影片
哩度得kimbap系食得落口嘅两椒豆腐饭好难食𠮶啲白色嘅以为系豆腐 结果系类似鱼片𠮶啲 叫咩豆腐饭得两旧百页豆腐🫠之前𠮶啲咩冬阴功大虾意粉都好难食，一味得个酸字，啲素虾口感好差，成个面食完唔知自己食咗咩
继续阅读
All Day Breakfast $58: 有齐大啡菇，素肠，脆薯饼，黑松露蛋，芦荀，粟米，沙律菜+餐包似模似样😄韩式饭卷配麻油伴粉丝Korean Kimbap with Cellophane Noodles$35: 经济抵食
继续阅读
Franklin 自从换左另一间素食餐厅后，都系第一次黎帮衬，感觉好清新简约，未食已有放松嘅感觉。睇完餐牌决定试下配搭颇特别嘅炒意粉。泰式冬荫功草菇虾仁扁意粉好有惊喜！本身扁意粉都煮得al dente，有嚼劲，冬荫功酱汁颇辛辣，又带适中嘅酸度同埋香茅味，十分刺激，要边食边饮茶解辣素虾仁应该系蒟蒻制品，弹牙烟韧，都有七成似真正虾仁，味道索晒冬荫功汁。特色泡菜系自家腌制，甜酸辣都食到，爽脆可口。卤水蛋都卤得十分入味，两种伴菜明显认真制作，收货有余。值得一提系是日素菜汤，忌廉蘑菇汤香到不得了，除左一片片嘅菇，都有菇茸混喺汤入面，饮落层次极之丰富，超推荐！喜欢素人想分享食物源自大地嘅讯息，素食亦都可以减低碳排放，不妨多食啊！
继续阅读
我自己本身就中大毕业嘅，所以耐唔耐就翻一翻中大个图书馆hea 下，又或者去游泳池游过水，等个人可以充下电咁啱今日返到去，平时食开嘅餐厅都冇开。本来都有啲伤心，但毕咗业咁多年，都知道中大开咗唔少新嘅餐厅，包括今日呢间餐厅：素人所以就决定去试一下啦！今次2 个人，试左两个意粉，另外每人再加多10几蚊去加个套餐，套餐小食同埋有一碗汤。卖𠴱都系百几蚊，几抵玩！冬阴功扁意粉真系好好味，冇谂过素食都可以咁惹味！可能因为我本身都钟意食冬阴功啦😂😂😂另外个松露意粉其实都唔差嘅，黑松露都好香口，忌廉亦都好滑身味道同出面啲文清Cafe比起真系有过之而无不及！另外佢仲有啲免费嘅麦茶俾你斟嚟饮，都好香口好好饮㗎，真系一个唔错嘅体验，而且餐厅嘅环境都好舒服好清新好干净，嚟得中大嘅真系要入嚟感受一下
继续阅读
虽然中大有好多can，但素食嘅就得一间！有时想懒健康咁就会同朋友去呢度食lunch～不过次次都超多人排队，搞都成日迟到但 #迟到好过唔到 #食饭紧要 哈哈听闻水饺超推介，可惜小妹未有机会试到 T.T唔知大家又钟意旧定新嘅素can呢～价钱参考：旧/双𩠌饭 $28新/照烧汁日式三色饭 $36新/芝士塔塔酱鳕鱼扒汉堡 $35 ⭐️ CP值：🐘🐘🐘.5 ⭐️ 打卡able：🐘🐘🐘.5⭐️ 舒适度：🐘🐘🐘.5⭐️ 再食指数：🐘🐘🐘.5（5 星为满分）
继续阅读