素年 (高安閣)

营业中

休息中

素年係一間唔錯嘅素食店，雖然每間分店餐牌都有少少分別，但總括嚟講都係唔錯嘅，而今次就係我第一次叫熊貓外賣送嚟。🤗今晚嗌咗以下呢啲🤗素年經典不可能芝士漢堡🍔番薯條🍟十九幾種蔬菜藍莓鬆餅全日早餐🥗🥧熱京都宇治玄米茶🍵斯里蘭卡伯爵茶🥤我覺得叫不可能漢堡俾男士食係最適合嘅，因為像真度夠高，而且又夠飽肚。🤭🍔番薯條送到嚟，雖然係淋咗，但都一樣又香又甜，好過食薯條。😃🍟而十九幾種蔬菜藍莓鬆餅全日早餐就真係有19款蔬菜喎！😆 而個藍莓鬆餅同埋士多啤梨果醬，其實都幾好味，不過佢就咁放咗喺沙律面，就整淋咗一半，否則當然更好。😜🥗🥧熱京都宇治玄米茶有玄米味嘅香味，正常水準。😀🍵凍斯里蘭卡伯爵茶就出乎意料地香濃，吞咗落肚個香味仲逗留咗一陣。☺️🥤總括而言：質素維持，會繼續支持香港食肆。😋💪🏻

近年來，越來越多人開始重視健康，傳統素食似乎變得平凡無奇，甚至有很多人將素食視為無趣的粗糧。然而，這次在朋友的介紹下，我發現了一間素食餐廳，令我對素食的定義有了全新的看法。雙層芫荽不可能芝士漢堡 $138 麵包鬆軟，Impossible植物肉的口感更是柔軟多汁，幾乎可以以假亂真。再加上大量新鮮的芫荽，不僅增添了清新的味道，還帶來了脆爽的口感。川味芫荽花椒香辣意粉 $88 這道意粉用什菌和金針搭配花椒油炒香，麻而不辣，讓人回味無窮。每一口都帶有獨特的川味魅力。這次的素食體驗，讓我重新認識了素食的多樣性和美味。

今日少人，來太古店試吓，一心期待，個個19幾種菜，難食到一個點係你以後都唔唔想嚟呢間餐廳，最貴嗰個，但係最求其整嗰個，其實諗唔到咪冇整囉，入邊嗰個牛油果仲要係爛嘅黑色

Bookmark咗好耐嘅素年！試咗佢哋嘅幾款菜式，每個dish都配搭紅茶或者玄米茶～烤野菜牛油果中東鷹嘴豆泥碗配意大利香草包 $118呢兜應該有半個烤過嘅椰菜花，略嫌西蘭花苗份量太少，得一條，如果同椰菜花嘅份量balance下就perfect啦～蔬菜好香烤過嘅味道，個醬好香又好thick，用咗唔同香料同埋鷹嘴豆泥，搽落香脆嘅香草包 ，好夾！整體味道清新，適合想食健康嘅朋友～夏威夷三文魚豆腐牛油果蓋飯碗 $108畀呢碗嘅份量嚇親！好colourful，食材包括蒟蒻三文魚、百頁豆腐、枝豆、沙律菜、牛油果等等。每一啖都好滿足，蒟蒻三文魚望落真係呃到人，口感好特別！自家製純素千島醬味道比正常千島醬淡。食落唔漏。飯嘅份量好多，絕對對得住個價錢！素年嘅菜式都非常新鮮同健康，適合各種飲食習慣嘅人，無論你係素食者定係想試下輕食，素年絕對值得一試！

周末午巿時間，叫咗兩個main，一個係 “夏威夷三文魚豆腐牛油果蓋飯碗”，另一個係牛油果跟酸種面包（忘記左餐牌上嘅名係乜）。跟餐叫咗兩個小食，一個係番薯條，一個係炸魷魚圈。番薯條同魷魚圈都炸得幾好，夠熱，而且魷魚圈真係做到好似，問咗職員話係蒟蒻，佢跟嗰個醬都好味。 餐飲加咗個雜莓smoothie （好似叫抗炎寶寶 ）正常味道，唔會太甜，幾清新，賣相幾好。最後加咗個甜品，係開心果蛋糕，但我覺得個蛋糕太“漿口”，唔知係咪因為佢要用全素材料嘅關係。味道嚟講我覺得算中上，太古呢區黎講有呢種cafe有啲靚靚食品算唔錯。

