影片
原来已开左好几年, 每次经过都觉得里面黑漆漆的😌 今日兴起想韩食, 又只有一枱客人, 所以入去试下。那枱客人正在烤牛肉, 饮啤酒, 确实好吸引。一个人就烤不到烧肉了, 韩国既汤类倒是不错的选择。一大碗, 热辣辣的, 很适合较寒冷既天气, 我试了参鸡汤。喜欢韩国菜其中一原因系佢地既餐前小碟, 一般有泡菜, 芽菜, 豆腐, 黄瓜, 菇菌类等, 有d韩店更加可以无限添食。今次既前菜份量好少呀！哈哈😭 等了大约5分钟, 参鸡汤就来了！果然系热辣辣的, 汤仍滚著; 蒸汽稍为消散, 终于见到主角 - 鸡。一人份量刚刚好, 鸡已煲得好"淋", 骨肉已分离😂 进食时毫无难度, 只是有太多碎骨。呢个鸡汤既配料唔多, 有少许饭, 一个大枣和一条参, 但我不懂分辨属于那种; 反正汤既味道不错, 最后把整碗汤饮掉!
继续阅读
见到人地ig话个水冷面正，就趁入黎元朗顺便试下佢！我个人麻麻水冷面，觉得好一般同好难整得好食，所以有d期待因为我同男朋友中午食得太饱，所以晚餐就净系嗌左2份肉同水冷面。店内得两位待应，而且铺面都有d细，感觉佢地好忙，可能因为做埋外卖同会帮客烧，但依然态度好好经常留意同主动帮我哋换网，怕我地㶶哂，因为我地自己烧我地嗌左调味鸡腿肉同猪腩肉，肉既味道都吾错，腌左嘅鸡肉好够味，而猪都好正！佢有两个调味料，一个系麻油，而另一个好似系柚子咁既汁，感觉沾左冇咁腻系肉黎之前佢仲有前菜，样样都吾错，估唔到泡菜仲几好食，吾系间间泡菜都好食，所以抵赞不过如果要生菜包肉就要另叫，$35一份，好似得套餐先包，不过份量都几多重头戏，期待已久嘅水冷面，好好食！颠覆左我以前食嘅水冷面，佢系劲弹牙，感觉系fresh，吾似食紧一坨野既感觉😂😂，值得赞，好值Encore
继续阅读
两个人入座，讲明唔烧。佢话OK叫我地坐埋一边，冇问题。当时已经系八点几，计埋我哋得两台。我叫咗个豆腐汤，我老公叫咗个辣冷面。等左大约15至20分钟，突然有两个朋友加入我哋，转左去四人枱。过多一阵我个豆腐汤先来。跟住佢问我，系咪仲有个水冷面，我话系辣冷面，无水𠮶只😓朋友落单，一人叫一份。老公个冷面仲未嚟。最后老公前后等左差唔多半个钟，果Pat 冷面先来。再过多15分钟，走来问我2个朋友头先叫咗啲咩(当时铺头计埋我地先得八个客)。一个朋友放弃左，唔叫。另一个朋友叫多次，再等左15分钟先到。味道方面，我个豆腐辣汤似韩式快餐𠮶只。而辣冷面系一pat嘢，味道奇特。有啲似蚝油加甜辣酱？🥴🤢咁嘅味道，咁嘅服务，系要加一㗎💀#完全冇讲过唔好意思，唔觉得自己有问题
继续阅读
今日系年三十晚晚上九点出去揾野食基本上都冇咩餐厅仲开紧不过呢间老板够勤力就算准备好收炉都煮埋我地个餐今次叫左三样野第一样必叫既系炆牛肋骨一向食开系好入味好软熟食到连汁都唔可以放过既但今次唔知系咪太忙啦煮到老左 太un 但味道依然冇得顶海鲜豆腐汤其实唔洗比多廿蚊叫海鲜太咸了食唔到个种清清地既辣酱味不过都好食既 配饭一流今晚仲试左炸酱面记忆中系韩国食既炸酱面系好浓郁汁好结既呢度完全唔同 肉还肉 汁还汁食到底仲见到好多油都系去韩国食算
继续阅读
好耐无食韩国菜……对韩烧麻麻，但喜欢食韩国菜，在香港做得好食的唔易找。这间红是看食评后决定来试下，地点对路痴来说有点难找(附近大厦名实在太相似)。非常小的一间店，但我们6：30已到有空位，到食完时的时间就要等位了。但应有的韩国菜餐牌都有。不太饿所以只点了泡菜炒饭及拌辣冷面，冷小碟好好食。炒饭不是很辣，好食，份量充足，拌辣冷面的面非常烟韧出色，酱汁吸引，最特别是食的时候唔太辣，到口中没面才辣。餐牌有不辣的拌冷面，怕拌辣人士可选。下次会再去试其他
继续阅读