影片
以上资料只供参考，请与餐厅确认详情
食物新鲜有心思，以健康为主，冇素肉只有原材料，呢间至系真正健康素食餐厅！试咗三骰丼，全部食材切得细细粒，用日本米及日本酱油，好好食😁要encore!日本仔炒面，加咗沙律酱及日本蛋，混合蛋汁放入囗又另－种味道。日式酱烧豆腐串用咗绢豆腐，内面仍然软软的，酱味适中，每次去一定要食😆薯条+自制黑松露酱，食到食唔停口㖭😄另外饮品有咖啡及其他选择，试咗bring love, 好特别及好饮！咖啡亦唔错。最后一定要试老板做的cake, 件件真材实料，亦有全素及无面粉种类，很细心试咗朱古力蛋糕及柠檬芝士蛋糕，超满足！！！最好上佢社交平台睇餐厅开放时间，然后whatsapp book位，非常方便。如果赶时间，可以预先落order.要多多支持有质素小店啊！
继续阅读
素心事💚位于观塘嘅素心事，系一间蛋奶素咖啡店，餐点有纯素及五辛款式选择，没有任何肉类。除了素食外，佢哋嘅自家制甜品，无酒精Mocktail及咖啡都非常出色。素心事提倡健康饮食，所选用嘅材料都非常优质及新鲜，追求食物原味道，少用味精或添加剂。店员友善待客，挂上笑脸，用心介绍每一道菜，非常有温度。店内环境舒适，墙上挂满唱片及小结他，播放昔日金曲，满满怀旧感，我好喜欢一个人留系到听住金曲，享受ME TIME。🌱转转蛋日式咖哩杂菜饭 $88呢道菜不但口感有层次，当中仲蕴含著健康元素，所选用嘅时令蔬菜有莲藕，萝卜，薯仔，茄子及日本蛋，营养价值好高。蔬菜配上日式咖哩汁，放上转转形状嘅炒滑蛋，胃口大增。🌱焦糖炖蛋 $48呢款甜品，整得好好食，想叫多一个！炖蛋口感奶滑，充满蛋香，好似食雪糕咁。面层焦糖烧到糖色玻璃状，唔会过浓。轻轻敲碎面层焦糖，每一口炖蛋都带有焦糖味道，而家仲好回味。🌱陪蜜友 $58呢杯饮品造型模仿啤酒，放上一大粒圆波波嘅冰，味道系柚子蜂蜜味嘅焙茶，味道微甜，好好味。
继续阅读
同学聚餐，由斋人我间餐厅，咁就梗系斋舖😎呢度地方唔大，一眼见哂，不过都坐得舒服。WhatsApp 订枱食晚饭，老板会sent个menu俾我睇。 同埋会问食唔食蛋、五辛或者有啲咩唔食。Confirmed 时间、人数后，需要落deposit, 都合理嘅，怕你 no show 嘛！食物款式主打日式，我问咗老板，每个月会转菜式，不过我谂应该大同小异！每度菜𠮶卖相都有心思，全部都几好食，有啲仲几特别。成个course包一杯饮品同homemade cake, 有啲饮品可能要补钱…朋友话咖啡好正，而我就觉得啲homemade cake 几好，我要咗件辣椒蛋糕，几得意…aftertaste 真系有少少辣嘅感觉！ 而且唔太甜，啱啱好。我其实唔钟意食蛋糕，但系竟然成件食哂😅同老板倾咗一阵计，原来咖啡同蛋糕系佢地嘅强项。Homemade cake 仲可以另外买，当然要预订。成个course 系$400.00 per head, 真心觉得值！ 冇加一。我唔会逐个dish去讲好唔好食，一来唔记得咁仔细，二来其他comment 都有cover.总体黎讲食得几开心，会再去😬
继续阅读
坐底左等左>35 分钟都未煮，好在佢都愿意还返钱。但真系白等，当时大慨8个人到等紧餐，另外有4 个食紧，如人手不足，无法应付客量，应该入座时先提醒，平日lunch hour 有几多人可以坐系到慢慢等。
继续阅读
同纯素🌱🧑🏻🍳朋友揾嘢食，而家香港暂时未有太多纯素餐厅，所以先打📞嚟确认一下。我嚟过呢度几次，主食试过好几款，今次要转纯素，店主话冇问题，基本上所有主食都可以改为vegan，而纯素甜品就有2款选择。2个人点咗沙律🥗、烧饭团配渍物🍙、黑松露野菌意粉🍝、玄米茶🍵同埋朱古力慕丝🍫。沙律🥗：主食➕$20；蕃茄仔🍅好甜、多汁，沙律菜🥬新鲜，值得加配烧饭团配渍物🍙：渍物有4款，店主Justin逐一介绍，建议可由甜食到咸。烧饭团有3个，朋友食完1个再encore，估计味道应该唔错黑松露野菌意粉🍝：改用植物奶制作，同外面的黑松露野菌意粉相比，呢款同样creamy但淡味啲，感觉轻怡亦好味😋玄米茶🍵：朋友点既，唔系用茶包，以玄米冲调朱古力慕丝🍫：惊艳甜品！🤩呢度大部分甜品的水准都好高，以试过chocolate mousse cake令我成日挂住想再食；今次试纯素朱古力慕丝，Justin先讲解材料同选用原因。慕丝好滑，朱古力味够浓，而且少糖，健康好食😋呢度消费唔算平，食物份量亦唔大，不过感觉好warm，店主会逐一介绍食材，整体用餐经验非常好。花多少少💰，食啲用料好、用心制作的食物🥇🍽️，系值得既~💕
继续阅读