本身是素年粉絲多年，在港島未有分店前，經常去深水埗分店食，好欣賞佢哋可以將素食都做得咁有新意，又會用上本地菜等新鮮食材，令每樣菜式都健康有益，同會期待下次再去！除咗灣仔姊妹店wanaka，太古here亦係我哋經常幫襯嘅餐廳，食物一貫好味，仲不時轉餐牌，每次去都有唔同選擇，可以試到唔同嘅時令食材！今日侍應幫我落完單後，主動幫我睇吓有咩優惠，發現我有$50 coupon，幫我扣咗$50，超好人！食完飽飽嘅一餐，臨走先記得自己要食中藥，大膽問店員可唔可以買一杯熱水，佢哋笑笑口話唔使買，知我冇自備杯，就幫我攞咗佢哋隻靚靚紙杯斟一杯熱水俾我，仲細心地冇裝到全滿同俾埋杯蓋我（怕我倒瀉），出門口時仲俾多張紙巾，我包住隻杯隔熱，會不會太sweet呀！🥰

成日都懷疑素年係咪真係素食餐廳 點解煮素都可以煮得咁好食🥹真係好食過唔少食肉餐廳～次次lunch time去都大排長龍 今次平日夜晚去，容易小小搵位 但其實都幾乎爆滿，好誇張😝————————————————————➱ ✨日式六式伴菜茶漬飯料理 $158➱ ✨雙層芫茜不可能芝士漢堡 $138➱ ✨川味麻辣不可能肉醬闊條麵 $98————————————————————好鐘意茶漬飯料理嘅6款伴菜，特別係花椒牛油果豆腐同三文魚卷，食落真係以為食緊真嘅三文魚卷，好味得好驚艷😍呢個set唔止好睇，有埋日式拼盤，打卡一流 茶漬飯配埋脆口紫菜，口感好豐富😋麻辣不可能肉醬意粉都係經典料理之一，蕃茄、番茜、洋葱做base加埋紅尖椒芫茜蒜蓉，純素巴馬臣芝士，仲有一定辣度，食得好過癮😋

第一次試左素burger ,今日同同事一起食「素bowl 」點左二個三文魚沙律碗要左半飯半菜，本身內心會諗「素三文魚」會唔會好奇怪，但意料之外佢扮魚扮得幾似，夠凍，有陣魚味同埋口感都做足魚既質感，仲有點日式醬油風既口味，但只係得三片有啲少而菜同飯量都好足，幾鐘意佢地配左火龍果酸酸甜甜好開胃，菜仲分左唔同類，有酸椰菜，雜椒青瓜，高蛋白質既毛豆，水果有牛油果火龍果，仲有幾片小蘿蔔同紫菜，不過男士食就可能量唔夠啦，見到旁邊食麻辣炒意大利粉好似好香努惹味下次再試下

見open rice 評分高所以入嚟試下，叫左burger 同日式烏東，烏東個湯好淡無味，其他配菜都係一般，好淡味。Burger 個醬好甜，味道怪怪又無層次。呢個價錢真係覺得好伏, 去食羅漢齋飯好食得多。

星期六同朋友到太古既素年食lunch補祝朋友生日。十九幾種蔬菜有機本地野菌全日早餐擺盤幾精緻，食材都新鮮既，始終係蔬菜，所以都唔會好難食，就係蔬菜本身既味。素年經典不可能肉醬意大利粉呢個整到幾似真既肉醬意粉，味道唔錯。夏威夷三文魚豆腐牛油果沙律碗呢個同全日早餐既材料非常相似，好似食緊差唔多既野甘，比較重覆，三文魚都整得幾似既。香芋番薯波波原來無影到相，熱辣辣好食。飲品各自叫左2杯西柚咖啡湯力、黑豆黑芝麻燕麥奶、檸檬金盞花桂花茉莉花茶。

隔左兩年 再幫襯素年有驚喜！🤩記得兩年前左右幫襯過素年另一分店，嗰次食完記憶中感覺係比較好普通。近日因為外出食飯多，食得比較少蔬菜，事隔兩年，又提起興致又想再試試。一睇menu，有好多選擇，我同另一半簡左呢兩個主食。十九幾種蔬菜本地野菌全日早餐 （$158）食材包括：本地蘑菇,薑⿈⾖腐,薯⻆,福花,羅勒番茄莎莎,茄⼦,雙⾊意⼤利⻘⽠,翠⾁⽠,⻘⽠,菠菜苗,沙律菜,紅菜頭,⾞厘茄,珍珠粟⽶,波⼦蘿蔔,紫椰菜漬, 松⼦仁,⾹草軟包見到有呢個選擇即刻二話不說簡左佢，因為可以同一時間食到唔同健康元素。大部分食材都好味道，只有薑黃豆腐口感味道係無咁好，但似終薑黃都有好處-最為人廣知便是消炎抗氧化。最後，我地都將成碟全日早餐清盤了😋田園本地有機莧菜青醬薄餅（$128）食材包括：野菌,西蘭花苗,枝豆,意大利青瓜,藤處子蘿蔔,車厘子,合桃,純素水牛芝士薄餅一上枱面熱辣辣，焗得香噴噴，配料怖滿整塊pizza👀 放入口，味道好夾，冇肉但都好有層次。跟餐有玄米茶/凍伯爵茶飲，綜合全晚食好多蔬菜食材，補充左唔少平日少食嘅元素，大滿足啊，同另一半食到捧住肚子走😚😋

