套餐每位598元，星期一至五(公眾假期及特別日子除外)憑指定信用卡結帳，可享八五折優惠。相中的花膠扒看來像金魚嗎？打頭陣是金箔竹炭鱈魚粒伴桂花車厘茄，金箔竹炭脆漿做得不錯，不會太厚，桂花車厘茄卻不太合窩夫口味，個人比較喜歡話梅跟車厘茄。濃湯太極燕窩羹的賣相不錯，蝦肉和蟹肉的份量非常多，燕窩的份量也不算少。堅果炒牛柳粒的顏色很豐富，堅果有開心果和合桃，牛柳粒一點也不韌，但味道偏鹹。主角足三両花膠扒來了，蠔皇扣得夠入味，花膠扒很厚身，軟硬適中，叫人吃得非常滿足。燕麥遼參浸法國青豆的配搭很新鮮，遼參偏硬身，法國青豆煮得軟身一點，吸收多一點上湯會更加好吃。跟窩夫預期中的芝麻糯米餅有點出入，窩夫會形容它為煎珍珠雞，兩層糯米餅中間夾有臘腸粒和冬菇粒等。甜品有合桃露湯圓和黑糖蜂巢糕，合桃露質地太稀，沒有合桃香，其中一粒湯圓還未煮透，叫人太失望了。

不止一次來光顧此食肆，每次來都覺得這裏的食物質素不錯、環境清靜、佈置典雅，窗邊位置更能不時感受到陽光。喜歡它的點心，雖然性價比低了一點，但每一種都是那麼的精緻，且色香味俱全！每次惠顧完後，都會帶著滿意的心情離去。