Weekend與家人3位去食lunch，覺得呢間野無論食物質素同服務態度都與收費不乎！1）食物質素差！與家人點了兩份impossible burger及一份avocado salad，首先burger塊扒居然係燶到黑炭咁，仲要食到苦味！廚房用超厚嘅蛋黃醬想蓋過燶味，唔老實！再離譜嘅係麵包皮都可以煎到黑炭咁燶，收百幾蚊一個set唔會expect係呢個質素掛，比狗食仲差！另外，avocado salad居然牛油果都係變壞、黑嘅，平價蔬菜都無辦法用好少少嘅料，可見餐廳對食物質素完全無要求！過分！2）服務態度都係差！無book檯weekend去要等位，係預計之內。但係喺店員安排入座上，好有問題！店員不斷叫排後面幾組兩位的食客入座，直到排我地後面的食客全部都入哂座，先叫我地入座！等多左超過20分鐘。安排上唔係應該等到有3人檯叫左3位食客入先咩？另外，餐廳連蝶都無，隔離檯serve餐具係連蝶的，我地要問先有餐具，仲要無蝶，喺要求下，店員居然問我地小朋友碗用唔用！同家人歲數加埋都過百，會唔會係用小朋友餐具呀？店員毫無常識！3）價高、唔值餐廳聲稱有優惠啦，咁問店員有咩條件可以用，店員竟然答我自己睇條款

【不可能漢堡】在附近處理了一點事，星期三的 11：55 到達，已經 7成滿人。我們點了“素年經典不可能漢堡”（$138）。好味，個漢堡幾可亂真，包同菜的處理也很好。炸番薯條好味，香和脆。也點了“夏日芒果三文魚牛油果沙律碗” （$108）。個蒟蒻三文魚好有咬口，做得好好。整體不錯。份量很大，一定夠飽。跟餐飲要了一杯凍伯爵茶，和加錢要了一杯 芫茜檸檬梳打 （原價減 $12）。正常發揮。裝修係幾靚。但到左 12點3坐滿晒人，就開始好嘈。個樓底咁高真係好估唔到。可能要考慮做啲吸聲牆紙之類。本來想叫甜品，但太嘈吵，所以食完主菜就走。

爛爛嘅食字 gag 😂 不過開心嘅係素年開到過港島，想食素嘅時候又多一個選擇了~太古分店樓底夠高，就算客滿都減低咗個壓迫感泰式香辣炸素蝦冬陰意粉 🌶️完全打破素食寡淡嘅印象，真係又香又辣（而且食到底都唔會好油），野菌同茄子都好入味。炸素蝦外脆內軟，最欣賞係入面嘅沙葛令口感更爽脆多汁~日式三文魚烤飯團有機滿地菜漬物定食擺盤靚，品項夠曬多睇落細細份其實係勁飽的~話梅桃膠車厘茄清爽又開胃；唔用鰹魚淨係用昆布同蘿蔔整嘅 miso soup 都好清甜，完全唔輸蝕；腐皮福袋口感豐富兼且好索汁~純素蒟蒻三文魚刺身個口感幾仿真㗎~隨餐有熱玄米茶或者凍嘅伯爵茶~

素食越來越普及化，素食餐廳也越開越高質素。今天想食清淡D經過附近新開左間素食店見仲早未太多人排隊就趁機去試吓⋯⋯店內裝修清雅舒服☺️食物賣相也很高⋯⋯lunch time 時間有幾款lunch set 選擇有pasta ,salad ,burger or All Day Breakfast 唔夠嘅話亦有小食追加⋯⋯今次我叫左三文魚蓋沙律🥗來到嘅賣相已經非常吸精沙律有偽三文魚🍣食落嘅口感同真嘅冇咩太大分別👍配菜方面有牛油果🥑紅色火龍果芒果毛豆加甜甜地嘅腐皮感覺好fresh好healthy其實食素都可以好滿足，岩曬正在努力減肥嘅我😅